05 Shkurt 2023

D4D lanson punimin për strategjinë e ardhshme të punësimit

Prishtinë, 24 qershor - Instituti Demokraci për Zhvillim (D4D) organizon lansimin e punimit 'Ide për diskutim: Sugjerime për Strategjinë e ardhshme të Punësimit', që do të mbahet sot në Prishtinë.

Në kuadër të këtij punimi është trajtuar perspektiva e rekomanduar gjinore për Strategjinë e Punësimit dhe Tregut të punës, të cilat do të diskutohen gjatë kësaj tryeze.

Duke pasur parasysh nivelin e ulët të pjesëmarrjes së grave në tregun e punës, diskriminimin dhe ndarjen gjinore të tregut të punës, mungesën e përkrahjes dhe mundësive për gratë, numrin e lartë të grave në sektorin jo-formal, dhe mungesën e politikave adekuate për të adresuar mungesën e barazisë gjinore në treg të punës, ky punim përmban analizën e gjendjes aktuale dhe rekomandimet për përmirësim dhe mundësi të barabarta për fuqizimin ekonomik të grave në Kosovë.

Duke konsideruar rëndësinë e fuqizimit ekonomik të grave dhe barazisë gjinore në tregun e punësi si premisë e zhvillimit të drejtë shoqërorë në shoqërinë kosovare, shpresojmë në pjesëmarrjen dhe kontributin tuaj në këtë konference

Kalendari

Ngjarjet e datës 3 shkurt 2023  - Këshilli Gjyqësor i Kosovës mban mbledhjen e radhës. (Ndërtesa e KGjK-së, ora 9:00)

- Kuvendi Komunal i Gjilanit mban seancë të jashtëzakonshme, ku në rend dite do të jetë falja e tatimit në pronë në vlerën deri 100 euro për të gjithë tatimpaguesit e kësaj komune, për vitin 2023. (Salla e Kuvendit Komunal të Gjilanit, ora 10:00)

- Sindikata e Sektorit Privat të Kosovës mban konferencë për shtyp lidhur me gjendjen e punëtorëve teknik të Sektorit Privat te Kosovës dhe dialogu me qeverinë dhe institucionet tjera të Kosovës. (Zyrët e Sindikatës, ora 11:00)

- Lidhja Demokratike e Kosovës Dega në Prizren, mban konferencë për medie. (Selia e LDK-së në Prizren, ora 11:00)

- Komisioni për Buxhet, Punë dhe Transfere shqyrton Projektligjin për ndryshimin dhe plotësimin e Ligjit mbi ndarjet buxhetore, si dhe shqyrton listën e kandidatëve për plotësimin e një pozite për anëtar joekzekuiv të Bordit të Bankës Qendrore të Kosovës. (Kuvendi i Kosovës, salla C203, ora 13:30)

- Prezantohet puna e kryer rreth vajzave dhe grave me aftësi të kufizuara të cilat kanë folur hapur për historitë e tyre të, abuzimeve seksuale, dhunës fizike, dhunës psikike, keqtrajtimeve, ofendimeve dhe diskriminimeve. (Ndërtesa e Qeverisë, salla P38, ora 14:30)