17 Shkurt 2020

BE përkrahë ndërmarrjet dhe organizatat e shoqërisë civile me 3.5 milionë euro

Prishtinë, 5 nëntor - Sipas Fondit Monetar Ndërkombëtar (FMN), Kosova është ekonomi në zhvillim me rritje mesatare të bruto prodhimit vendor (BPV)  prej 4.2% në pesë vitet e fundit, që është ndër më të lartat në Ballkanin Perëndimor.

Por duke patur parasysh rritjen e popullsisë prej rreth 2% çdo vit, përmirësime të tilla në rritjen për frymë banori në Kosovë janë të parëndësishme.

Popullsia e Kosovës përllogaritet në rreth 1.793,467 banorë,  ku popullsia në moshë pune prej 1.202,982 përfaqëson rreth dy të tretat e popullsisë totale.

Sipas të dhënave nga Agjencia e Statistikave të Kosovës (ASK), edhe tani Kosova ka një nga shkallët më të larta të papunësisë në rajon në 30.5% dhe gjithashtu, 63.5% e grave në fuqinë punëtore janë të papunësuara.

Faktori gjinor është gjithashtu një tregues i rëndësishëm se gratë në pozitë të pafavorizuar në krahasim me meshkujt në të gjitha nivelet e arsimimit, pra kanë më shumë gjasa të bëhen apo të mbeten të papunësuara.

Për më tepër, edhe personat me aftësi të kufizuara përballen me kufizime që ndikojnë dukshëm në statusin e tyre të punësimit dhe një përqindje e madhe e tyre janë të papunësuar.

Pavarësisht faktit se 43% e personave me aftësi të kufizuara (PAK) shfaqin interesim ose kanë potencialin të zhvillojnë shkathtësitë e tyre, sipas Ministrisë për Punë dhe Mirëqenie Sociale shkalla e punësimit të personave me aftësi të kufizuara (PAK) është 6,47%.

Në reagim ndaj këtyre nevojave të menjëhershme për punësim, Zyra e Bashkimit Evropian në Kosovë ka dizajnuar dhe lansuar skemën e granteve prej 3.5 milionë euro, të titlluar: “Përmirësimi i qasjes në tregun e punës për grupet e pafavorizuara përmes ndërmarrjeve sociale dhe masave aktive të tregut të punës”.

Kjo skemë e granteve synon të mbështesë masa aktive shtesë për tregun e punës, si përkrahje e përshtatur sipas nevojave për aftësim, trajnim në vendin e punës, praktikë dhe vetëpunësim, për grupet e pafavorizuara në Kosovë.

Gjithashtu, përmes kësaj mbështetjeje, BE-ja synon të përkrahë zhvillimin e ndërmarrjeve sociale si mundësi për krijimin e perspektivave për punës sidomos për grupet më të cënueshme në tregun e punës, meqë ndërmarrjet sociale u ndihmojnë inteersave të komunitetit (objektivave sociale, të shoqërisëdhe mjedisore) dhe jo maksimizimit të përfitimeve.

Objektivat specifike të kësaj thirrjeje për propozime janë: Përkrahja për zhvillimin e ndërmarrjeve sociale në Kosovë; Përkrahja për avancimin e punësimit të grupeve të pafavorizuara, kryesisht gratë dhe të rinjtë.     

Çfarë lloj përkrahjeje ofron skema e granteve? Thirrja për Propozime për këtë skemë të granteve është ndarë në 3 lotet në vijim:

Loti 1 shuma indikative për lotin: EUR 1,000,000.00

 Të mbështesë më tej zhvillimin e ndërmarrjeve në Kosovë që të zgjerojnë praktikat e tyre të biznesit për të rritur mundësitë për punësim për të rinjtë dhe gratë dhe grupet e pafavorizuara.

Loti 2 shuma indikative për lotin: EUR    500,000.00

Të mbështesë themelimin dhe zhvillimin e ndërmarrjeve sociale të reja në Kosovë.


Loti 3 shuma indikative për lotin: EUR 2,000,000.00

Të rrisë punësueshmërinë e të rinjve dhe grave dhe grupeve të pafavorizuara përmes zhvillimit të shkathtësive dhe njohurive që kërkohen në tregun lokal të punës; dhe

Të mbështesë krijimin e qëndrueshëm të vendeve të punës dhe mundësitë për vetëpunësim për të rinjtë dhe gratë dhe grupet e pafavorizuara.

Si mund të aplikoni?

Për të aplikuar për këtë thirrje për propozime, aplikantët kryesorë duhet të regjistrohen në PADOR.

Afati për dorëzimin e propozimeve është 11 nëntor 2019 në orën 12:00.

 Shndërrojini idetë tuaja në projekt-propozime:

Për të siguruar propozime cilësore në pajtueshmëri me Udhëzuesin për Aplikime, Zyra e Bashkimit Evropian në Kosovë ka organizuar një sërë sesionesh informative në të gjithë Kosovën ku kanë marrë pjesë organizata të shoqërisë civile (OSHC), biznese dhe përfaqësues të autoriteteve lokale për t’i promovuar këto mundësi për grante.

Në këto sesione informative kanë marrë pjesë rreth 250 përfaqësues të OSHC-ve, autoriteteve lokale dhe qendrore dhe bizneseve. Sesionet u fasilituan nga ekspertë të Menaxhimit të Ciklit të Projekteve.

Ekspertët e projektit do të organizojnë sesione shtesë (klinika të projektit) në datat 04-08 nëntor 2019, me qëllimin që t’u asistojnë aplikantëve projekt-propozimet e të cilët janë në nivel të avancuar të përgatitjes dhe kanë nevojë për asistencë financiare për të dizajnuar veprimin ose përshkrimin e relevancës në mënyrë që të përmirësojnë cilësinë e projektit.

 

Kalendari

Ngjarjet e datës 17 shkurt 2020 - Në 12 vjetorin e Shpalljes së Pavarësisë së Republikës së Kosovës Garda ceremoniale bën ngritjen e flamurit nga në prani të dy udhëheqësve shtetërorë, Albin Kurti dhe Vjosa Osmani. (Oborri i qeverisë, ora 8:00)

- Kryetari i Komunës së Rahovecit, Smajl Latifi organizon pritjen e mysafirëve për ndër të pavrësisë. (Zyra e Kryetarit Latifit, ora 8:00)

- Anëtarët e Kryesisë së Partisë Demokratike të Kosovës dhe deputetët e PDK-së, bëjnë homazhe në Prekaz, për nder të 12 vjetorit të Pavarësisë së Kosovës. (Kompleksi Memorial i Jasharajve, ora 8:30)

- Udhëheqës të Komunës së Skenderajt bëjnë homazhe të shtatorja e Adem Jasharit. (Skenderaj, ora 9:00)

- Komuna e Rahovecit bën homazhe në të gjitha vendrëniet dhe pllakat e dëshmorëve të Rahovecit. (Rahovec, ora 09:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani vendosin kurora te kompleksi memorial Adem Jashari.
(Prekaz, ora 9:10)

- Komuna e Skenderajt dhe Komuna e Drenasit organizojnë homazhe të Kompleksi Memorial 'Adem Jashari'. (Prekaz, ora 9:30)

- Komuna e Skenderajt dhe Komuna e Drenasit organizojnë homazhe të Memorial i dëshmorëve në Marinë. (Marinë, ora 9:30)

- Kuvendi Komunal i Skenderajt mban seancë solemne në 12 vjetorin e Pavrësisë. (Objekti i Komunës së Skenderajt, ora 10:00)

- Me rastin e 12 vjetorit të shpalljes së pavarësisë së Kosovës, Kryesia e LDK-së dhe veprimtarë bëjnë homazhe te varri i Presidentit Historit Dr. Ibrahim Rugova. (Velani, ora 10:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani  vendosin kurora pranë varrit të Presidentit Ibrahim Rugova dhe te varri i Veprimtarit Adem Demaçi. (Velani, ora 10:30)

- Kuvendi i Republikës së Kosovës mban seancë solemne nën kujdesin e Znj.Vjosa Osmani Kryetare e Kuvendit të Republikës së Kosovës ku të pranishëm do të jenë kryeministri Albin Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. (Kuvendi i Republikës së Kosovës, ora 11:00)

- Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë organizojnë hapjen e ekspozitës “Kosova në arkivin e shtetit shqiptar”. (Lapidariumi i Muzeut Kombëtar të Kosovës, ora 11:00)

- Në 12-vjetorin e shpalljes së Deklaratës së Pavarësisë së Kosovës, kryetari i Komunës së Gjilanit, Lutfi Haziri me bashkëpunëtorët bëjnë homazhe tek varrezat e qytetit. (Gjilan, ora 11:00)

- Komuna e Istogut mban seancë solemne me rastin e 12-të vjetorit të Pavarësisë së Republikës së Kosovës. (Salla e Kuvendit Komunal të Istogut, ora 11:00)

- Kryetarja e Kuvendit të Republikës së Kosovës Vjosa Osmani dhe Kryeministri i Republikës së Kosovës, Albin Kurti vizitojnë Forcën e Sigurisë se Kosovës ku edhe do iu drejtohen me fjalë përshëndetëse trupave të FSK-së. (Kazerma “Adem Jashari”, ora 12:00)

- Kuvendi Komunal i Rahovecit mban seancë solemne për nder të “17 Shkurtit”. (Salla e Kuvendit Komunal, ora 12:00)

- Muzeu Kombëtar i Kosovës organizon hapjen e ekspozitës me tematikë arkeologjike “Trashëgimia Arkeologjike Adriatiko-Meditariane në Kosovë” të autorit Tomor Kastrati. (Objekti i Muzeut, ora 12:00)

- Komuna e Istogut organizon homazhe dhe vendosje kurora lulesh tek Lapidari i Dëshmorëve në qendër të Istogut . (Istog, ora 12:00)

- Për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019. (Kabineti i ministres Vlora Dumoshi, ora 13:00)

- Kryetarja e Kuvendit, Vjosa Osmani merr pjesw nw prezantimin e Obeliskut Newborn me pamje të re. (Newborni tw Pallati i Rinisw, ora 13:00)

- Komuna e Skenderajt organizon manifestimin qendror pë Pavarësinë. (Sheshi Adem Jashari në Skenderaj, ora 13:00)

- Komuna e Rahovecit organizon program qendror festiv. (Qendra e Kulturës ‘’Mensur Zyberaj’’, Rahovec, ora 13:00)
 
- Komuna e Istogut organizon programi festiv me këngë e valle për pavarësi. (Para Qendrës Kulturore në Istog, ora 13:00)

- Komuna e Skenderajt organizon turnir në futboll të vogël të quajtur 'Kupa e Pavarësisë'. (Shkolla profesionale në Skenderaj, ora 15:00)

- Komuna e Rahovecit organizon finalen e garave në futboll në mes katër shkollave në komunën e Rahovecit. (Palestra Sportive ‘’Mizahir Isma’’, Rahovec, ora 16:00)

- Presidenti i Republikës së Kosovës, Hashim Thaçi, për nder të 12 vjetorit të pavarësisë së Kosovës, u drejtohet ushtarëve të FSK-së. (Kazerma “Adem Jashari”, ora 16:00)

- Baleti Kombëtar i Kosovës organizon shfaqjen “Ngjyrat e vallëzimit”. (Teatri Kombëtar i Kosovës, ora 17:00)

- Komuna e Gjilanit mban akademi për nder të ditës së mëvetësisë së Kosovës, ku edhe do të ndahen çmimet, Nderi i Qytetit dhe Heroinat e Qytetit. (Salla e teatrit të qytetit të Gjilanit, ora 17:00)

- Organizohet pritje shtetërore me rastin e 12 vjetorit të Shpalljes së Pavarësisë se Kosovës. (Bogdanipolis, Katedralja Shën Nënë Tereza, ora 18:00)

- Kosovafilmi organizon Javen e filmit shqiptar në Prishtinë. (Kino ABC, ora 19:00)

- Teatri Kombëtar i Kosovës organizon shfaqjen “Bryma e vdekjes”. (Teatri Kombëtar, ora 20:00)