04 Korrik 2020

Bizneset diskutojnë mbi ndryshimet në legjislacionin tatimor

Prishtinë, 11 mars - Oda Ekonomike Amerikane në Kosovë dhe Deloitte Kosova organizuan punëtorinë mbi ndryshimet e ligjeve për Tatim në të Ardhura të Korporatave dhe të Aplikimit të Ngarkesës së Kundërt në Ndërtimtari respektivisht, ku përfaqësues të bizneseve prezente u informuan mbi ndryshimet e legjislacionit tatimor të cilat kanë ndodhur gjatë vitit të fundit.

Afrore Rudi, Drejtoreshë e Departamentit të Tatimeve dhe Shërbimeve Ligjore në Deloitte Kosova, tha se ndryshimet e fundit përmbledhin një përmbushje të plotë të ndryshimeve të legjislacionit tatimor të cilat kanë filluar qysh para dhjetë vitesh.

Ajo shtoi se me ndryshimet e fundit është bërë një përafrimi mjaft i konsiderueshëm i legjislacionit të Kosovës me atë Evropian dhe Ndërkombëtarë.

Ndër të tjera, Rudi potencoi faktin se Administrata Tatimore e Kosovës ka avancuar jashtëzakonisht në zbatimin e legjislacionit tatimor, duke përfshirë edhe respektimin e direktivës së BE-së në lidhje me aplikimin e ligjit për TVSH, si dhe zbatimin e marrëveshjeve të dyfishta për eliminimin e tatimeve.

Arian Zeka, Drejtor Ekzekutiv i Odës Ekonomike Amerikane në Kosovë tha se gjatë këtyre dhjetë viteve të fundit ka pasur një sërë ndryshimesh në legjislacionin tatimor, gjersa Oda Amerikane përmes komitetit tatimor ka qenë një ndër kontribuesit më të mëdhenjë në këto ndryshime.

Zeka shtoi se fokus i Odës Amerikane mbetet kujdesi në mos rritje të normave tatimore, veçanërisht tek Ligji i Tatimit në të Ardhura Personale. Tutje, ai theksoi nevojën e të pasurit më shumë marrëveshje për eliminimin e tatimit të dyfishtë, të cilat janë shumë të nevojshme për tërheqjen e investitorëve të huaj.

Tutje, Ruzhdi Zenelaj, Menaxher i Lartë për Tatime dhe Ardian Rexha, Menaxher i Shërbimeve Ligjore në Deloitte Kosova, informuan më detajisht të pranishmin rreth ndryshimeve dhe risive në këto ligje, përkatësisht në Ligjin për Sponsorizimet, Provizionet për Bankat dhe Kompanitë e Sigurimeve, ndryshimet e Ligjit për Tatimin në të Ardhurat e Korporatave dhe aplikimin e ngarkesës së kundërt në lëmin e ndërtimit.

Kalendari

Ngjarjet e datës 4 Korrik 2020

- Shoqata "Miqtë e Amerikës", do të organizojë aktivitet në nderim të 4 korrikut - Dita e Pavarësisë së SHBA ku aktiviteti fillon me pastrimin e sheshit Bill Clinton nga zjarrfikësat e Prishtinës. (Sheshit Bill Clinton, ora 10:00)

- Ministri i Infrastrukturës, Arban Abrashi do të bëjë shenjëzimin e shtigjeve të biçikletave në hyrje të Fushë-Kosovës, te rrethi i kazermës “Adem Jashari”, bashkë me grupin e çiklistëve “Marakli t’biçikletave”. (Parkingu i Ministrisë së Infrastrukturës, ora 10:00)

- Në nderim të 4 korrikut - Dita e Pavarësisë së SHBA pjestarët e Qendrës së Mjekësisë Urgjente të Prishtinë do ta ngrisin flamurin. (Sheshi Bill Clinton, ora 11:00)
 
- Kryeministri merr pjesë në fillmin e fushatë së korrje shirjeve në Kosovë. (Zona Industriale në fshatin Shirokë, Komuna e Suharekës, ora 14:00)