19 Nëntor 2018

Bizneset të rrisin masat për mbrojtjen kibernetike

Prishtinë, 19 tetor – Zhvillimet e shpejta në ekonominë dixhitale në nivel global e me shtrirje edhe në Kosovë janë një kërcënim i vazhdueshëm për sigurinë e qytetarëve por edhe bizneseve, prandaj duhen ndërmarrë masa edhe nga ana e institucioneve por edhe e qytetarëve për të rritur efekshtmërinë e sistemve të mbrojtjes nga sulmet kibernetike. Kjo u tha sot gjatë një tryeze të organizuar nga Oda Ekonomike Amerikane në Kosovë në kuadër të shënimit të Muajit të Sigurisë Kibernetike.

Në hapje të tryezës, Drejtori Ekzekutiv i Odës Ekonomike Amerikane, Arian Zeka tha se në përgjithësi në Kosovë është rritur vetëdija për sa i përket përfitimeve të vendit nga ekonomia dixhitale, por pavarësisht kësaj pak flitet për rreziqet kibernetike. Ai përmendi disa organizata të cilat janë aktive në këtë aspekt siç është rasti me Qendrën e Inovacionit të Kosovës, derisa shtoi se duke e ditur se bizneset përbëjnë një rrezik potencial të sulmeve kibernetike, edhe Oda Amerikane është aktive në këtë aspekt.

Zëvendësministri i Punëve të Brendshme, Selami Shkodra, tha se Ministria e Punëve të Brendshme dhe Qeveria e Kosovës janë të vetëdijshme për trendët rritëse të sulmeve kibernetike dhe si rrjedhim mbesin mjaft aktive për të ndërmarrë masat e nevojshme për t’u përgjigjur kërcënimeve të mundshme.
Udhëheqësi i Sektorit për Hetimin e Krimeve Kibernetike nga Policia e Kosovës, Fadil Abdyli, tha se Policia e Kosovës pavarësisht se ka në fokus hetimin e krimeve, ka qenë e kujdesshme që të informojë bizneset edhe për rreziqet e mundshme me të cilat ata përballen, duke shpërndarë udhëzime për sa i përket masave që duhen ndërmarrë për shmangien e rreziqeve kibernetike. Ai tha se këtë vit është vënë re një rritje e kërcënimeve për bizneset, prandaj këtyre të fundit u bëhet thirrje të jenë të rrisin sigurinë e sistemeve të teknologjisë informative.

Agim Bekaj, përfaqësues i kompanisë Microsoft, foli për rëndësinë që janë sistemet e licencuara kompjuterike dhe rreziqet që paraqiten nga softuerët piraterik. Në anën tjetër, Drinor Selmanaj, themelues i Kompanisë Sentry, si dhe një ligjërues aktiv në fushën e mbrojtjes kibernetike foli për format aktuale të kërcënimeve kibernetike dhe për masat e kudjesit që bizneset dhe punonjësit e tyre duhet të ndërmarrin në kuadër të mbrojtjes më aktive kibernetike. 

Kalendari

Ngjarjet e datës 19 nëntor 2018 - Kuvendi i Republikës së Kosovës shënon Diten e Konventës Ndërkombëtare për të Drejtat e Fëmijëve.(Ndërtesa e Kuvendit, salla C 405, ora 10:00)

- Kryeparlamentari Kadri Veseli merr pjesë në Ditën e Konventës Ndërkombëtare për të Drejtat e Fëmijëve. (Ndërtesa e Kuvendit, salla C 405, ora 10:00)

- Mbledhja e Kryesisë së Kuvendit me kryetarët e grupeve parlamentare. (Ndërtesa e Kuvendit, salla  C-301, ora 11:00)

- Programi i Kombeve të Bashkuara për Zhvillim do të përurojë impiantin i për trajtimin e ujërave të zeza në vise rurale në fshatin Kramovik, Komuna e Rahovecit. (Fshati Kramovik, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të marrë pjesë në ceremoninë e inaugurimit të Impiantit për Trajtimin e Ujërave të Zeza - moçalishtë e ndërtuar në Kramovik të komunës së Rahovecit. (Fshati Kramovik, ora 11:00)

- Koordinatori Nacional për Kulturë, Rini dhe Sport në Qeverinë e Kosovës, Rexhep Hoti, do të nënshkruajë marrëveshje bashkëpunimi me Kryetarin e Komunës së Ferizajt, Agim Aliu për avansimin e pozitës së të rinjve në sport, kreativitet kulturor dhe mendim kritik dhe në dituri. (Objekti i Komunës së Ferizajt, ora 11:00)

- Kryeparlamentari Kadri Veseli merr pjesë në mbledhjen e Kryesisë së Kuvendit. (Ndërtesa e Kuvendit, salla C 301, ora 11:00)

-  Mbahet ceremonia e nënshkrimit të marrëveshjes së bashkëpunimit ndërmjet Ministrisë së Integrimit Evropian dhe Norvegjisë, me ç’rast nënshkruhet projekti përkrahës i Norvegjisë për ngritjen e kapaciteteve të shërbyesve civilë për zbatimin e MSA-së. (Ndërtesa e Qeverisë, salla e Konferencave P-32, ora 11:00)

- Mbahet sesioni informues i thirrur nga  Fondi i Ballkanit Perëndimor e cila është thirrja e dytë me radhë për propozimet e projekteve rajonale. (Ambientet e Ministrisë së Punëve të Jashtme, ora 11:00)

- Kryeparlamentari Kadri Veseli pret në takim të përbashkët ministrin e Financave, ministrin e Drejtësisë dhe kryeshefin e Agjencisë Kundër Korrupsionit në Kosovë. (Kabineti i Kryeparlamentarit, ora 13:00)

- Kryetari i Nismës Socialdemokrate, Fatmir Limaj, mban takim me të rinjtë e Nismës në Shtime. (Shtëpia e Kulturës në Shtime, ora 16:00)
 
- Kryetari i Nismës Socialdemokrate, Fatmir Limaj, mban takim me të rinjtë e Nismës në Lipjan. (Golden Day në Lipjan, ora 18:00)

- Galeria Kombëtare e Kosovës organizon hapjen e ekspozitës “Muzeu i tri pikave” të artistit Lulzim Zeqiri. (Galeria Kombëtare e Kosovës, ora 20:00)