08 Shkurt 2023

ATK prezanton të arriturat e institucionit për gjashtë muajt e parë të vitit 2022

Prishtinë, 12 korrik - Niveli i lartë i inkasimit të të hyrave, rritja e efektit në trajtimin e borxheve, orientimi në përmirësimin e përmbushjes tatimore, ishin vetëm disa nga pikat e prezantuara në konference për media, si të arritura në institucionin e Administratës Tatimore të Kosovës për gjashtë muajt e parë të këtij viti.

Në këtë konferencë Ministri i Financave, Punës dhe Transfereve Hekuran Murati përgëzoj ATK-në dhe stafin për arritjet e bëra në gjashtëmujorin e këtij viti, po ashtu falënderoj edhe tatimpaguesit për kontributin që japin në zhvillimin e vendit duke paguar tatimet.

Tutje, Murati u shpreh se për të rritur edhe më shumë suksesin e ATK-së duhet të punojmë në rritjen e besimit. Ai tha se planet e ministrisë janë që të forcojnë institucionet, duke rritur kredibilitetin dhe profesionalizmin, pasi që vetëm në këtë mënyrë do të rritet edhe më shumë besimi ndaj institucioneve e këtë rast ATK-së. Veç tjerash, ministri Murati tha se është i rëndësishëm formalizmi i ekonomisë, për të cilën ATK është duke zhvilluar kampanja sensibilizuese.

Drejtori i ATK-së Ilir Murtezaj gjatë prezantimit të konferencës përmendi faktorët  të cilët kanë ndikuar në rritjen e të hyrave, si ajo e fuqizimit të kontrollit të brendshëm (ngritja e përgjegjësisë dhe llogaridhënies), rritja e efikasitetit në mbledhjen e borxheve, digjitalizimi i shërbimeve ndaj tatimpaguesve 100%, shërbimet profesionale, rritja e transparencës, rritja e bashkëpunimit me institucionet vendore dhe ndërkombëtare, si dhe zbatimi i rekomandimeve nga organizatat ndërkombëtare. Drejtori Murtezaj theksoj se inkasimi prej 355.5 milion euro tatime, ka shënuar rritje në krahasim me planin për 26.5 milion euro apo 8.1%. Po ashtu, në krahasim me periudhën e njëjtë të vitit të kaluar kemi rritje  për 66.3 milion euro  apo 22.9%.

Përmes kësaj konference u prezantuan edhe efektshmeria në trajtimin dhe inkasimin e borxheve, ku vetëm për këtë periudhë janar-qershor 2022 janë mbledhur  76.8 milion euro borxhe. Tutje, u theksua se digjitalizimi i shërbimeve si për tatimpagues dhe qytetar, ashtu edhe me institucionet bashkëpunuese janë indikator i rëndësishëm në realizimin e synimeve të institucionit.

ATK falënderon gjithë tatimpaguesit të cilët kryerjen më kohë të obligimeve tatimore, si dhe mediat për transmetim dhe informim të drejt për aktivitetet e ATK-së. 

Kalendari

Ngjarjet e datës 8 shkurt 2023

- Komisioni për Ekonomi, Industri, Ndërmarrësi dhe Tregti, shqyrton Projektligjin për Sigurinë e përgjithshme të produkteve. (Kuvendi i Kosovës, salla N506, ora 10:00)
    
- Përfaqësuesit e Agjencisë Kosovare të Privatizimit, raportojnë në Komisionin për Buxhet, Punë dhe Transfere, lidhur me Raportin e Auditimit për të “Hyrat nga Qiraja e Agjencisë Kosovare të Privatizimit”. (Kuvendi i Kosovës, salla C203, ora 10:00)
    
- Koalicioni i OJQ–ve për Mbrojtjen e Fëmijëve në Kosovë mban tryezë diskutimi me temën: “Ligji për Mbrojtjen e Fëmijës – progresi në zbatimin e tij”. (Hotel Sirius, ora 10:00)    

- Kuvendi i Republikës së Kosovës vazhdon seancën plenare me pikat e pa përfunduar. (Kuvendi i Kosovës, ora 12:00)

- Komisioni Qendror i Zgjedhjeve mban mbledhjen e radhës. (Selia e KQZ-së, ora 13:30)
    
- Organizata paditëse GLPS dhe një qytetare e Republikës së Kosovës do të paraqesin Padi për konflikt administrativ për refuzimin e kompensimit për personin paraplegjik dhe tetraplegjik. (Pallati i Drejtësisë, Ndërtesa A, ora 14:00)

- Federata e Futbollit e Kosovës mbledh të gjitha klubet e Superligës së Kosovës në një ngjarje të veçantë, ku fituesit e fushatës së nisur javë më parë në rrjetet sociale do të shpërblehen me fanella të nënshkruara nga vet lojtarët e ekipeve të ndryshme. (Kati i parë në Albi Mall, ora 18:00)

- Fondi për të Drejtën Humanitare Kosovë (FDHK) organizon hapjen e ekspozitës së përkohshme të veprës “Albumi familjar – Mes kujtimit dhe realitetit” (Family Album – Between Recollection and Reality) nga Alban Muja, e cila do të pasohet me një bisedë me artistin. (Vendi: Qendra e Dokumentimit, Biblioteka “Hivzi Sylejmani”, Dardani, ora 19:00)