14 Korrik 2020

80 për qind e grave janë jashtë tregut të punës në Kosovë

Prishtinë, 10 mars - Agjencia për Barazi Gjinore (ABGJ) nga Zyra e Kryeministrit të Kosovës me rastin e shënimit 8 Marsit Ditës Ndërkombëtare të Gruas, ka bërë të martën bën prezantimin e lëndës së re “Gjinia dhe Ekonomia”.

Në këtë tubim të prezantimit të kësaj lënde në Fakultetin Ekonomik ku mori pjesë edhe kryeministri Albin Kurti, u tha se një lëndë e tillë është pjesë e marrëveshjes së bashkëpunimit midis ABGJ-së e Universitetit të Prishtinës ku është vendosur kjo lëndë pas rishikimit të kurrikules mësimore në Fakultetin Ekonomik.

Kryeministri Kurti duke folur për lëndën e re, e cila për bazë ka ekonominë dhe barazinë gjinore, tha se është alarmuese që 80 për qind e grave janë jashtë tregut të punës në Kosovë.

Kurti tha se gratë në Kosovë kanë shkallën më të lartë të diplomimit, por shkallën më të ultë të pjesëmarrjes në tregun e punës, megjithëse ai tha se ato gra që janë jashtë tregut të punës, “janë duke menaxhuar të gjitha shpenzimet e familjes e duke punuar punët e shtëpisë”.

“Mbi 80 për qind e grave i kemi pasive në treg të punës. Kjo është alarmuese sepse ato janë potencial i pashfrytëzuar ekonomik. Ne nuk mund të ecim përpara pa zhvillimin e kapitalit njerëzor, pa barazi gjinore i humbasim të drejtat e njeriut, pa barazi gjinore e humbasim barazinë shoqërore, barazinë sociale. Pa barazinë gjinore e humbasim demokracinë”, tha Kurti.

Ambasadorja e Ambasadës Suedeze në Kosovë, të cilët e kanë përkrahur këtë nismë, Karin Hernmarck Ahliny, tha se shpreson se Qeveria e Kosovës do të punojë në pjesëmarrjen e grave në tregun e punës dhe në respektimin e barazisë gjinore.

Ajo tha se fuqia e gruas “mund të ndryshojë çdo gjë edhe pse përballet me vështirësi të shumta për arsye të diskriminimit.

“Nuk duhet të kesh muskuj të fortë të marrësh vendime në parlament. Dhe përsëri kjo është përparësia e vetme gjenetike e burrave në krahasim me gratë. Dhe përsëri nuk e sheh këtë në praktikë, nuk sheh që grave po u jepen mundësitë e njëjta. Dhe për këtë arsye duhet të shikojmë mbi këto baza në nivel struktural dhe nivelin politik. Nuk është në pyetje vetëm nga ne si individ barazia gjinore”, tha Ahliny.

Dekani i Fakultetit Ekonomik, But Dedaj, njoftoi se Kosova është e para në rajon me lëndën “Gjinia Ekonomia”, megjithëse tha se përkundër përparimeve në pjesëmarrjen e grave në punë ekzistojnë ende dallime të mëdha për shkak të ndarjes së pabarabartë apo diskriminimit në punësim.

Në Fakultetin Ekonomike të Universitetit të Prishtinës pas prezantimit, është bërë dorëzimi i një fondi librash “Gjinia dhe Ekonomia” për studentët e këtij fakulteti, e cila do të ligjërohet nga tetori i vitit 2020.

Shkalla e papunësisë së grave në Kosovë është me e lartë se e burrave. 33.4 për qind për gratë dhe 28.5 për qind për burrat, ndërsa sipas asaj që u tha në këtë prezantim, dallimet gjinore mbizotërojnë në të gjitha grupmoshat.

Kalendari

Ngjarjet e datës 14 Korrik 2020 - Vazhdimi i seancës plenare të Kuvendit në të cilën raporton Kryeministri lidhur me menaxhimin e pandemisë COVID-19. (Salla e Kuvendit, ora 10:00)

- Ministria e Infrastrukturës mban konferencë për media, në të cilën do të prezantohet raporti "Dekada e sigurisë 2010-2019" si dhe do të bëhet edhe prezantimi i përgatitur nga Policia e Kosovës, të ashtuquajtur:" Gjendja e sigurisë në trafikun rrugor". (Ndërtesa e Ministrisë sē Infrastrukturës, ora 10:00)

- Fondi për të Drejtën Humanitare Kosovë organizon konferencën online me temën “Sfidat në procedimin e krimeve të luftës në Kosovë-cila është rrugëdalja?” (zoom.us/j/93560389814, ora 10:30)

- Mbahet mbledhja e Qeverisë së Kosovës. (Ndërtesa e Qeverisë, ora 11:00)

 - Mbahet dëgjimi publik për përgatitjen e buxhetit për vitin 2021 dhe kornizës afatmesme 2021-2023 me grupin e Grave-Buxhetimi gjinor dhe të gjithë OJQ-të (Salla e mbledhjeve të Kuvendit Komunal të Rahovecit, ora 15:00)

- Në prani të Ambasadorit Gjerman, Christian Heldt dhe drejtori të GIZ, David Oberhuber do të nënshkruhet një partneritet publik-privat midis GIZ dhe Kolegjit Heimerer me qëllimi zbatimin e masave të menaxhimit të higjienës sipas hulumtimit më të fundit të Covid-19 që do të rrisë në mënyrë të konsiderueshme sigurinë e pacientëve dhe stafit në spitalet publike në Kosovë dhe do të parandalojë përhapjen e koronavirusit brenda këtyre institucioneve. (Tek Kolegji Heimerer, ora 15:00)

- Mbahet dëgjimi publik me Biznese të komunës së Rahovecit. (Salla e mbledhjeve të Kuvendit Komunal të Rahovecit, ora 16:00)

-  Demokraci për Zhvillim organizon  sallonin e radhës me temën “Ndikimi i pandemisë në punësimin e grave”. (Përmes platformës Google Meet, ora 17:00)

-  Ambasada e Francës permes rrjeteve sociale kremton Festën kombëtare franceze. (https://www.facebook.com/FranceauKosovo/,  ora 18:00)