13 Nëntor 2019

BERZH e miratoi Strategjinë e re pesëvjeçare për Maqedoninë e Veriut

Frankufurt, 28 maj - Këshilli i drejtorëve i BERZH-it e miratoi Strategjinë e re të vendit për angazhimin e vet në Maqedoninë e Veriut gjatë pesë viteve të ardhshme deri në vitin 2024, vetëm disa muaj pasi hyri në fuqi Marrëveshja për zgjidhjen e kontestit me emrin dhe partneriteti strategjik me Greqinë fqinje.

Si rezultat i shpresave për përshpejtimin e procesit të përafrimit ndaj Bashkimit Evropian dhe besimit gjithnjë e më të madh të investitorëve, strategjia  e re potencon se ritmi i reformave të ardhshme është kyç.

“Dukjet për përshpejtimin e integrimit në institucionet Euroatlantike, veçanërisht përafrimi drejt BE-së, vazhdojnë të jenë shtylla kryesore për reforma strukturore dhe faktor i stabilizimit”, thuhet në dokument. Më tej shtohet se lidhjet e përmirësuara me Greqinë dhe fqinjët e tjerë “kontribuojnë për besimin e rritur të investitorëve”.

Strategjinë për vendin të BERZH-it e quan këtë moment si “udhëkryq historik” dhe shton: “Shumë gjëra do të varen prej vëllimit aktual dhe ritmit të angazhimeve reformuese për orientimin e vendit në rrugën drejt rritjes së qëndrueshme dhe inkluzive”.

Prioritetet strategjike të BERZH-it për 5 vitet e ardhshme janë 1) mbështetja e konkurrencës përmes përmirësimit të zinxhirëve të vlerave, zhvillmi i aftësive të fuqisë punëtore dhe përforcimi i udhëheqjes; 2) përforcimi i integrimit rajonal, lidhja e butë dhe mbështetja e përafrimit drejt BE-së; dhe 3) mbështetja e tranzicionit ndaj ekonomisë së gjelbër përmes miksit më të qëndrueshëm energjetik dhe efikasitetit më të madh të resurseve.

“Integrimi rajonal do të jetë drejtim nëpër të cilin do të udhëhiqen investimet e Bankës dhe aktivitetet lidhur me politikat, ndërsa theks të veçantë do t’u vihet analizimit të sinergjive me aktivitetet e Bankës në ekonomitë fqinje”, thuhet në strategji.

Rritja reale e BPV-së në Maqedoninë e Veriut në vitin 2018 është 2,7 për qind dhe parashihet të rritet në 3 për qind në vitin 2019 si rezultat i rritjes së fuqishme të eksportit dhe rikuperimit të konsumit, si në sektorin privat ashtu edhe në atë publik.

BERZH është investitor kryesor në Maqedoninë e Veriut dhe deri më tani i ka investuar afro 2 miliardë euro në 115 projekte.

 

Kalendari

Ngjarjet e datës 13 nëntor 2019

- Save the Children në bashkëpunim me Minstrinë e Arsimit dhe Institutin Pedagogjik organizojnë konferencën ndërkombëtare ‘Fuqizimi i Kujdesit, Zhvillimit dhe Edukimit në Fëmijërinë e Hershme’ që ka për qëllim të ofrojë mundësi për hartuesit e politikave, ofruesit e shërbimeve, përfaqësuesit nga akademia dhe akterë të tjerë, për t’u informuar dhe ndarë praktikat më të mira mbi rëndësinë e investimeve në kujdesin dhe zhvillimin e fëmijërisë së hershme. (Hotel Sirius, ora 9:30)

- Instituti Demokratik i Kosovës organizon tryezën e diskutimit lidhur me dy projekte të mëdha të Ministrisë së Infrastrukturës siç janë, rehabilitimi i rrugës Prishtinë - Pejë dhe Prishtinë - Mitrovicë ku edhe do të bëhet edhe publikimi i hulumtimit mbi arsyet e vonesave në punime në këto dy rrugë, i titulluar “Rrugë pa fund”. (Hotel Sirius, ora 10:00)

- Organizata "Voice of Roma, Ashkali and Egyptians" VoRAE organizon Festivalin Multikulturorë i pari i këtij lloji në Kosovë. (Hotel Emerald, ora 10:00)

- Grupi për Studime Juridike dhe Politike organizon tryezën e diskutimit me temë “Roli i vendimeve të Gjykatës Supreme në luftën kundër krimit dhe korrupsionit: Një thirrje për disiplinim të gjyqtarëve që marrin vendime të kundërligjshme”. (Qendra e konferencave Orion, ora 10:30)

- Në kuadër të fushatës “Jo drogë tek të rinjtë”, Task Forca Anti Drogë tek të rinjtë dhe siguri në Shkolla do të organizoj pritje për student, ku do të shfaqin prezantimet me njohurit e tyre lidhur me narkotikët, si dhe do të bashkëbisedojnë me Shefin e Task Forcës Anti Drogë. (Ndërtesa e Qeverisë, salla P38, ora 11:00) 

- Drejtori i Drejtorisë së Shëndetësisë në Komunën e Prizrenti, Visar Shehu, do të mbajë konferencë për shtyp për ta njoftuar opinionin publik me më të rejat nga fusha e shëndetësisë. (Zyret e Shërbimit Urgjent, rruga Tirana në Prizren, ora 11:00)

- Ambasada e Francës në Kosovë mban konferencë për media në të cilën do të prezantojë edicionin e 19 - të Festivalit të Filmit Frankofon në Kosovë i cili organizohet në bashkëpunim me përfaqësitë diplomatike të Zvicrës, Belgjikës dhe Luksemburgut, Aleancën Franceze, Ministrinë e Punëve të Jashtme, si dhe Ministrinë e Kulturës, Rinisë dhe Sportit të Kosovës. (Salla e konferencave në Ministrinë e Punëve të Jashtme, ora 12:00)

- Teatri i Qytetit te Mitrovicës "Muharrem Qena" shfaq premierën teatrore “Kur treni vonohet”, me autor Osman Goranci dhe me regji të Artan Tmavës. (Qendra e Kulturës “Rexhep Mitrovica”, ora 19:00)