17 Shtator 2019

Bizneset në Mitrovicë respektojn ditën e diel si ditë pushimi

Mitrovicë, 20 maj - Drejtuar nga kryetari i komunës, Agim Bahtiri, sot është mbajtur mbledhja e radhës e Bordit të Drejtorëve, ku janë diskutuar disa pika të rendit të ditës, që janë me interes për qytetarët e komunës së Mitrovicës.

Fillimisht, zyrtari kryesor komunal për buxhet, Adem Fazliu, ka njoftuar ekzekutivin lidhur me raportin vjetor për sistemin e kontrollit të brendshëm, raport ky i cili do të praktikohet për herë të parë për të gjitha komunat e Kosovës, me vendim të Ministrisë së Financave.

Ndërsa drejtori për Financa dhe Zhvillim Ekonomik, Shukri Gashi, gjatë mbledhjes së sotme njoftoi drejtorët komunal me Draft Raportin e Auditimit për vitin 2018 për Komunën e Mitrovicës, me ç’rast u diskutua për opinionin e auditorëve, fushat të cilat janë audituar si dhe të gjeturat nga auditorët e Zyrës Kombëtare të Auditimit.

Drejtori Gashi më tutje foli edhe  për  Qarkoren e parë buxhetore për vitet 2020- 2022. Ai ka prezantuar para ekzekutivit buxhetin e komunës së Mitrovicës për vitin 2020.

“Grandi Qeveritar 19,446,001 euro, planifikimi i të hyrave vetjake 2,499,975 euro, ndërsa totali i buxhetit të komunës së Mitrovicës për vitin 2020 është 21,945,976 euro”,  ka thënë drejtori Gashi.

Ndërsa drejtori i Inspeksionit, Hysni Ahmeti, tha se edhe gjatë këtij vikendi inspektorët komunal në bashkëpunim me Policinë e Kosovës kanë inspektuar subjektet afariste lidhur me vendimin për respektimin e orarit të punës. Ai po ashtu tha se vendimi i kryetarit Bahtiri që dita e diele të jetë ditë pushimi për të gjitha bizneset në Mitrovicë është duke u respektuar në përpikëri.

Po ashtu ai njoftoi ekzekutivin mbi gjendjen e rrugës ”Vëllezërit Dragaj”, ku banorët kanë kërkuar që kjo rrugë të mbikëqyret nga Policia e Kosovës si dhe të largohen të gjitha pengesat nga rruga.

 

Kalendari

Ngjarjet e datës 17 shtator 2019 - Mbahet dita e dytë e  konferencës më të madhe për zhvillimin e qëndrueshëm në rajon më temë 'Energjia për tv ardhmen'. (Hotel Emerald, ora 9:30)

- Komuna e Gjilanit bën homazhe në 20-vjetorin e rivarrimit të dëshmorëve të kombit. (Kodra e Dëshmorëve në Gjilan, 10:00)

- Komuna e Rahovecit mban mbledhjen e nëntë te rregullt te Komiteti për Politik dhe Financa. (Rahovec, ora 10:00) 

- Me rastin e vdekjes së veprimtarit të shquar romë, Nexhip Menekshe do të mbahet mbledhje komemorative për të kujtuar veprimtarin e pasur të së ndjerit si: dramaturg, gazetar, poet dhe arsimtar të gjuhës rome. (Shtepia e Kulturës “Xhemajli Berisha” në Prizren, ora 11:00)

-  Lëvizja Fol organizon diskutimin e radhës në kuadër të Forumit Fol Hapur me kandidatin e Vetëvendosjes për Kryeministër, Albin Kurti. (Zyrat e Lëvizjes FOL,  ora 11:00)

- Ambasada Hungareze në Prishtinë bën prezantimin e programit për Javët e Kulturës Hungareze, të shoqëruar me nga një gotë verë, dhe biseda joformale me gazetarët. (Ambasada e Hungarisë, rr. Arben Xheladini 157 në Prishtinë, ora: 13:30)

- Kandidatja e LDK-së për Kryeministre, Dr. Vjosa Osmani, viziton këto biznese në Suharekë: Fabrikën për prodhim këpucësh “Solid”, Kompaninë “Seti Comerc”, Fabrikën e mobilieve “Te Naseri” dhe Fabrikën e pijeve “Frutex”. (Suharekë, ora 14:00)

- Komisioni Qendror i Zgjedhjeve organizon tërheqjen e shortit për renditjen e subjekteve politike në fletëvotim për zgjedhjet e parakohshme për Kuvendin e Republikës së Kosovës që do të mbahen më 6 tetor 2019. (Ndërtesa e KQZ-së, kati 4, ora 16:00)  

- Komuna e Gjilanit shënonë 20-vjetorin e rivarrimit të dëshmorëve të kombit. (Teatri i qytetit në Gjilan, 16:00)

- Mbahet tubimi promovues për kandidatët e parlamentit të Kosovës të Nismës Socialdemokrate në Lipjan. (Salla e Shtëpisë së Kulturës “Tahir Sinani” në Lipjan, ora 18:00)

- Kandidatja e LDK-së për Kryeministre, Dr. Vjosa Osmani mban takim me grupin e OJQ-ve në Gjakovë. (Hotel Çarisha e Jupave. ora 18:30)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e Gjakovës. (Qarshia e vjetër, Loma e Drithit, ora 19:00)

- Kandidatja e LDK-së për Kryeministre, Dr. Vjosa Osmani takohet me strukturat dhe qytetarët e fshatit Ratkoc. (shkollën fillore e fshatit Ratkoc, ora 20:30)