24 Mars 2019

USAID dhe MBPZHR nënshkruajnë marrëveshjen e mirëbesimit

Prishtinë, 8 gusht - Ministria e Bujqësisë, Pylltarisë dhe Zhvillimit Rural (MBPZHR) dhe Misioni i USAID-it do të nënshkruajnë Marrëveshjen e Mirëbesimit për Mbështetjen e Sektorit të Bujqësisë, konkretisht për zinxhirin e vlerave të frutave të imëta dhe bimëve mjekësore dhe aromatike në Kosovë. 

Ceremonia e nënshkrimit të marrëveshjes mbahet në objektin e MBPZhR-së dhe pas përfundimit të kësaj ceremonie, ministri i MBPZhR-së, Nenad Rikalo dhe drejtoresha e Misionit të USAID-it në Kosovë, Lisa Magno, do të mbajnë konferencë për media.

USAID edhe në të kaluarën ka vepruar në partneritet me Ministrinë e Bujqësisë, Pylltarisë dhe Zhvillimit Rural (MBPZhR), ndërsa dokumentat e sipërpërmendur paraqesin bashkëpunimin e mëtejmë në mes të të dyja palëve për të zgjëruar mbështetjen e sektorëve të ndryshëm në bujqësi, përfshirë prodhimin e frutavë të butë dhe atë të Bimëve Mjekësore dhe Aromatike (BMA).

Kalendari

Ngjarjet e datës 24 mars 2019

- Kryeministri Ramush Haradinaj në kuadër të manifestimit qendror “Epopeja e Dukagjinit”, bënë homazhe në Kompleksin Memorial në Gllogjan. (Gllogjan, ora 10:00)

- Në 20 vjetorin e rënies së atdhetarëve Prof. Latif Berisha dhe Agim Hajrizi, Kryesia e LDK-së bashkë me Kryetarin e Degës së LDK-së në Mitrovicë, Safet Kamberi dhe struktura të degës, bëjnë homazhe te varri i Prof. Latif Berisha. (Fshati Smrekonic, ora 11:00)

- Presidenti i Republikës së Kosovës, Hashim Thaçi, merr pjesë në manifestimin shtetëror “Epopeja e UÇK-së në Dukagjin”. (Gllogjan, ora 12:00)

- Kryeministri Ramush Haradinaj merr pjesë në tubimin qendror në përkujtim të Betejës së Gllogjanit dhe të gjithë dëshmorëve dhe të rënëve për liri. (Gllogjan, ora 12:00)