30 Janar 2023

"Deutsche Bank" i kërkon BE-së të ndërhyjë në Greqi

Berlin, 10 shkurt - Banka më e madhe e Gjermanisë, "Deutsche Bank" ka theksuar nevojën urgjente për ndërhyrjen e Bashkimit Evropian (BE) në stabilizimin e ekonomisë greke dhe monedhës së euros.

"Presioni ndaj euros po rritet. BE-ja duhet të bëjë gjithçka që të stabilizojë Greqinë dhe euron, por me kushtin që Greqia të bëjë të gjitha përpjekjet nga ana e saj", theksoi për gazetën “Bild” kryeekonomisti i kësaj banke, Tomar Mejer.

"Ndihma për Greqinë duhet të përbëjë një përjashtim, sepse në rast të kundërt unioni monetar mund të rrezikohet nga një krizë serioze", shtoi ai.

Liderët e shteteve dhe qeverive të 27 vendeve anëtare të BE-së pritet të mblidhen më 11 shkurt në një takim në Bruksel, ndërsa çështja për gjendjen katastrofike të buxhetit grek do të jetë një prej temave kryesore.

Kalendari

Ngjarjet e datës 30 janar 2023

 - Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, takohet me përfaqësues të Komisionit Vlerësues Mjekësor për Statusin dhe të Drejtat e Personave Paraplegjik dhe Tetraplegjik. (Kuvendi i Kosovës, salla N10, ora 10:00)

- Kuvendit Komunal të Rahovecit mban mbledhjen e parë për këtë vit. (Salla e KK-Rahovec, ora 10:00)
    
 - Mbahet mbledhja e Kryesisë së Kuvendin të Kosovës. (Ndërtesa e Kuvendit, C301, ora 11:00)
 
- Komuna e Vushtrrisë organizon ceremoninë e zbulimit të lapidarit të Dëshmorëve të Kombit, Sadri Maksuti e Sadik Malaj. Merr pjesë dhe kryetari i Komunës. Ferit Idrizi. (Fshati Stanoc, magjistralja Prishtinë-Mitrovicë, afër furrës “Evropa”, ora 13:00)
    
- Komisioni për Mjedis, Ushqim, Bujqësi, Planifikim dhe Zhvillim, diskuton për Planin Hapësinor për Parkun Kombëtar “Bjeshkët e Nemuna”. (Salla e Asembles Komunale në Pejë, ora 13:00)
    
- Fondacioni Friedrich Ebert në Prishtinë prezanton draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP). (Hotel Prishtina, ora 13:30)

- Partia Demokratike e Kosovës mban sot konferencë. (Selia Qendrore e PDK-së, ora 14:00)


- Drejtoria e Kulturës, Rinisë dhe Sportit në Ferizaj organizon ceremoninë e shpalljes së “Sportistit të Vitit 2022”. (Teatri “Adriana” në Ferizaj, ora 17:00)