22 Janar 2020

AKP e gatshme ti ofroj zgjidhje çështjes së kontesteve në Gjilan

Gjilan, 25 qershor – Kryetari i Komunës së Gjilanit, Lutfi Haziri, ka pritur sot në takim pune drejtorin ekzekutiv të Agjenicës Kosovare të Privatizimit (AKP), Valon Tolaj, me të cilin ka diskutuar për zgjidhjen e disa çështjeve që kanë mbetur të hapura, për të mirën e përgjithshme.

“Të gjitha çështjet që lidhen me interes publik të komunës së Gjilanit ne relacionin me AKP’në dhe direkt me zyrën e drejtorit, besoj shumë që do të arrijmë t’i zgjidhim, e që kanë të bëjnë me projekte zhvillimore, pastaj varrezat e qytetit, çerdhet dhe rrugët publike, por duke e respektuar ligjin. E falënderoj z. Tolaj për vizitën dhe gatishmërinë për bashkëpunim”, ka thënë kryetari Haziri pas takimit.

Drejtori i AKP-së, Valon Tolaj, e ka falënderuar kryetarin Haziri për pritjen, duke ofruar bashkëpunimin e plotë në zgjidhjen e kontesteve të deritanishme.

“Kemi ardhur në përfundim që e vetmja zgjidhje e problemeve, kontesteve dhe interesit publik, është koordinimi me komunat. Kryetarit Haziri i kam shprehur mbështetjen time si drejtor menaxhues i AKP, sikurse që i kërkova bashkëpunim në mënyrë që ta rrisim dinamikën e zgjidhjes së të gjitha kontesteve. Interesi i qytetarëve është mbi të gjithë ne dhe aty ku ka mundësi ligjore, të ecim përpara. Duhet ta shtojmë dinamikën dhe në kornizat ligjore t’i japim zgjidhje projekteve për interes publik”, theksoi Tolaj.

Haziri e Tolaj thanë se këto konteste do të zgjidhjen, por pa e prekur asnjëherë interesin e punëtorëve.


 

Kalendari

Ngjarjet e datës 22 janar 2020 - Agjencia për Mbrojtjen e Mjedisit të Kosovës organizon diten e dytë të takimit rajonal për Ndryshime Klimatike dhe Integrime Evropiane “Zhvillimi i një propozim projekti për ngritjen e kapaciteteve në sektorin e Mjedisit, Integrimeve Evropian dhe Ndryshimeve Klimatike”. (Hotel Sirius, ora 9:30)

- Me rastin e 22 vjetorit të sulmit të dytë të forcave serbe mbi familjen Jashari, Komuna e Skenderajt në bashkëpunim me Shoqatat e dala nga lufta e UÇK-së,  do të organizojnë homazhe në Kompleksin Memorial “Adem Jashari” në Prekaz, në shenjë kujtimi e nderimi të luftës së shenjtë çlirimtare të familjes Jashari. (Prekaz, ora 10:00)

- Mbahet mbledhja e rregullt e Komitetit për Politikë dhe Financa në Komunën e Mitrovicës. (Sallën e Mediave të Komunën se Mitrovicës, ora 10:00)

- Klubi i Prodhuesve organizon tryezën e diskutimit për diskutimin e efekteve të tarifës 100% në ekonominë  e vendit një vit pas vendosjes së kësaj takse. (Orion Conference Centre, ora 10:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Vushtrrisë. (Qendr Rinore në Vushtrri, ora 11:00)

- Kryetari Shpend Ahmeti do të nënshkruajë Marrëveshjen e Mirëkuptimit me USAID për zbatimin e Programit per trajtimin e ndertimeve pa leje. (Komuna e Prishtinës, ora 11:00)

- Mbahet mbledhja e Qeverisë së Kosovës në detyrë. (Ndërtesa e Qeverisë, ora 13:00)

- Koordinatori Nacional për Kulturë, Rini dhe Sport, Rexhep Hoti, do të bëjë shpërndarjen e librave për nxënësit fitues të nivelit komunal të garës nacionale në Dituri dhe Kreativitet Kulturor e Mendim Kritik në komunën e Kaçanikut. (Shtëpia e Kulturës "Xheladin Kurtaj" në Kaçanik, ora 14:00)

- Mbahet Festivali i Dramës Origjinale Shqipe “Talia e Flakës 2020”, ku do të marrin pjesë teatrot me shfaqjet më të mira dhe dramat e tyre origjinale shqipe nga Kosova. (Teatri i Qytetit të Gjilanit, ora 19:00)