07 Korrik 2020

BE: Miratohet fondi garantues prej 440 miliardë eurosh

Bruksel, 9 qershor - Ministrat e Financave të Eurozonës miratuan fondin garantues prej 440 miliardë eurosh.

Kryeministri i Luksemburgut dhe njëkohësisht Presidenti i Eurozonës, Zhan-Klod Junker u shpreh se fondi do të fillojë të zbatohet brenda këtij muaji, pasi vendet aksioniste të kenë plotësuar procedurat.

Fondi garantues, qendra e të cilit u vendos të jetë në Luksemburg, do të aktivizohet me aplikimin e vendit që ka rrezik falimentimi nën garancinë e vendeve të tjera të Eurozonës.

Ky fond, i cili parashikon të shpëtojë vendet e Zonës Euro në vështirësi, me kontributin e Fondit Monetar Ndërkombëtar prej 250 miliardë eurosh dhe atë të Bashkimit Evropian prej 60 miliardë eurosh, do të arrijë totalin e 750 miliardë eurove.

Ndërsa Komisionari i BE-së për Çështjet Ekonomike dhe Financiare, Oli Rehn deklaroi se hapi i hedhur nuk lë pas dyshime.

Mundësia që kriza e borxheve të Greqisë të përhapet në vende me deficit të lartë buxhetor si Portugalia, Irlanda, Spanja, madje edhe Hungaria, e cila nuk është pjesë e Eurozonës, i detyroi vendet anëtare të kësaj të fundit të punojnë për stabilizimin e tregjeve, duke arritur një marrëveshje mbi fondin garantues.

Kalendari

Ngjarjet e datës 7 Korrik 2020

- Dr. Basri Sejdiu do të mbajë konferencë për media lidhur me vendimin e Bordit Drejtues për shkarkimin nga detyra e drejtorit të përgjithshëm të SHSKUK. (QKUK, ora 11:00)

- Ministri i Drejtësisë Selim Selimi do të vizitoje Komunën e Prishtinës. (Ndërtesa e Komunës së Prishtinës, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi do të mbaj takim me Ministren e financave, znj. Hikmete Bajrami me të cilën do të bisedoj lidhur me pagesën e pagave të  punëtorëve nga pakoja emergjente, tërheqjen e mjeteve për punëtorë nga fondi i kursimeve si dhe eliminimin e gabimeve teknikeve gjatë  aplikimit për pakon fiskale emergjente. (Kabineti i ministres Bajrami, ora 11:00)

- Kryetari i Sindikatës së Pavarur të Sektorit Privat të Kosovës, Jusuf Azemi pas takimit me Ministren e financave, znj. Hikmete Bajrami do të mbaj konferencë për shtyp, ku do të ju njoftojë lidhur me këtë takim. (Zyret e Sindikatës në objektin e ish Gërmisë, ora 11:45)

- Lëvizja Vetëvendosje! mban konferencë për media në të cilën flet nënkryetari Besnik Bislimi. (Zyret e LV-së në Arbëri, ora 12:00)

- Me hapjen e ekspozitës multimediale në hapësirat e SENSE Qendrës në Pulë, Qendra për Drejtësi Tranzicionale në bashkëpunim me Fondin për të Drejtën Humanitare Kosovë nisin kampanjën me titull: Srebrenica 25: Së bashku kundër virusit të mohimit në ditën kur në vitin 1995 ka rënë Srebrenica. (Transmetim direkt livestream http://srebrenica.sensecentar.org, ora 17:00)

- Komuna e Rahovecit mban dëgjim publik me banorët të fshatrave Malësi e Vogël dhe Gexhë. (Objekti i Shkollës Fillore të Mesme të Ulët “Skender Kastrati” në fshatin Malësi e Vogël, ora 19:00)

- Komuna e Rahovecit mban dëgjim publik me banorët të fshatrave Ratkoc, Dejnë, Vrajak dhe Bratotin. (Objekti i Shkollës  Fillore të Mesme të Ulët “4 Dëshmorët” në fshatin Ratkoc, ora 20:00)