22 Tetor 2019

AKB dhe ATK në shërbim të biznesit dhe prodhuesit vendës

Prishtinë 13 shtator - Kryetari i Aleancës së Bizneseve Agim Shahini dhe përfaqësues të bizneseve kanë pritur drejtorin e përgjithshëm të Administratës Tatimore të Kosovës Ilir Murtezi dhe stafit të tij, ku kanë diskutuar lidhur me pengesat dhe sfidat të cilat po ballafaqohen dy palët  dhe atë sesi ATK-ja të jetë në shërbim të  bizneseve dhe prodhuesve vendorë.

Kryetari i AKB-së, Agim Shahini, ka deklaruar që së bashku me ATK-në kanë arritur të ndryshojnë  mentalitetin fiskal të bizneseve, ku ka numër më të madh të bizneseve të deklaruara, fiskalizuara e që paguajnë më shumë taksa shtetin.

 “ATK ka ngritur performancat e saj profesionale dhe bizneset kanë arritur të ngritin nivelin e mbajtjes në kontributet dhe taksat e tyre fiskale. ATK është në proces me tutje të fiskalizimit dhe barazisë në treg, kjo e bënë që informaliteti mbetet nën 30%. Bizneset paguajnë taksa të rregullta i ndihmojnë në performancën e tyre që të fitojnë kredi apo ndonjë beneficion e kredi të ndryshme”, tha Shahini.

Kryetari i AKB-së tregoi se 565 biznese prodhuese kanë përfituar lehtësira  të ndryshme nga reformat e realizuara nga institucionet. Kjo e bënë tregun e Kosovës më interesant për prodhim.

Ai tregoi se nga drejtori i ATK-së kanë marr përkrahje  të madhe në rritjen e bashkëpunimit.

Drejtori  i ATK-së, Ilir Murtezi, tha se vazhdimisht po mundohen të jenë afër bizneseve në të gjitha format.

“Ne mundohemi të jemi partner e jo pale dhe kemi trajtim të barabartë. Bizneset po e kuptojnë se po trajtohen njëjtë  kur dihet se jemi zbatues të ligjit e jo politikë bërës. Mbi 90 për qind jemi me legjislacion ndërkombëtar”, tha Murtezi.

Sipas tij institucionet kanë bërë reforma e lehtësira për bizneset sidomos atyre prodhuese.  Janë paraqitur 595 kërkesa për lirime të lëndës së par, makinerisë e tjera,  ku 30 janë refuzuar për arsye të ndryshme të tjerat janë miratuar sivjet.

 Ai tregoi edhe për lehtësira tjera që kanë ndodhur dhe se do të vazhdojnë të investojnë në sistemin elektronik  për përfundimin më të lehtë të pagesave edhe pas orarit të punës dhe atë edhe jashtë zyrave të ATK-së.

“Jemi duket punuar e reformuar sistemin në shumë fusha  dhe rezultatet do të shihen nga fillim viti, ku  më shumë do të punohet nga sistemi sesa nga njeriu në terren e po ashtu edhe  inspektimet e format  do të ndryshojnë”, tha Murtezi.

Drejtori i ATK-së tregoi se në këtë vit ka pasur rreth 12 % të hyra më shumë se në vitin e kaluar apo mbi 35 milionë euro më shumë sesa vitin e kaluar  e cila rritje ka ardhur si rezultat I avancimit të vetëdijes së taksapaguesve. Po ashtu është arritur të ulen borxhet.

Kjo frymë do të avancohet tutje si dhe vazhdojmë me reforma të ndryshme e  të krijojmë lehtësira për biznesin.  

Kalendari

Ngjarjet e datës 22 tetor 2019 - Me rastin e 30 vjetorit të rënies së komunizmit, Instituti Shkencor Kosovaro-Suedez do të organizojë konferencën shkencore ndërkombëtare me titull '30-vjetori i rënies së sistemit komunist'. (Hoteli Sirius, ora 9:00)

- Nën patronatin e Kryeprokurorit të Shtetit mbahet dita e dytë e “Javës për të Drejtat e Viktimave të Krimit” me ç‘rast do të organizohet konferencë per koordinimin ndërinstitucional në trajtimin e rasteve të trafikimit të qenieve njerëzore si dhe sfidat në trajtimin e rasteve të dhunës seksuale gjatë luftës. (Hotel Emerald, ora 9:30)

- Drejtori i Zyrës për Rritje Ekonomike pranë misionit të USAID-it në Kosovë, Matthew Cullinane, do të flasë në hapjen e Konventës së tretë vjetore të Industrisë së Veshmbathjeve në Kosovë. (Hoteli Emerald, ora 10:00)

- Punëtorët teknik të Fakulteteve të UP-së “Hasan Prishtina” në Prishtinë, do të protestojnë para Rektoratit të UP-së. (Para Rektorati, ora 10:00)

- Nën patronatin e kryetarit të komunës së Mitrovicës, Agim Bahtiri do të mbahet Panairi i Sportit me të gjitha klubet sportive të qytetit të Mitrovicës. (Sheshi “Isa Boletini” në Mitrovicë, ora 10:00)

- Dega e Alternatives në Gjakovë mban konferencë për media. (Zyrët e Alternativës në Çarshinë e Jupave në Gjakovë, ora 11:00)

- Bëhet promovimi i librit “Gjinekologjia me obstetrikë  për infermieri dhe mami” me autore Prof. dr. Myrvete Paçarada dhe bashkautorë  Ass. dr. Vlora Ademi Ibishi dhe Ass. dr. Nyltene Kongjeli. (Biblioteka Kombëtare e Kosovës, ora 11:00)

- Më rastin e Ditës Boterore të Energjisë, Instituti për Politika Zhvillimore mban konferencë për media me temë 'Cilat duhet të jenë prioritete e qeverisë së re në sektorin e energjisë në Kosovë?  - Rekomandime dhe propozime nga shoqëria civile'. (Zyrët e Resource Center (Lagjja Pejton, Rr. Pashko Vasa, nr. 1, përballë Hotel Royal, ora 13:00)

- Këshilli Prokurorial i Kosovës mban takimin e 173-të. (Objekti i Prokurorisë së Shtetit, ora 13:30)

- ETEA organizon premierën e shfaqjes “Muret Flasin” që i dedikohet përkujtimit të organizimit të arsimit paralel gjatë viteve të '90-ta. (Shtëpia - shkollë “Sami Frashëri” e familjes Aliu - Hertica, ora 20:00)