23 Maj 2019

50% e të anketuarve shumë të pakënaqur me drejtimin politik të Kosovës

Prishtinë, 21 shkurt - Programi i Kombeve të Bashkuara për Zhvillim (UNDP) lansoi sot Pulsin Publik XV, projekt ky i financuar nga USAID. Sondazhi shqyrton situatën socio-ekonomike në Kosovë duke analizuar perceptimet e çështjeve politike, ekonomike, të sigurisë dhe të zhvillimit. Përveç treguesve të zakonshëm kyç, kjo përmbledhje gjithashtu shqyrton njohuritë e kosovarëve për mjedisin dhe ndikimin e tij në shëndetin e njeriut. Anketa, e cila u zhvillua në nëntor të vitit 2018, përfshiu 1306 kosovarë mbi moshën 18 vjeç.

Ngjashëm me anketat e mëparshme, pjesëmarrësit theksojnë se papunësia (29.4%), korrupsioni (13.4%) dhe varfëria (8.6%) janë çështjet kryesore me të cilat ballafaqohet Kosova. Rezultatet tregojnë një rritje të qëndrueshme pozitive në shumë fusha kyçe, duke përfshirë besimin në institucionet kryesore dhe ndjenjën e sigurisë në publik.

Në vijim janë disa nga gjetjet kryesore të anketës:

â¦Â    Raporti tregon se kënaqëshmëria me institucionet kryesore publike është rritur. Sidomos me Gjykatat (37.8%) dhe Prokurorinë (35.3%), të cilat janë ngritë në nivelin e kënaqëshmërisë me 6.6%, niveli ky më i lartë i regjistruar ndonjëherë në anketat e Pulsit Publik.

â¦Â    13.5% e kosovarëve janë të kënaqur ose shumë të kënaqur me drejtimin politik, që është një rritje prej 7% nga tetori I vitit 2017. Megjithatë, 50% e të anketuarve janë ende të pakënaqur ose shumë të pakënaqur me drejtimin politik të Kosovës. Rreth 34% kanë raportuar se besojnë se vota e tyre mund të ndryshojë situatën në Kosovë.

â¦Â    37.5% e të anketuarve mendojnë se institucionet qëndrore po punojnë në përputhje me interesat e qytetarëve, krahasuar me 18% në tetor të vitit 2016. 23.3% janë optimistë në lidhje me mundësitë e punësimit, që është vlera më e madhe e regjistruar ndonjëherë në anketat e Pulsit Publik.

â¦Â    71% e kosovarëve ndihen të sigurt kur gjenden në rrugë, që është numri më i lartë që nga viti 2013. Megjithatë ekzistojnë dallime të mëdha ndërmjet bashkësive etnike, pasi vetëm rreth 10% e serbëve të Kosovës pretendojnë të ndihen të sigurt në rrugë.

â¦Â    Rreth 70% e kosovarëve besojnë se faktorët jo meritorë (lidhjet familjare, ryshfetet, aleancat partiake, miqtë, pamja e jashtme, gjinia) janë faktorët më të rëndësishëm në marrjen e vendit të punës në sektorin publik. Ky numër, megjithatë, ka pësuar rënie prej 9% që nga maji 2018.

â¦Â    Në aspektin e çështjeve mjedisore, shumica e të anketuarve deklaruan se kanë njohuri të kufizuar ose nuk kanë fare për këtë temë. Për më tepër, mbi 70% thanë se kanë pak ose aspak njohuri për të drejtën e tyre për të jetuar në një mjedis të shëndetshëm dhe të pastër.



 

Kalendari

Ngjarjet e datës 23 maj 2019 - Instituti për Politikë të Jashtme të Kosovës organizon konferencën "Politika  e Kosovës në këndveshtrim shkencor." (Hotel Sirius, ora 9:30)

- Instituti Riinvest organizon konferencën “Korrupsioni nga ana e ofertës: Perspektiva e bizneseveve”. (Hotel Swiss Diamond, ora 10:00)

- Kryeparlamentari Kadri Veseli mban konferencë për media. (Holli i Kuvendit të Kosovës, ora 10:00)

- Rrjeti Ballkanik për Gazetari Hulumtuese dhe Internews Kosova do ta publikojnë Raportin Vjetor të Monitorimit të Gjykatave për vitin 2018. (Ambientet e objektit A të Pallatit të Drejtësisë, ora 10:00)

- Themelohet Shoqata e Inovacionit Financiar, nga institucione financiare jo-bankare. (Hotel “Sirius”, ora 10:00)

- Anulohet - Forumi Ballkanik organizon tryezën rajonale "Zgjedhjet parlamentare të BE-së dhe implikimet për Kosovën dhe rajonin e Ballkanit Perëndimor". (Hotel Sirius, ora 10:00)

 - Oda Ekonomike Amerikane në Kosovë organizon tryezën e radhës të titulluar Indeksi i Zhvillimit të Sektorit të Prodhimit, ku do të prezantohen të gjeturat e një studimi mbi konkurrueshmërinë e sektorit të prodhimit. (Swiss Diamond Hotel, ora 10:30)

- E Ngarkuara me Punë Coleen Hyland do të flasë me rastin e nënshkrimit të Memorandumit të Mirëkuptimit në mes të partnerit implementues të USAID-it Qendrës për Arsim të Kosovës dhe 7 komunave. (Hoteli Emerald, ora 11:00)

- Ministri i Kulturës, Rinisë dhe Sportit, Kujtim Gashi do të organizojë ceremoninë e ndarjes së shpërblimeve për sportistët dhe trajnerët. (Kabineti i Ministrit të Kulturës, ora 11:00)

- Komisioni për Shëndetësi, Punë dhe Mirëqenie Sociale takohet me Ambasadoren e Suedisë në Kosovë znj. Karin Hernmarck - Ahliny. (Ndërtesa e Kuvendit, salla N 302, ora 11:00)

- Aleanca Kroosvare e Bizneseve organizon konferencën për media me temë "Taksa 100% a është ekonomike a politike kundër Serbisë". (Zyret e AKB-së, ora 13:00)

-  Komisioni Qendror i Zgjedhjeve shpallë rezultatet përfundimtare të zgjedhjeve të jashtëzakonshme për kryetar në komunat: Leposaviq, Zveçan, Zubin Potok dhe Mitrovicë e Veriut. (objekti i KQZ-së, ora 14:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)