14 Dhjetor 2018

Aftësia profesionale tek të rinjtë është plus i madh për ekonominë e Kosovës

Prishtinë, 13 qershor - Oda Zejtare e Dortmundit (OZD), në kuadër të projektit për partneritet të arsimit profesional së bashku me partnerët kosovar,  Shkolla Profesionale “Shtjefën Gjeçovi” dhe Oda Ekonomike e Kosovës (OEK),  të financuar nga Ministria Federale për Bashkëpunim Ekonomik dhe Zhvillim (BMZ), organizuan ceremoninë e ndarjes së mirënjohjeve për 11 mësimdhënës të shkollave profesionale të fushës së automekanikes si dhe për katër pjesëtarë të Forca ve të Sigurisë së Kosovës (FSK).

Udhëheqësi i Projekteve të Partneritetit për Arsim Profesional  në Kosove (OZD), Franc Musolli, pasi falënderoj shtetin gjerman si donator të realizmit te këtij projekti, docentet gjerman dhe mësimdhënësit kosovare tha: “Jam shumë i kënaqur me nxënien e aftësive praktike të pjesëmarrësve gjatë këtij trajnimi. Dhe jo vetëm unë si udhëheqës i këtij projekti por edhe të gjitha shkollat profesionale dhe FSK-ja si pjesëmarrës në këtë projekt, janë shumë mirënjohës për dobin e këtyre aftësive të fituara”.

Pjesëmarrëse në ceremoni, Anja Becky, sekretare e parë në Ambasadën Gjermane në Kosovë, foli për rendësin e arsimit profesional në Gjermani dhe në Kosovë duke theksuar se “Aftësia profesionale për të rinjtë e Kosovës është plus i madh për ekonominë e Kosovës”.

Nga ana tjetër, zv.drejtori i Shkollës “Shtjefën Gjeçovi”, z. Blerim Gervalla, theksoi se ky projekti ka rritur prestigjin e kësaj shkolle, dhe si rezultat i punës së bërë është rritur edhe numri i nxënësve në këtë shkollë. “Tani kjo shkollë është më e pajisura në Ballkan sa i përket fushës së automekanikes, në të cilën trajnimet kanë zgjatur më shumë se gjashtë vite”.

Ky trajnim është zhvilluar në afat prej nëntë muajsh,  nga të cilat pesë tema profesionale të fushës së automekanikes janë zhvilluar në mënyrë intensive në periudhën pesë javore dhe kanë qenë të mbikëqyrura gjatë tërë kohës nga docentet gjerman. Pjesëmarrësit e trajnimit ishin nga shkollat vijuese: “Shtjefën Gjeçovi” në Prishtinë, “Mehmet Isai” në Gjilan,  “11 Marsi” në Prizren dhe “Mithat Frasheri” në Gurakoc, sikur edhe pjesëtarët e FSK-së.

Përveç te tjerëve në këtë ceremoni morën pjesë edhe përfaqësues nga Bundeswehr-i gjerman, Kolonel Armin Dausch, këshilltarë logjistike pranë FSK-s, përfaqësues nga AAAPARr, mësimdhënës të shkollave pjesëmarrëse, pjesëtarë të FSK-së dhe të tjerë.

Projekti është realizuar në mjediset e shkollës “Shtjefën Gjeçovi” , repartet e automekanikës, dhe është zhvilluar nga Oda Zejtare e Dortmundit.

Kalendari

Ngjarjet e datës 14 dhjetor 2018 - Mbahet seanca plenare e Kuvendit të Republikës së Kosovës në të cilën do të behët shqyrtimi i dytë i Projektligjit për Ministrinë e Mbrojtjes, shqyrtimi i dytë i Projektligjit për Forcën e Sigurisë së Kosovës dhe shqyrtimi i dytë i Projektligjit për shërbim në Forcën e Sigurisë së Kosovës. (Kuvendi i Kosovës, ora 10:00)

- Në kuadër të “Javës Kundër Korrupsionit 2018” mbahet turneu kundër Korrupsion “Kosova Open 2018”. (Kino “Armata”,  ora 10:00)

- Misioni i Organizatës për Siguri dhe Bashkëpunim në Evropë në bashkëpunim me Asociacionin e Gazetarëve të Kosovës organizojnë tryezën "Roli i medias dhe shoqërisë civile në luftimin e korrupsionit". (Swiss Diamond Hotel, ora 10:00)

- Instituti D4D organizon hapjen zyrtare të projektit “Rritja e qasjes së grave në punësim”. (Restorant Tartine Deli, Prishtinë, ora 10:00)

- Në kuadër të “Javës Kundër Korrupsionit 2018” mbahet tryeza me temë "Lufta Kundër Korrupsionit në Ballkan. (Hotel Sirius, ora 10:00)

- Mbahet ceremonia e përurimit të shtëpisë për familjen skamnore në fshatin Livoç. (Fshati Livoç, ora 10:30)

- Në kuadër të Javës Kundër Korrupsion, Demokraci Plus organizon debatin publik në lidhje me gjetjet e monitorimit të prokurimit publik në Komunën e Prishtinës. (Hotel Sirius, ora 11:00)

- Let's Do It organizon aksion pastrimi në Plemetin të Obiliqt në kuadër të Fushatës "Ta Pastrojmë Kosovën". (Plemetin, ora 11:00)

- Aleanca Kosovare e Bizneseve dhe Qendra Tregtare "Plus Center “ organizon hapjen e ekspozimit dhe promovimit të prodhimeve vendore në kuadër të “Javëve të Biznesit Kosovar 2018” me moto: Unë Konsumoj Produkte Vendore, Po JU?. (Objekti i Qendrës Tregtare "Plus Center“ ne Ferizaj, ora 12:00)

- Koalicioni i OJQ-ve “Java Kundër Korrupsionit 2018” do të mbajë ngjarjen përmbyllëse të “Javës Kundër Korrupsionit 2018”, ku do të jenë prezent Ambasadorët e Shteteve Anëtare të QUINT, BE dhe Koalicioni i OJQ-ve. (Përpara Teatrit Kombëtar, ora 15:00)

- Fondi për të Drejten Humanitare organizon ligjëratën publike “Sot, 20 vite më parë: Rasti Panda”. (Qendra e Dokumentimit në bibliotekën Hivzi Sulejmani, rruga “Sadik Bekteshi” nr 16, ora 16:30)

- Federata Kosovare e Atletikës organizon manifestimin sportiv të atletikës "Laureatët e vitit – Gala Athletics2018”. (Miracle Beni Dona, Zona Industriale, ora 18:30)

- Shfaqet drama jokonvencionale e Mark Ravenhill lidhur me dy vëllezër identikë të cilët ritakohen pasi që janë rritur ndarazi më Gjermaninë lindore dhe perëndimore. (Ambienti i fondacionit “Shtatëmbëdhjetë”, rruga e Muzeu Etnologjik, ora 20:00)