23 Shtator 2020

BB jep 20 milionë dollarë për Mministrinë e Administratës

Prishtinë, 24 shkurt - Në kontekst të bashkëpunimit dhe koordinimit të aktiviteteve dhe projekteve te përbashkëta me Bankën Botërore, Ministri i Ministrisë së Administratës Publike, Arsim Bajrami ka takuar sot shefin e Zyrës së Bankës Botërore në Kosovë, Ranjit Nayak.

Banka Botërore tashmë ka lansuar Strategjinë Kalimtare të Grupit të Bankës Botërore  për Kosovën 2010- 2011, në vlerë prej 87.5 milionë dollarë, pjesë e së cilës  janë edhe dy projekte të cilat kanë të bëjnë drejtpërdrejtë me Ministrinë e Administratës Publike.

 Projekti i parë ka të bëjë me Modernizimin e Sektorit Publik dhe kap vlerën prej 8 milionë dollarë, i cili do të përdoret për implementimin e Ligjit për Shërbimin Civil dhe Sistemin e ri të pagave,  miratimi i të cilave Ligje pritet të bëhet shpejt nga ana e Parlamentit. Kjo do të ndikojë drejtpërdrejtë në Reformimin e Administratës Publike.

Gjithashtu, ky grant do të reflektoj edhe në prokurimin elektronik dhe krijimin e Qendrës së të Dhënave. Ndërkaq, projekti i dytë është RECAP , në vlerë prej 12.3 milionë dollarë. Ky projekt ka të bëjë me Kadastrën dhe konsiston në rregullimin e plotë të sistemit kadastral të Kosovës, ngritjen e kapaciteteve, rregullimin  regjistrit të të drejtave pronësore, në hartimin dhe forcimin  kornizës ligjore dhe funksionalizimin e plotë të zyrave komunale kadastrale.

Në këtë takim ministri Bajrami ka falënderuar Bankën Botërore për bashkëpunimin dhe mbështetjen,duke e konsideruar investimin e BB si shumë të qëlluar dhe në anën tjetër shumë të rëndësishëm për një shtet të ri, ku modernizimi i administratës Publike është i rëndësisë së veçantë.

Nga ana e tij, shefi i Zyrës së Bankës Botërore në Kosovë, Ranjit Nayak, ka shprehur kënaqësinë e tij për bashkëpunimin. “Duke  e vlerësuar marrëdhëniet shumë të mira, dhe gjithsesi punën e madhe dhe të shkëlqyeshme të ministrit Bajrami, stafit të tij në ministri, Banka Botërore është fokusuar në Ministrinë e Administratës Publike. Përvoja e mirë në të kaluarën ka bërë që ne të vendosim që t’i çojmë përpara këto projekte të cilat janë themeli i programeve në këtë strategji” ka thënë z. Nayak në këtë takim.

Ministri Bajrami dhe Nayak në fund të takimit janë prononcuar për mediat elektronike dhe të shkruara.
 

Kalendari

Ngjarjet e datës 23 Shtator 2020

- Mbahet mbledhja e komisionit për Buxhet dhe Transfere në të cilën do të shqyrtohet raporti vjetor i punës të Fondit të Kursimeve Pensionale të Kosovës, pastaj i Autoritetit Kosovar Konkurrencës, i Komisionit Pavarur për Miniera dhe Minerale dhe raporti i shpenzimeve të Kuvendit. (Ndërtesa e Kuvendit, ora C203, 10:00)

- Java Evropiane e Sportit me konferencën “Forumi për Sportin” në të cilën do të merr pjesë  Ministrja e Kulturës, Rinisë dhe Sportit, Vlora Dumoshi. (Hotel Emerald, ora 10:00)

- Mbahet mbledhja e komisionit për Çështje të Sigurisë dhe Mbrojtjes në të cilën shqyrtohet projektligji për ndryshimin dhe plotësimin e Ligjit nr.04-L-089 për dominimin humanitar si dhe shpallet konkursi për përzgjedhjen e Komisionerit të Agjencisë për Informim dhe Privatësi. (Ndërtesa e Kuvendit, salla N303, ora 10:00)

-  Komisioni për të Drejtat e Njeriut, Barazi Gjinore, për Persona të Pagjetur dhe Peticione shyqrton drafti Projektligjin për mbrojtje nga dhuna në familje. (Ndërtesa e Kuvendit, salla N225, ora 10:00)

- Nëpërmjet video konferencës do të mbahet takimi i 185-të i Këshillit Prokurorial të Kosovës. (Pa praninë e mediave, ora 10:30)

-  Komisionit Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës degjon dëshminë e dëshmitarit Izet Sadiku, ish zëvendës ministër i shëndetësisë. (Ndërtesa e Kuvendit, salla N302, ora 11:00)  
 
- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do të prezantoj raportin analitik si rezultat i monitorimit dhe hulumtimit sistematik të trajtimit të rasteve nga Prokuroria e Apelit e Republikës së Kosovës. (Hotel Sirius, ora 11:00)

- Kryetari i PDK-së dega në Prizren Shaqir Totaj, mban konferencën e radhës me gazetarë. (Zyret e degës në Prizren, ora 11:00)

- Ministrja e Kulturës, Rinisë dhe Sportit, Vlora Dumoshi do të merrë pjesë në Çertifikimi i të rinjve në fushën e ndërmarrësisë - OJQ Etri. (Pejë, ora 12:00)

- Organizata  “Replikë” organizon protestë me biçikleta si reagim ndaj institucioneve për mosreagim në mbrojtje të të drejtave të grave. (Protesta fillon nga sheshi “Zahir Pajaziti”, ora 12:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport diskuton lidhur me reformat në arsim në Komunë të Kamenicës me të ftuar Ramë Likaj, ministër i Ministrisë së Arsimit dhe Shkencës dhe  Qëndron Kastrati, kryetar i Komumës së Kamenicës. (Ndërtesa e Kuvendit, salla C225, ora 13:00)

- Partia Demokratike e Kosovës mban konferencë për media. (Selia e Partisë Demokratike të Kosovës, ora 13:00)

-  Komisionit Hetimor Parlamentar në lidhje me menaxhimin e pandemisë së virusit "COVID-I9" nga ana e Qeverisë së Republikës së Kosovës degjon dëshminë e dëshmitarit  Arben Vitia, ish ministër i shëndetësisë. (Ndërtesa e Kuvendit, salla N302, ora 14:00)

- Për nder të Javës Evropiane të Sportit, Federata e Hendbollit e Kosovës do të organizojë turnirit ‘Të gjithë së bashku’ me sportin e Hendbolit në të cilën do të marrin pjesë fëmijët me nevoja të veçanta dhe fëmijët tjerë. (Prizren, ora 13:00 - Istog, ora 15:00)

- Ministrja e Kulturës, Rinisë dhe Sportit, Vlora Dumoshi do të merrë pjesë në Çertifikimi i të rinjve në fushën e ndërmarrësisë - OJQ REA Prishtinë. (Gjakovë, ora 15:00)

- Ambasadori Thomas Szunyog do të marrë pjesë në mbylljen e Shkollës Verore të BE-së 2020. (aqja në Facebook @EuropeanUnionInKosovo, ora 16:15)

- Vazhdon java e dytë e ligjeratave publike në Festivalin e Arkitektures në Kosovë. (Ligjeratat transmetohen drejtperdrejt ne kanalin e facebook-ut "Kosovo Architecture Festival", ora 18:30)