Berlin, 4 shkurt - Banka Gjermane (Detusche Bank) ka realizuar në vitin 2009 një fitim në vlerë prej pesë miliardë eurosh. Këto të dhëna i bëri të ditura shefi i Bankës Gjermane, Josef Ackermann në Frankfurt.

Vetëm në sektorin e investimeve bankare janë shënuar fitime në vlerë prej 4,3 miliardë euro. Një vit më parë kjo bankë ka shënuar humbje në vlerë prej 3,9 miliardë euro.

Ackermann theksoi se tani vërehet një tendencë e qartë e rimëkëmbjes ekonomike dhe stabilizimit të tregjeve financiare. Megjithatë do të zgjasë edhe ca kohë deri sa të tejkalohet kriza ekonomike dhe financiare, theksoi Ackermann.