14 Korrik 2020

CEO-t kosovarë optimistë për rritjen ekonomike në 2020

Prishtinë, 10 mars - PwC Kosova prezantoi në një event ekskluziv të mbajtur në Prishtinë rezultatet e edicionit të 23-të PwC Global CEO Survey.

Për të parin vit në Kosovë, liderët e biznesit kosovarë kontribuan me mendimet e perspektivat e tyre mbi ekonominë kosovare dhe atë globale. Kjo iniciativë e PwC organizohet ekskluzivisht për Forumin Ekonomik Botëror që mbahet çdo vit në Davos të Zvicrës.

Pjesëmarrësit në kërkimin e zhvilluar ishin drejtuesit e kompanive më të mëdha në vend të cilët ndanë me PwC mendimet e tyre mbi ekonominë kosovare për vitin 2020.

Disa prej rezultateve të kërkimit janë se drejtuesit e bizneseve kosovare janë optimistë për rritjen e ekonomisë globale në vitin 2020.

52% e CEO-ve kosovarë duket se janë më të fokusuar në oportunitetet e brendshme si mundësi thelbësore për rritje, duke u fokusuar në eficiencën operacionale, rritjen organike dhe prezantimin e produkteve e shërbimeve të reja.

76% e CEO-ve pjesëmarrës planifikojnë rritjen e numrit të punonjësve në kompanitë e tyre për vitin 2020, ndërsa 69% e tyre janë duke planifikuar rritje të të ardhurave nëpërmjet rritjes organike.

4 në 5 drejtues konsiderojnë paqëndrueshmërinë sociale si një rrezik kundrejt rritjes së organizatës së tyre.

Vizioni i qartë mbi mënyrën e krijimit të vlerave, është drejtuesi kryesor i qëllimeve strategjike për 31% të CEO-ve kosovarë.

Aktualisht, sfida më e madhe e CEO-ve kosovarë në lidhje me rritjen e aftësive të punonjësve është mungesa e burimeve për të administruar programet e nevojshme për aftësimin e tyre.

E ardhmja e internetit paraqet pasiguri për CEO-t kosovarë.  56% e tyre presin ndikim nga qeveria kundrejt sektorit privat sa i përket kontrollit të përmbajtjes online.

PwC’s 23rd Annual Global CEO Survey u fokusua në perspektivat e ekzekutivëve në këto fusha me interes: rritjen ekonomike, teknologjinë, aftësimin e punonjësve dhe ndryshimet klimatike.

Këtë vit, në nivel global, liderët botërorë nuk treguan optimizëm për rritje ekonomike globale. Në fakt, 53% e liderëve pjesëmarrës në PwC Global CEO Survey parashikuan një rënie në ritmin e rritjes ekonomike globale, një parashikim ky mjaft pesimist në krahasim me vitet e mëparshme.

PwC Global CEO Survey përgatitet ekskluzivisht për të 23-tin vit radhazi nga PwC Global për Forumin Ekonomik Botëror që mbahet në Davos. Në Kosovë, ky raport përgatitet për të parin vit.

Në PwC, qëllimi ynë është të ndërtojmë besim në shoqëri dhe të zgjidhim probleme të rëndësishme. Ne jemi një rrjet firmash në 157 vende me mbi 276,000 njerëz që janë të angazhuar për të ofruar cilësi në shërbimet e auditimit, këshillimit dhe taksave.
 

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)