11 Dhjetor 2019

Vushtrria drejt një qyteti ekologjik, pajiset me shporta për mbeturina të riciklueshme

Prishtinë, 8 prill - Vushtria përmes përkrahjes financiare të GIZ-it gjerman dhe donatorëve tjerë si dhe përmes implementimit të projektit nga organizata kosovare 'Green Art Center', ka nisur hapat drejt një qyteti ekologjik.

Kësisoj, Vushtrria është duke zhvilluar reforma në fushën e menaxhimit të mbeturinave dhe pilotimeve të projekteve me rëndësi në mjedis.

E në kuadër të projekteve për riciklim të mbeturinave në Vushtri do të zgjerohet rrjeti i ekonomive familjare në zonën tek ish-varrezat e qytetit, zonë kjo që do të përfshihet në ndarjen e mbeturinave të riciklueshme në burim.

Prandaj, nga dita e sotme ka nisur pajisja me shporta për mbeturina të riciklueshme në zonën e lartëpërmendur në 500 amvisëri, ku infrastruktura për ndarje është siguruar si pjesë e kampanjës "Ruje mos e gjuj" duke ju bashkëngjitur projektit për ndarje të mbeturinave të riciklueshme në burim të inicuar nga GIZ-i german dhe implementuar nga GAC-i. E kjo do të vazhdoj edhe në 300 amvisëri tjera në muajt në vijim, duke bërë zgjerim të plotë të sistemit.

Në kuadër të projektit 'Ruje, mos e gjuj', këtë vit planifikohet që rreth lagjeve kryesore dhe tek të gjitha institucionet edukative dhe bizneset në qendër të vijojnë zbatimin e skemës së ndarjes së mbeturinave të riciklueshme në burim. E qytetarët do të njoftohen përmes faqes zyrtare për orarin e grumbullimit të këtyre mbeturinave të riciklueshme.

Ndarja e mbeturinave në burim do të mundësojë riaktivizimin e ndërmarrjes sociale në këtë komunë duke krijuar kushte për punësim në këtë sektor.

Ftojmë qytetarët e komunës së Vushtrisë të kontribuojnë në ruajtjen e pastërtisë së mjedisit jetik dhe në zbatimin e skemave për riciklimin e mbeturinave me qëllim të krijimit të një sistemi të qëndrushëm për një qytet ekologjik.


 

Kalendari

Ngjarjet e datës 11 dhjetor 2019 - Qendra Kosovare për Studime të Sigurisë lanson platformën "Forumi i Gruas për Siguri”, aktivitet ky që implementohet në kuadër të projektit “Ndërtimi i Qëndrueshmërisë: Komunitetet kundër Ekstremizmit të Dhunshëm". (Hotel Sirius, ora 9:00)

- Aksion për Nëna dhe Fëmijë organizon konferencën për përmirësimin e cilësisë me temë "Mbështetja në të ushqyerit me gji nëpër QMF". (Hotel Sirius. ora 9:00)

- Koalicioni i OJQ-ve për Javën Kundër Korrupsionit organizon tryezë diskutimi lidhur reformën e sistemit të drejtësisë në Kosovë, si dhe sfidat e deritanishme me të cilat sistemi gjyqësor dhe prokurorial është ballafaquar vazhdimisht. (Hotel Sirius, ora 10:00)

- Avokati i Popullit organizon 'Ditët e hapura me qytetarë të Pejës" ku do të takojë në mënyrë individuale secilin qytetarë që lajmërohet për takim, duke u respektuar parimi i konfidencialitetit, që të parashtrojnë ankesat e tyre për shkeljet eventuale apo t'i drejtohen për këshilla, në rast të shkeljes së të drejtave të njeriut nga autoritetet publike. (Zyra e Institucionit të Avokatit të Popullit në ndërtesën e Komunës së Pejës,, ora 10:00)

- Oda e Afarizmit Të Kosovës organizon promovimin e librit për biznes "Nga zero në njëqind", të autorit Dritan Shpuza. (Salla e konferencave Orion përballë Kino ABC,  ora 10:00)

- Administrata Tatimore e Kosovës do të mbaj konferencë për media, në të cilën Drejtori i Përgjithshëm i ATK-së Ilir Murtezaj,  do të prezantoj rezultatet e aktiviteteve për mbledhjen e borxheve, me theks të veçantë aktivitetet për konfiskimin e pasurisë së tatimpaguesve borxhlinj. (Zyra Qendrore e ATK-së, ora 11:00)

- Bëhet promovimi i librit "Traumatologjia e sistemit osteomuskular" e autorit, Prof.dr. Cen Bytyqi. (Biblioteka Kombëtare “Pjetër Bogdani”, ora 11:00)

kryetari i degës së PDK-së në Prizren z.Shaqir Totaj, nesër mban konferencën e radhës. (Zyret e degës në Prizren, ora 11:00)

- Aleanca Kosovare e Bizneseve dhe rrjeti i marketeve Viva Fresh Store organizojnë hapjen e Ekspozimit dhe Promovimit të Prodhimeve Vendore në kuadër të “Javëve të Biznesit Kosovar 2019” me moto: Unë Konsumoj Produkte Vendore, Po JU? (Objekti i Viva Fresh Store Adresa, Rruga e Tiranës -Prizren, ora 13:00)  

- Koalicioni i OJQ-ve për Javën Kundër Korrupsionit organizon tryezë diskutimi me temë "Lufta për meditje - politikat kundërthënëse të qeverisë për udhëtimet zyrtare. (Hotel Sirius, ora 14:00)

- Këshilli Drejtues i Sindikatës se Bashkuar e Arsimit, Shkencës dhe Kulturës e Kosovës mban takim lidhur në të cilin do të diskutojë situatdn aktuale, nëse pagat nuk merren me Ligjin e ri të Pagave, se cilat do të jenë veprimet sindikale duke respektuar fuqishem zërin e andtaresisë të cilën përfaqësojnë. (Zyrat e SBASHK-ut, ora 15:00)

- Fondacioni i Kosovës për Shoqëri të Hapur organizon bisedën hapur te titulluar “Metodologjia e re per zgjërim: pengesë apo inspirim”. (Swiss Diamond, ora 18:00)

- Federata e Futbollit e Kosovës organizon koktejin e fundvitit me gazetarë. (Hotel “Venus” në afërsi të Lipjanit, ora 18:00)