24 Maj 2022

ATK shënon sot 22 vjetorin e themelimit

Prishtinë, 19 janar - Administrata Tatimore e Kosovës ka shënuar 22 vjetorin e themelimit, përmes një ceremonie, në të cilën ishin të ftuar përfaqësues nga institucionet vendore dhe ndërkombëtare.

Në hapjen e kësaj ceremonie drejtori i ATK-së Ilir Murtezaj tha se vitet e fundit, kemi arritur t’i finalizojmë shumë projekte, të cilat padyshim na bëjnë të besojmë se jemi në drejtimin e duhur duke rrugëtuar suksesshëm në përmbushjen e besimit që na është dhënë, për të krijuar një administratë tatimore të suksesshme dhe me prosperitet, model të një administrate dinamike dhe funksionale, drejt një agjencie kryesore të të hyrave, kontribues kyç dhe garantues i përhershëm i qëndrueshmërisë ekonomike-fiskale për shtetin tonë.

Tutje, ai tha se kemi arritur të realizojmë përmbushjen e objektivave të parapara vjetore, ku vetëm gjatë periudhës Janar-Dhjetor 2021 janë inkasuar 597.02 milion euro tatime, që janë të hyra rekorde duke ditur sfidat që kemi kaluar me Covid 19.

Në krahasim me periudhën e njëjtë të vitit paraprak kemi rritje për 130 milion euro apo 27.8 % më shumë. Ndërsa, në krahasim me planin kemi rritje për  41.02  milion. euro apo 7.4%. Kontributet pensionale 210.7 milion euro .

Pra, si rezultat i punës profesionale, me integritet dhe ndershmëri, efektivitet dhe transparencë, Administrata Tatimore e Kosovës për këto 22 vite ka mbledhur 5 miliard e 771.1 milion euro tatime, dhe 2 miliard e 215 milion euro kontribute pensionale, gjithsej mbledhje te hyrave 7 miliard e 986  milion euro, apo rrethe 8 miliard euro.

E nga ana tjetër Ministri i Financave, Punës dhe Transfereve Hekuran Murati, tha se të hyrat nga ATK janë tepër të rëndësishme, dhe sipas tij janë edhe të nevojshme për ta ruajtur produktivitetin e ekonomisë kosovare.

Me teje, ai tha se shteti është kontratë shoqërore dhe bëhen bashkë me kontribu përmes tatimeve. Është e paimagjinueshme të ketë shtet pa tatime dhe taksa. Agjencitë që mbledhin të hyrat janë të rëndësishme për t’i paguar dhe mbuluar shpenzimet, janë të nevojshme për ta ruajtur integritetin e sistemit dhe ekonomisë. Është e rëndësishme ta kenë mbështetjen tonë. Kjo nënkupton përmes sistemit tatimor të mbështeten ata që kanë nevojë më shumë. Me një avancim më tutje do ta kemi mundësinë si shtet ti kemi mundësinë me ndihmua aty ku ka nevojë më shumë.

Padyshim se të gjitha rezultatet e arritura nga ATK janë edhe kontribut i madh nga partnerët ndërkombëtar, të cilët kanë ndihmuar ATK-në  në reforma dhe me projekte të ndryshme, andaj nga ky rrafsh përfaqësuesi nga ambasada e Mbretërisë së Bashkuar Simone Woodcock, tha “Unë jam shumë i lumtur të jem pjesë e programit të asistencës që Mbretëria e Bashkuar janë në gjendje t’i japin ATK-së.

Ndihma ka filluar vite me parë, ku me mbështetjen e fuqishme te Drejtorit të Përgjithshëm, shumë projekte te filluara nga ATK-ja e të përkrahura nga ambasada Britanike janë në rrugë te mirë për tu finalizuar. Andaj jam shumë me fat që ambasada më ka zgjedhur mua të jam unë që të ndihmojë ATK-në. Që nga ajo kohë unë kam bërë punën time që të mësoj nga bashkëpunëtoret që janë me mua. Unë do të vazhdojë të përkrahë ATK-në. Unë besoj në një administratë të fortë sepse është shtylla e ekonomisë”.

Në këtë ceremoni fjalë rasti patën përfaqësues nga komuniteti i bizneseve, të cilët thanë se na takon te gjithë të përgëzojmë ATK-në për kontributin që japin në mbushjen e arkës së shtetit. Përgëzoj ATK-në në avancimin e fushës së teknologjisë. Bashkërisht të luftojmë ekonominë jo formale dhe të bëjmë krijimin e një mjedisi të barabartë. Unë do të doja më pak ndëshkime nga inspektorët dhe më shumë edukim dhe kujdes.

Administrata Tatimore e Kosovës falënderon të gjithë tatimpaguesit që për 22 vite kanë kontribuar në rritjen e buxhetiti të shtetit, në të njëjtën kohë u bënë thirrjen që të vazhdojnë të jenë pjesë e zhvillimit të shtetit tonë.

Kalendari

Ngjarjet e datës 24 maj 2022

- Koalicionit për Transparencë dhe Integritet i themeluar dhe mbështetur nga KFOS-i, do të organizojë tryezë me temën “Pazari me tema të diplomës” ku do të diskutohet lidhur me shit-blerjen e temave të diplomës. (Biblioteka Kombëtare Universitare e Kosovës, ora 9:30)

- Komisioni për Mbikëqyrjen e Financave Publike shqyrton raportin e auditimit të performancës “Prokurimi në Korporatën Energjetike të Kosovës” ku të ftuar janë edhe Kryesuesi i Brodit dhe Kryeshefi ekzekutiv i KEK-ut. (Ndërtesa e Kuvendit, salla C203, ora 10:00)

- Komisioni për të Drejtat dhe Interesat e Komuniteteve dhe Kthim shqyrton raportin e Projektligjit për mbrojtjen e ajrit dhe Projektligjin për Akcizën në Produktet e Duhanit. (Ndërtesa e Kuvendit, salla N302, ora 10:00)

- Komisioni për Mjedis, Ushqim, Bujqësi, Planifikim dhe Zhvillim mban dëgjim publik për Projektligjin për Produktet Biocide. (Ndërtesa e Kuvendit, salla N506, ora 10:00)

- Iniciativa për Zhvillimin e Bujqësisë së Kosovës organizon ceremoninë e shpërndarjes së pajisjeve bujqësore, projekt i financuar nga Zyra e Bashkimit Evropian në Kosovë. (Stadiumi i Qytetit në Shtime, ora 10:00)

- Komisioni për Shëndetësi dhe Mirëqenie Sociale shqyrton Projektligjin për ndryshimin dhe plotësimin e Ligjit për Inspektoratin Sanitar të Kosovës dhe Projektligjin për ndryshimin dhe plotësimin e Ligjit për Inspektoratin Shëndetësor. (Ndërtesa e Kuvendit, salla N303, ora 10:00)

- Osman Buleshkaj, konsulent i GIZ prezanton Sistemin e Arsimit Parauniversitar në Kosovë, para Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N204, ora 10:00)

- OJQ Aktiv prezanton publikimin “Rekomandime për kornizën e politikave mbi zbatimin e Ligjit për përdorimin e gjuhëve”. (Hotel Sirius, ora 11:00)

- Mbahet debati me temën “Liritë e mediave dhe pozita ekonomike e gazetarëve në Kosovë”. (Qendra Mediale në Çagllavicë, ora 11:00)

- Komisioni për Ekonomi, Industri, Ndërmarrësi dhe Tregti voton raportin vjetor të Komisionit të Pavarur për Miniera dhe Minerale për vitin 2021. (Ndërtesa e Kuvendit, salla N10, ora 11:00)

- Përfaqësuesit e Zyrës së BE-së, të IADK-së dhe të Komunës së Shtimes vizitojnë Florije Bislimin, njëra nga përfitueset e projektit “Mbështetja në punësimin e të rinjve dhe grave në zonat rurale përmes zhvillimit të bujqësisë”. (Fshari Godanc në Shtime, ora 11:40)

- Në kuadër të programit dhe ekspozitës Babylonian Vision të artistes Nora Al-Badri qe qëndron e hapur në Galeria 17 mbahet diskutim me temë "Dekolonializimi i artefakteve. Demokratizimi i muzeve". (Lapidariumi i Muzeut Kombëtar të Kosovës, ora 15:00)

- Kryetari i Komunës, Alban Hyseni, do të marrë pjesë në takimin e organizuar nga Rrjeti i Biznesit të Globit. (Vali Ranch në Gjilan, ora 18:30)