25 Shkurt 2020

Studenti mitrovicas prodhon djathë nga hirra

Mitrovicë, 27 dhjetor - Petrit Idrizi, ka demantuar thënien popullore, të paktën pjesën e dytë të saj se “Tërshëra nuk bëhet bereqet dhe hirra bulmet”. Si student i nivelit master në Fakultetin e Teknologjisë Ushqimore (FTU) në Universitetin e Mitrovicës “Isa Boletini” (UMIB), ai  ka arritur që të prodhoj djathë nga hirra dhe me këtë edhe e ka mbrojtur temën e diplomës me titull “Vlerësimi i teknologjisë së përftimit të djathit-hirrë”.

Idrizi tregon se ideja për këtë i ka lindur gjatë qëndrimit në një universitet në Holandë, në kuadër të programit Erasmus+. “Me një grup studentësh gjatë qëndrimit në Holandë kemi filluar një eksperiment për prodhimin e djathit nga hirra dhe profesorët kanë qenë të mahnitur pas prezantimit të punës sonë”.

Sipas tij, prezantimi është vlerësuar maksimalisht nga profesorët e atjeshëm dhe kjo e ka inkurajuar që ta vazhdoj këtë projekt edhe pasi është kthyer në UMIB. Idrizi potencon se kjo ka qenë diçka e re për natyrën e punës kërkimore që është bërë në FTU, mirëpo ka gjetur mbështetje nga mësimdhënësit dhe në këtë rast nga mentori, prof.dr.Alush Musaj. Përkundër asaj se në laboratorët e FTU-së mungojnë disa pajisje që janë të nevojshme për këtë lloj prodhimi, ai ka dalur me sukses që të kryej hulumtimin e tij dhe të prodhoj djathin nga hirra.

Tregon se kjo ka zgjuar kureshtjen edhe në mesin e studentëve, meqë deri me tani në Kosovë nuk është kryer një eksperiment i tillë. Një fakt i rëndësishëm në aspektin shkencor, është se djathit të prodhuar i janë bërë analizat mikrobiologjike dhe janë dalur brenda parametrave normal. “Si i tillë, ky prodhim është i gatshëm për treg”, thotë ai. Nga informacionet që ka kërkuar ai, ky lloj djathi prodhohet dhe shitet në vendet skandinave, ku 1 kilogram shitet prej 20-30 euro. 

Sipas tij, djathi që prodhohet nga hirra ka ngjyrë të kuqe, nuk ka krip dhe preferohet të përdoret në mëngjes. Sa i përket përbërjes, thotë se, ka karbohidrate, proteina dhe jod. “Është i mirë veçanërisht për ata që merren me fitnes, meqë forcon dhe rrit masën muskulore”. Sa i përket idesë që ky lloj djathi të prodhohet nga industria e qumështit në Kosovë, Idrizi thekson se ende nuk ka ndonjë projekt serioz, meqë duhet një studim i tregut fillimisht. Megjithatë ai tashmë recetën e ka të gatshëm dhe pret interesimin e industrisë në mënyrë që edhe në Kosovë të ketë një prodhim të djathi-hirrë, ashtu sikur në vendet e zhvilluara skandinave.

 

Kalendari

Ngjarjet e datës 25 shkurt 2020 - Konstituohet Komisioni për Mbikëqyrjen e Agjencisë së Kosovës për Inteligjencë. (Ndërtesa e Kuvendit, salla N 303, ora 10:00)

- Koalicioni i OJQ-ve për Mbrojtjen e Fëmijëve në Kosovë organizon konferencë të jashtëzakonshme për media për të shprehur shqetësimin lidhur me trajtimin e rasteve ku fëmijët janë viktima të formave të abuzimit dhe dhunës seksuale. (Ambientet e organizatës Forumi për Iniciativa Qytetare në lagjen Pejton, ora 10:00)

- Konstituohet Komisioni për Shëndetësi dhe Mirëqenie Sociale, Vendi: (Ndërtesa e Kuvendit, salla N302, ora 10:00)

- Demokracia Plus dhe Qendra për Avokim dhe Kulturë Demokratike në bashkëpunim me programin e USAID për Fuqizim të Sistemit të Drejtësisë organizojnë konferencën në cilën do të shpalosen rezultatet e Anketës me përdoruesit e shërbimeve të gjykatave. (Hotel Sirius, ora 10:00) 

- Konstituohet Komisioni për Buxhet dhe Transfere. (Ndërtesa e Kuvendit, salla C 203, ora 11:00)

- Konstituohet Komisioni për Punë të Jashtme dhe Diasporë. (Ndërtesa e Kuvendit, salla N 10, ora 11:00)

- Bibloteka Kombëtare e Kosovës dhe Shoqata e të Burgosurve Politik organizojnë hapjen e ekspozitës "Kujtesa e Kosovës, portrete të Adem Demaqit në pikturë dhe fotografi". (Bibloteka Kombëtare, ora 11:00)

- Konstituohet Komisioni për Arsim, Shkencë, Teknologji, Inovacion, KulturÑ‘, Rini dhe Sport. (Ndërtesa e Kuvendit, salla N 204, ora 11:00)

- ADMOVERE e mbështetur nga KFOS promovon raportin "Gjendja në Fakultetin e Gjeoshkencave të Universitetit të Mitrovicës". (Hapësirat e rektoratit të UMIB-it në Mitrovicë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike mban diskutim lidhur me detyrat me prioritet dhe organizimin e punës së Komisionit. (Ndërtesa e Kuvendit, salla C 203, ora 12:00)

- Anibar Festivali Ndërkombetar i Animacionit organizon shfaqjen e filmave nga java e Kinematografisë afrikane. (Kinema Jusuf Gërvalla, 13:00)