24 Shkurt 2019

BERZh e gatshme për ta mbështetur zhvillimin ekonomik të Kosovës

Prishtinë, 20 nëntor - Ministri i Financave, Bedri Hamza  priti sot në takim zëvendëspresidentin e parë të Bankës Evropiane për Rindërtim dhe Zhvillim (BERZh) Jürgen Rigterink, i cili përmes këtij takimi hapi zyrtarisht vizitën e tij në Kosovë.

Me këtë rast, Ministri Hamza theksoi se BERZh-i vazhdon të jetë një ndër partnerët kyç dhe strategjik të Kosovës për realizimin e projekteve të mëdha infrastrukturore. Ai  gjithashtu shprehi edhe një herë vullnetin e Ministrisë së Financave për të intensifikuar bashkëpunimin aktual me BERZh-in.

Gjatë takimit Ministri Hamza i dorëzoi zëvendëspresidentit Rigterink kërkesën për financim të Projektit për ndërtimin e Qarkores së Prishtinës, për të cilin pritet që marrëveshja financiare të përmbyllet vitin e ardhshëm.

Ndërsa, zëvendëspresidenti Jurgen Rigterink shprehi edhe një herë gatishmërinë e BERZh-it për ta mbështetur zhvillimin ekonomik të Kosovës përmes realizimit të projekteve prioritare për vendin.

Gjatë takimeve tjera të ardhshme që do të ketë ministri Hamza me zëvendëspresidentin Rigterink gjatë vizitës së tij në Kosovë, pritet gjithashtu të diskutohet për progresin e projekteve të cilat janë në proces, duke identifikuar mundësitë për tejkalimin e sfidave si dhe diskutim për financimin e projekteve të tjera në sektor të ndryshëm në Kosovë, përfshirë këtu projekte për sektorin publik dhe privat.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)