14 Nëntor 2018

Trajtimi i qumështarëve nga shteti ka qenë i mangët dhe nënçmues

Prishtinë, 20 qershor - Sot Klubi i Prodhuesve të Kosovës, ka mbajtur Konferencën për Masat Mbrojtëse ndaj Produkteve të Qumështit nga Bosnja dhe Hercegovina, e cila pati për qëllim diskutimin mbi vendimin e dhënë muaj më parë nga Ministria së Tregtisë dhe Industrisë për masat mbrojtëse të produkteve të qumështit.

Konferenca e organizuar nga Klubi i Prodhuesve të Kosovës trajtoi mos zbatimin e vendimit të Ministrisë së Tregtisë dhe Industrisë për masat mbrojtëse të qumështit i cili importohet nga Bosnja dhe Hercegovina, vendim që synim kryesor  ka pasur mbrojtjen e industrisë vendore të qumështit nga produktet që vijnë nga importi dhe shiten nën kosto të tregut.

Të pranishëm në këtë konferencë ishin zyrtarë nga Ministria e Financave, Ministria e Tregtisë dhe Industrisë së Kosovës si dhe shoqatat dhe prodhuesit e produkteve të qumështit dhe shoqatat e biznesit.

Vllaznim Osmani nga Klubi i Prodhuesve të Kosovës u shpreh që sektori i prodhimit të qumështit ka hasur në sfida të shumta gjatë këtyre viteve dhe ka nevojë për përkrahje më të madhe nga institucionet e vendit.

Duke u fokusuar më shumë tek problemi për të cilën edhe u mbajt konferenca, Bosnja dhe Hercegovina si një shtet i cili ende nuk e ka njohur pavarësinë e Kosovës ka barriera të shumta për prodhuesit vendor.

Ai u shpreh që ”Ne si Klub i Prodhuesve të Kosovës jemi në përkrahje të tregut të lirë por ky treg duhet të ketë kushte të barabarta dhe konkurrencë të lirë për të gjithë.”

Kurse Besim Kuqi, kryetar i shoqatës së fermerëve kosovarë të qumështit theksoi se trajtimi i qumështarëve nga shteti gjatë këtyre viteve ka qenë i mangët dhe nënçmues.

Ai po ashtu theksoi që si shoqatë e kanë mirëpritur vendimin e MTI-së për masat mbrojtëse, duke marr parasysh faktin që kanë kohë që kanë avokuar kundër lejimit të produkteve të qumështit nga Bosnja dhe Hercegovina.

“Ky sektor është shumë i rëndësishëm për ekonominë e vendit kur merret parasysh që janë diku 2000 ferma me nga rreth 5 të punësuar nga  një familje” – shtoi ai.

Luzlim Rafuna nga Ministria e Financave u shpreh se Ministria e ka prioritet zhvillimin e sektorit të prodhimit përkatësisht prodhuesit vendor, duke marr vendime që këta prodhues të prodhojnë e kosto sa më të ulëta dhe të zhvillohen sa më lehtë.

“Vendimin e MTI-së nuk e ka kundërshtuar por nuk e ka implementuar duke kërkuar qartësim ligjor. Ky qartësim tashmë është zgjidhur dhe ne kërkojmë që të respektohen dispozitat e shkruara ligjore” u shpreh z.Rafuna.

Ndërsa, Muhamet Mustafa po ashtu konfirmojë që sektori i industrisë së qumështit është sektor strategjik, dhe përkundër konkluzave dhe sugjerimeve të shumta situata ende nuk është përmirësuar. Kjo vërehet me zvogëlimin e numrit të krerëve të lopëve, ku nga 2011 deri tani janë rreth 60 mijë krerë të lopëve.

“Tregu i Kosovës është treg i vogël ku e ka të nevojshme eksportimin, e për këtë duhet të rritur aftësia konkurruese dhe po ashtu të merren edhe masat e nevojshme mbrojtëse.”

Kurse Alush Kryeziu nga përfaqësues nga Ministria e Tregtisë dhe Industrisë tha që vendimi i 16 Prillit i MTI-së është bazuar në dy ligjet bazë, në ligjin antidamping dhe ligji për masat mbrojtëse.

MTI ka marrë kërkesë nga Shoqata e Fermerëve dhe kanë filluar hetimin të rastit në tri fusha: “Pas hulumtimit të rastit në analizën e importit të produkteve të qumështit ka dal që produktet e qumështit nga Bosnja dhe Hercegovina ka pasur rritje të vazhdueshme në Kosovë, ku në vitin 2016 importi ka qenë 36%, trend i njëjte ka vazhduar edhe në muajt e parë të këtij viti.

Në të njëjtën kohë ka  filluar rënia e prodhimit vendor me vetëm 81 mijë litra qumësht të prodhuar në ditë. Dhe fusha e tretë e hulumtimit ka treguar që çmimi i importeve të qumështit  nga Bosnja dhe Hercegovina është më i lirë se vendet tjera.” 

Konform këtyre gjetjeve MTI ka vendosur masat mbrojtëse 17% ndaj produkteve të qumështit të importuar nga Bosnja dhe Hercegovina.

Ndërkaq, Dren Ajeti zyrtar ligjor i Klubit të Prodhuesve të Kosovës tha që qëllimi i masave mbrojtëse në parim është ruajta nga çrregullimi i brendshëm i tregut dhe i kushteve të cilat kanë potencial të shkaktojnë dëme ekonomisë së vendit, duke e mbrojtur konkurrencën e lirë dhe prodhuesit vendor.  

Kalendari

Ngjarjet e datës 15 nëntor 2018 - Komisioni Hetimor Parlamentar në lidhje me ndriçimin e rastit të dëbimit të gjashtë shtetasve turq më datë 29 mars 2018 interviston ish-Drejtorin e Agjencisë së Kosovës për Inteligjencë, Driton Gashi, Inspektorin e Përgjithshëm të Agjencisë së Kosovës për Inteligjencë, Shkelzen Sopjani dhe Ministrin e Ministrisë së Infrastrukturës, Pal Lekaj. (Ndërtesa e Kuvendit, salla N 10, ora 8:30)

- Organizata për Siguri dhe Bashkëpunim në Evropë organizon takimin e grupit punues 'Kushtet e punës të gazetarëve'. (Hotel Sirius, ora 9:30)

- Presidenti i Republikës së Kosovës, Hashim Thaçi, pret në takim lamtumirës dhe dekoron Komandantin e KFOR-it, Salvatore Cuoci. (Kabineti i Presidentit, ora 10:00 - vetëm pamje)

- Në kuadër të Fushatës “Ta Pastrojmë Kosovën” organizohet tryezë me qëllim të diskutimit të të arriturave të komunave të rajonit të Mitrovicës në fushatën e pastrimit nga data 15 shtator e deri më tani. (Restorant “Villa Vllahia” në fshatin Vllahi të Mitrovicës, ora 10:00)  

- Akademia Diplomatike e Republikës së Kosovës organizon promovimin e librit “Kalvari Diplomatik i shtetit të Kosovës” të autorit Shaban Murati. (Biblioteka Kombëtare, ora 10:00)

- Mbahet mbledhja e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projekt kodit Penal i Republikës së Kosovës, etj. (Ndërtesa e Kuvendit, salla N204, ora 10:00)

- Lëvizja FOL organizon diskutim, me ç ‘rast do të publikoj të gjeturat nga monitorimi i kontratës dhe procesin e shpronësimit për ndërtimin  e autostradës Prishtinë-Gjilan-Dheu i Bardhë. (Hotel Sirius, ora 11:00) 

- Zjarrfikësit organizojnë protestë në shenjë revolte dhe pakënaqësie lidhur me pozitën e vështir qe ka kapluar shërbimin e zjarrfikësve në vend. (Nisja nga parkingu i Pallatit të Rinisë, ora 10:30 - para objekti i Qeverisë, ora 11:00)

- Kryeministri Ramush Haradinaj mbanë ligjëratë për studentët e Fakultetit Filozofik. (Fakulteti Filozofik, ora 11:00)

- Instituti Demokratik i Kosovës mban konferencën për media në të cilën do të paraqiten gjetjet e KDI-së lidhur me mënyrën se si operatorët ekonomik në Kosovë po amnistohen nga veprat penale. (Zyrat e KDI-së, ora 11:00)
 
- Presidenti i Republikës së Kosovës, Hashim Thaçi pret në takim Ministrin e Punëve të Jashtme të Hungarisë, Péter Szijjártó. (Kabineti i Presidentit, ora 12:00 - vetëm pamje)  

- Organizata për Rritjen e Cilësisë në Arsim realizon një aksion para Fakultetit Juridik për rastin e plagjiaturës së Mejdi Bektashit pasi gjykata themelore ka vendosur ta cenzurojë përkohësisht raportin e organizatës Admovere ku flitet për këtë plagjiaturë. (Para Fakultetit Juridik në Universitetin e Prishtinës, ora 12:30)

- Ministria e Punës dhe Mirëqenies Sociale bën lansimin në konsultime publike të Koncept Dokumentit për Shërbime Sociale dhe Familjare, të hartuara nga MPMS. (Salla e konferencave në MPMS, ora 13:00)

- Ministri i Punëve të Jashtme i Republikës së Kosovës, Behgjet Pacolli takohet me Ministrin e Punëve të Jashtme të Hungarisë, Péter Szijjártó. (Ndërtesa e Ministrisë së Punëve të Jashtme, ora 12:30 - konferenca, ora 13:15)

- Ministria e Infrastrukturës nënshkruan marrëveshje bashkëpunimi me palën hungareze për implementimin e projektit të Sistemit Inteligjent të Transportit. (Objekti i Ministrisë së Punëve të Jashtme, ora 13:10)

- Ushtruesi i Detyrës së Zëvendësshefit të Misionit, Richard Mei do të vizitojë të enjten Panairin e katërtë vjetor të Alumnive të Kolegjeve që organizohet nga Qendra Këshilluese Amerikane si pjesë e Javës Ndërkombëtare të Edukimit. (Hotel Sirius, ora 14:30)

- Kryeministri Ramush Haradinaj pret në takim Ministrin e Jashtëm të Hungarisë z. Peter Szijarto. (Ndërtesa e Qeverisë, ora 15:50)

-  Ministri i Infrastrukturës, Pal Lekaj dhe Ministri i Jashtëm dhe Tregtisë së Hungarisë, Péter Szijjártó, do të zhvillojnë edhe një takim bilateral. (Ndërtesa e Qeverisë, salla P37, ora 16:25 - vetëm pamje)

- Kryeministri Ramush Haradinaj merr pjesë në performancën e artistëve nga Gjermania “Tape That”, organizuar nga Ambasada e Gjermanisë në Kosovë. (Teatri Kombëtar, ora 19:00)

- Ambasada e Francës organizon mbrëmjen Beaujolais Nouveau e cila është një mundësi për t’i shijuar verërat Beaujolais 2018, shoqëruar me djathëra francezë, të gjitha në një atmosferë muzikore dhe miqësore. (Hotel Sirius, ora  19:00)