27 Shkurt 2020

Bizneset në Prizren me vullnet bashkëpunojnë për interesat e tyre

Prizren, 10 tetor - OAK në vazhdën e aktiviteteve të saj “Kafja e mëngjesit me bizneset” kësaj radhe ishte e pranishme në Regjionin e Prizrenit, ku qëllim kryesor i këtij organizimi ishte që për së afërmi të bashkëbisedojnë me bizneset dhe të prezantojnë propozimet që Oda e Afarizmit të Kosovës (OAK) ka përgatitur për Qeverinë e re.

Kryetari i bordit Skënder Krasniqi shpalosi para të pranishmëve disa nga problemet më të mëdha me të cilat po përballen bizneset që OAK i ka evidentuar nga takimet e vazhdueshme me ta, e për të cilat ka përgatitur edhe propozimet se si të arrihet tek zgjidhja.

Krasniqi theksoi se për këtë OAK përveç që ka organizuar konferencë për media, i ka dërguar tek të gjitha partitë politike në mënyrë që këto propozime të përfshihen në programet e tyre. Andaj, qëllimi i këtij takimi është që të diskutojnë së bashku këto kërkesa dhe të evidentojë për të tjera çështje eventuale.

Disa prej çështjeve më kryesore që preokupojnë bizneset e këtij regjioni e që u theksuan në këtë takim ishin: mungesa e fuqisë punëtore të kualifikuar, duke theksuar që është shumë e rëndësishme që shkollat profesionale dhe mësimi dual të praktikohen në mënyrë që të kemi kuadro profesionale, kompletimi i zonës industriale në Prizren e cila nuk është funksionale, fondi zhvillimor për bizneset, transformimi i ATK-së, problemet e sektorit të transportit, alokimi i investimeve, funksionalizimi i gjykatës ekonomike, mungesa e ligjit për sigurime shëdetësore etj.

Bizneset përshëndetën iniciativën e Odës për këtë organizim dhe theksuan që është shumë e rëndësishme që të ndërtohet një partneritet i shëndoshë mes institucioneve publike dhe komunitetit të biznesit, në mënyrë që së bashku të arrijnë në tejkalimin e barrierave të cilat paraqiten gjatë operimit të tyre.

Anëtari i bordit Hysni Zogaj falënderoi të pranishmit për bashkëpunimin dhe pjesëmarrjen e tyre duke shtuar që OAK me përkushtim maksimal do të trajtojë të gjitha kërkesat e bizneseve.

Gjithashtu, nikoqiri i këtij aktiviteti, njëherësh edhe anëtar i bordit në OAK Hasan Gigollaj i falënderoi të pranishmit për pjesëmarrje duke cilësuar që ky takim ishte një takim shumë konstruktiv dhe të gjitha çështjet e ngritura do të avokohen dhe lobohet për zgjidhje.

 “Kafja e Mëngjesit” rrugëtimin e saj do ta vazhdojë në regjionin e Podujevës.

Kalendari

Ngjarjet e datës 27 shkurt 2020 - Kryeministri Albin Kurti pret në takim Komandantin e KFOR-it, Michele Risi. Ndërtesa e Qeverisë, ora 8:40 - vetëm pamje)

- Shefja e Zyrës së Bashkimit Evropian në Kosovë, Nataliya Apostolova do të marrë pjesë në eventin përmbyllës të projekti të BE-së për mbështetjen e shërbimeve korrektuese dhe sprovuese të Kosovës, i cili do të mbahet në Prishtinë. (Hotel Emerald, ora 9:00)

- Nën organizimin e Sindikatës së Pavarur të Sektorit Privat të Kosovës, punëtorët e sigurimit fizik të Rektoratit të Universitetit të Mitrovicës do të protestojnë për shkeljet e tyre ligjore nga ana e kompanisë e cila edhe pse është vërtetuar që ju ka borxh punëtorëve asaj nuk i intereson kjo. (Para Rektoratit të Universitetit të Mitrovicës, ora 10:00)

- Mbahet  seanca e Kuvendit të Komunës së Gjilanit. (Salla e mbledhjeve të Kuvendit të Komunës së Gjilanit, (ish objekti i gjykatës. ora 10:00)

- Kryeministri Albin Kurti pret në takim zëvendës presidentin e Parlamentit Evropian, Rainer Wieland. (Ndërtesa e Qeverisë, ora 10:00 - vetëm pamje)

- Koalicioni i OJQ-ve për Mbrojtjen e Fëmijëve në partneritet me rrjetin Kraeeyn organizon konferencën për publikimin e “Politikës rekomanduese për zhvillimin në fëmijërinë e hershme”. (Hotel Sirius, ora 10:00)

- Mbahet mbledhja e rregulltë e Kuvendit Komunal të Mitrovicës. (Salla e Kuvendit të Komunës së Mitrovicës, ora 10:00)

- Zyra e Bashkimit Evropian në bashkëpunim me komunën e Prishtinës do ta përuroj çerdhen në lagjen Kalabria në Prishtinë. (Lagjja Kalabria, ora 10:30)

-  OJQ-së Aktiv bën prezentimin e letrës ‘Vlerësimi i të drejtave dhe lirisë në komunitetet Serbe të Kosovës’, mbështetur nga Qendra Ndërkombëtare Olof Palme. (Hotel Sirius, ora ora 11:00)

- Komisioni për Integrim Evropian bën shqyrtimin e draft-planit të punës së komisionit për vitin 2020. (Ndërtesa e Kuvendit, salla N 204, ora 11:00)

- Nënkryetari i Komunës së Gjilanit, Arbër Ismajli, me bashkëpunëtorët pret në takim zëvendësministren e Arsimit, Sportit dhe Rinisë të Shqipërisë, Lorena Haxhiu. (Zyra e kryetarit, ora 13:30)

- Mbahet mbledhja e Qeverisë së Republikës së Kosovës. (Ndërtesa e Qeverisë, ora 16:00)

- Fondacioni Shtatëmbëdhjetë organizon hapjen e Ekspozitës INFRARED: Additions në Fushë Kosovë. (Rr. e Pejës të rrethi në Fushë Kosovë, ora 18:00)