13 Nëntor 2018

Berat Rukiqi pranoi detyrën e kryetarin të Odës Ekonomike

Prishtinë, 12 korrik - Sot është bër pranim dorëzimi i detyrës nga kryetari i OEK-ut i deritashëm Safet Gërxhaliu për kryetarin e ri të porsazgjedhur të Odës Ekonomike të Kosovës Berat Rukiqi.

Kryetari i OEK-ut Berat Rukiqi vlerësoi se pranim dorëzimi në këtë mënyrë është model edhe për insitucionet e tjera.

"Oda ka traditë 55 vjeqare dhe tregon se do të ketë vazhdimësi. Oda është ruajtur me shumë sfida", tha ai në ceremoninë e pranim dorëzim të detyrës.

Sipas tij Oda do të angazhohet për të zhvilluar ekonominë e Kosovës.

"Do të angazhohemi për rritje të eksporteve të Kosovës që do të gjenerojë vende të reja të punës", tha Rukiqi.

Kurse ish kryetari i OEK-ut i deritashëm Safet Gërxhaliu ka uruar kryetarin e ri të porsazgjedhur të Odës Ekonomike të Kosovës Berat Rukiqi.

"Oda Ekonomike e Kosovës ka zero buxhet, kurse ministrit kanë miliona euro. Ne kemi dhënë shumë për biznesin dhe ekonominë e Kosovës", tha ai.

Ndryshe dje Berat Rukiqi është zgjedhur kryetar i OEK-ut për një mandat katër vjeqar.

Për punën e deritashme Oda Ekonomike e Kosovës i ndau mirënjohje ish kryetarit të Odës Ekonomike të Kosovës Safet Gërxhaliu (OEK).

Po ashtu së fundi Gërxhaliu është shpallur menaxher i vitit në Sarajevë.

Kalendari

Ngjarjet e datës 13 nëntor 2018 - Mbahet seanca e jashtëzakonshme e Kuvendit të Republikës së Kosovës në të cilën do të behët shqyrtimi dhe miratimi i pakës së ligjeve për sundim të ligjit dhe agjendën integruese evropiane. (Kuvendi i Kosovës, ora 10:00)

- Ministri i Mjedisit dhe Planifikimit Hapësinor, raporton para Komisionit për Bujqësi, Pylltari, Zhvillim Rural, Mjedis e Planifikim Hapësinor lidhur me gjendjen e mjedisit në Kosovë. (Ndërtesa e Kuvendit, salla N 302, ora 10:00)

- Ta Pastrojmë Kosovën do të organizoj aksion pastrimi në Mitrovicë, në lagjen rome, afër stadiumit “Riza Lushta”, përkatësisht  te rruga “Adem Voca”. (Mitrovicë, ora 10:00)

- Misioni i OSBE-së në Kosovë, komuna e Obiliqit përurojnë mekanizmin koordinues kundër dhunës në familje. (Restorant Amazona, ora 10:00)

- Mbahet debati publik me temën “Narkomania dhe alkoholizmi në Kosovë - si të luftohet kundër veseve që po i shkatërrojnë të rinjtë?". (Qendra Mediale në Çagllavicë, ora 11:00)

- Këshilli për Mbrojtjen e Konsumatorit mban konferencë për media më temë "Të gjithë bashkë kundër dëmeve që vijnë nga Serbia". (Holli i Ministrisë së Tregtisë dhe Industrisë, ora 11:00)

- Komuna e Gjilanit bëb prezantimin e projektit “Të rinjtë në Agrobiznes - Regjioni Ekonomik Lindor”. (Shtëpia e Rinisë, ora 11:00)

- Mbahet mbledhja e Komisionit për Integrime Evropiane në të cilën do të behët shqyrtimi Projekt-kodit Penal nga aspekti i përputhshmërisë me legjislacionin e BE-së, shqyrtimi i Projektligjit për përgjegjësinë disiplinore të gjyqtarëve dhe prokurorëve nga aspekti i përputhshmërisë me legjislacionin e BE-së dhe shqyrtimi i Projektligjit për dhënien në shfrytëzim dhe këmbim të pronës së paluajtshme të komunës, nga aspekti i përputhshmërisë me legjislacionin e BE-së. (Ndërtesa e Kuvendit, salla N204, ora 11:00)

- Lëvizja Vetëvendosje mban konferencë për media. (Oborri i Postës dhe Telekomit të Kosovës, ora 12:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)