21 Tetor 2019

Bordi miraton draft buxhetin e Agjencisë Kosovare të Privatizimit për vitin 2020

Prishtinë, 27 qershor - Bordi i Drejtorëve të Agjencisë Kosovare të Privatizimit mbajti mbledhjen e tij të rregullt ku diskutoi dhe mori vendime të rëndësishme për procesin e privatizimit dhe të likuidimit të ndërmarrjeve shoqërore në përputhje me mandatin e vet ligjor.

Në këtë mbledhje Bordi shqyrtoi zbatimin e rekomandimeve të Njësisë së auditimit të brendshëm dhe miratoi Statutin e Komitetit të Auditimit të AKP-së.

Menaxhmenti raportoi para Bordit të Drejtorëve për aktivitetet e fundit të Agjencisë, ku mes tjerash shqyrtoi dhe miratoi  draft buxhetin e Agjencisë për vitin 2020, shqyrtoi dhe miratoi Transaksionet e  SHAL 47, shqyrtoi dhe miratoi listën e Shitjes së Aseteve në Likuidim SHAL 49.

Po ashtu Bordi shqyrtoi dhe e miratoi propozim për aprovimin e raportit të Komisionit për shqyrtimin e ankesave në listat e 20% të punëtorëve.

Bordi gjithashtu shqyrtoi dhe aprovoi propozimin për amandamentimin e Rregullave të procedurës së Komisionit për shitjen e Banesave në Pronësi të Ndërmarrjeve Shoqërore

Kalendari

Ngjarjet e datës 21 tetor 2019 - Nën patronatin e Kryeprokurorit të Shtetit, Aleksandër Lumezi dhe në mbështetjen e Ambasadës Amerikane në Kosovë dhe UN Women-it, mbahet “Java për të Drejtat e Viktimave të Krimit” me ç‘rast do të organizohet konferencë ndërkombëtare me moton “Drejtësia rikthen dinjitetin e viktimave”. (Hotel Emerald, ora 10:00)

- Familja Hoxha mban konferencë për media për të shprehur zhgënjimin me Qeverinë Rama për neglizhencën në zbardhjen e fatin e Remzi Hoxhes. (Hotel The Plaza Tirana, orën 10:00)

- Kryetari i Gjilanit, Lutfi Haziri pret në takim kryetarin e Odës Ekonomike Indiano-Kosovare, Anil Mishra. (Zyra e kryetarit, ora 11:45)

- Aleanca Kosovare e Biznesve dhe Misioni Diplomatik për Paqe dhe Prosperitet  organizojnë ceremoninë zyrtare të vlerësimit për Vasfije Krasniqi-Goodman si Misionare e Paqës. (Zyrat e Misionit Diplomatik në Tiranë, rruga Donika Kastrioti, P14 Ap.3E, ora 12:00)

- Zyra e BE-së rganizon një vizitë në shkollën 'Nim Frashëri' e cila së shpejti do të lidhet me rrjetin e ngrohjes qendrore të ofruar nga Termokosi. (Shkolla “Naim Frashëri”, ora 14:30)