02 Qershor 2020

Agjensioni i Përkrahjes së Punësimit me objekt të ri dhe hap dyert për publikun

Prishtinë, 17 prill - Agjensioni i Përkrahjes së Punësimit Kosovë (APPK) organizon sot aktivitetin “Dita e dyerve të hapura”.

Shkasi i këtij aktiviteti është hapja e objektit të ri të APPK-së që përkon edhe me 19 vjetorin e veprimtarisë.

Përveç prezantimit gjithë ditor të aktiviteteve për të gjithë të interesuarit, APPK organizon edhe dy aktivitet të veçanta, të cilat i vlerëson si  të rëndësishme për një pjesë të publikut, në veçanti për punëkërkuesit. 

Më këtë rast do të mbahet edhe ceremonia e përfundimit të programit përgatitor për 104 punëkërkuesit kosovarë të cilët në fillim të shtatorit 2019 do të fillojnë shkollimin dhe aftësimin trevjeçar profesional në profesionin “Përkujdesës/e ndaj të moshuarve” në Gjermani. 
 
 

Kalendari

Ngjarjet e datës 2 Qershor 2020 - Mbahet mbledhja e Kryesisë së Kuvendit në të cilën do të shqyrtohet kërkesa e 61 deputetëve për thirrjen e seancës së jashtëzakonshme të Kuvendit. (Ndërtesa e Kuvendit, salla  C-301, ora 10:00 - mbledhja do të mbahet pa prezencën e mediave)

- Lëvizja Vetëvendosje nisë mbledhjen e nënshkrimeve për peticion “Duam Zgjedhje” (Sheshi “Nënë Tereza”, ora 10:00)

- Mbahet seanca e tretë e Kuvendit të Komunës së Gjilanit. (Holli i Gjimnazit Natyror “Xhavit Ahmeti” në Gjilan, ora 10:00) 

- Në kuadër të Javës së Gjelbër, Komuna e Prishtinës do të organizojë mbjelljen e drunjëve në lagjen Dardania. (Lagja Dardania, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Komisionit të Pavarur për Miniera dhe Minerale për vitin 2019. (Ndërtesa e Kuvendit, C203, ora 11:00)

- Mbahet mbledhja e Kryesisë së Lidhjes Demokratike të Kosovës ku pas mbledhjes, kryetari i LDK-së, Isa Mustafa mban konferencë për medie. (Selia e LDK-së, ora 16:30)