21 Shtator 2020

Shoqata e Prodhuesve të Qumështit e mirëpret dyfishimin e pagesave për fermerët

Prishtinë, 14 gusht - Fermerët kanë marr një lajm të mirë nga Qeveria e Kosovës, përkatësisht nga Ministria e Bujqësisë, pasi kjo e fundit ka vendosur t’i dyshojë pagesat direkte për ta.

Me këtë rast, Milazim Berisha, Kryetar i Shoqatës së Prodhuesve të Qumështit, ka falënderuar Ministrin Besian Mustafa, duke shpresuar që ai do t’i marr parasysh edhe kërkesat e tjera të cilat i kanë diskutuar bashkërisht.

“Shoqata e Prodhuesve të Qumështit të Kosovës, ka shprehur mirënjohje dhe falënderim ndaj vendimit të fundit të qeverisë, përkatësisht Ministrisë së Bujqësisë në krye me ministrin Besian Mustafa, me rastin e dyfishimit të pagesave direkte për fermerët."

"Edhe pse fermerët këtë vit kane humbje të pakompensueshme, kjo masë do të jetë një ndihmesë e madhe dhe stimul shtesë që ky sektor. Për më tepër atyre u epet një mundësi dhe shtytje më tepër në mënyrë që t’i mbijetojnë situatës së krijuar si pasojë e pandemisë globale dhe rënies së madhe së fuqisë blerëse në vend!"

"Shpresojmë që edhe kërkesat tona të tjera që i kemi diskutuar edhe me ministrin Besian Mustafa dhe dërguar të shkruara si shoqatë dhe industri prodhuese e qumështit, të hasin në përkrahje në masat e radhës mbështetëse për rimëkëmbje ekonomike që priten në vijim, të cilat do të ishin një zgjidhje më afatgjate për fermerët dhe prodhuesit në përgjithësi dhe do të rrisnin shpresat e fermerëve për një të ardhme më të qëndrueshme dhe të sigurt!"

"Po ashtu, së bashku me ministritë dhe institucionet të tjera relevante urgjentisht të krijohen kushte, mundësi dhe forma shtytëse për shitje të prodhimeve vendore, si nevojë imediate!” – thuhet në komunikatën e lëshuar nga ShPQK-së, pas marrjes së vendimit.

Kalendari

Ngjarjet e datës 21 Shtator 2020 - Mbahet mbledhja e Qeverisë së Republikë së Kosovës. (Ndërtesa e Qeverisë, ora 8:30)

- Fillon Shkolla Verore e BE-së në të cilën do të shtjellohet temat për zhvillimin ekonomik, qëndrueshmërinë mjedisore dhe shfaqjen e pandemisë globale. (Zyra e Bashkimit Evropian në Kosovë, ora 9:00)

- Mbahet mbledhja e komisionit për të Drejtat e Njeriut, Barazi Gjinore, për Persona të Pagjetur dhe Peticione në të cilën do të votohet raporti i panelit përzgjedhës për shqyrtimin e aplikacioneve, intervistim dhe listën e ngushtë të kandidatëve për Avokat të Popullit. (Ndërtesa e Kuvendit, salla N302, ora 10:00)

- Ministrja e Punëve të Jashtme dhe Diasporës, Meliza Haradinaj Stublla takohet me Ambasadorin japonez, Mizutani Akira. (Kabineti i ministres Haradinaj Stublla, ora 10:00 - pa prezencen e mediave)

- Kryeministri i Republikës së Kosovës, Avdullah Hoti, pret në takim delegacionin e Qeverisë së SHBA-ve, të udhëhequr nga Kryeshefi Ekzekutiv i Korporatës Ndërkombëtare të Financave dhe Zhvillimit në SHBA Adam Boehler, të cilit do t’i bashkohet edhe i dërguari special i SHBA-së për dialogun Kosovë - Serbi, Richard Grenell, përfaqësues të USAID, Kryetarin e Bankës së Eksport-Importit të Shteteve të Bashkuara, si dhe zyrtarë të tjerë të lartë të qeverisë nga Departamentet e Energjisë dhe Tregtisë në SHBA. (Ndërtesa e Qeverisë, ora 10:00)
 
- Ministrja e Punëve të Jashtme dhe Diasporës, Meliza Haradinaj Stublla dhe Ambasadori japonez, Mizutani Akira, nënshkruajnë marrëveshjen për donacionin e radhës të Japonisë për Kosovën. (Ministria e Punëve të Jashtme dhe Diasporës, ora 10:30)

-  Komisioni Hetimor Parlamentar lidhur me procesin e privatizimit në Kosovë shqyrton listen e dëshmitarëve, përzgjedh ekspertët e jashtëm si dhe publikon adresën për dorëzimin e dëshmive nga qytetarët. (Ndërtesa e Kuvendit, salla N10, ora 11:00)

- Kryeministri Avdullah Hoti merr pjesë në përurimin e shtatores së Heroit Ahmet Krasniqi, si dhe në inaugurimin e sheshit, i cili do të mbajë emrin e tij. (Sheshi “Ahmet Krasniqi” në Vushtrri, ora 11:00)  

- Mbahet ceremonia e dorëzimit të pajisjeve mjekësore për Sallën e Operacionit dhe Sallën e Lindjes për gratë e infektuara me COVID-19, pajisje këto të financuara nga partneri jonë Raiffeisen Bank në Kosovë dhe AMC. (QKUK, ora 11:00)

- Kryetari i Autoritetit Kosovar të Konkurrencës, Valon Prestreshi, do të takohet me U.D i Kryesuesit të Bordit të Zyrës së Rregullatorit për Energji Arsim Janova, ku do të  nënshkruajnë një Marrëveshje Mirëkuptimi dhe Bashkëpunimi mes dy institucioneve, pas nënshkrimit të marrëveshjes do të ketë konferencë për medie. (Ish-objekti i Bankës së Lubjanës, kati i IV, ora 11:15)

- Seanca plenare e Kuvendit, e ndërprerë të premten do të vazhdojë sot. (Ndërtesa e Kuvendit, ora 13:00)