17 Shkurt 2020

Qendrat grumbulluese garantojnë tregun për fermerët

Prishtinë, 19 janar - Investimet në qendrat grumbulluese për pemë e perime, kanë lehtësuar veprimtarinë bujqësore të shumë fermerëve vendorë.

Njëra nga këto qendra, e cila merret me grumbullimin e frutave të malit, është kompania “Besiana G”, që menaxhohet nga Visar Aliu e i cili tregon se ka 30 vite që merret me grumbullimin e këtyre frutave.

Në Prelez të Ferizajt, ai grumbullon dhe përpunon dredhëza, mjedra, manaferra e boronica. Në këtë vend frutat e malit i sjellin një numër i madh i fermerëve të kësaj ane.

“Kompania “Besiana G” merret më grumbullimin e frutave të malit. Kemi një eksperiencë më shumë se 30 vjeçare dhe punën tonë e kemi filluar me grumbullim e më pastaj edhe me përpunimin e frutave të malit."

"Tani kompania jonë i ka 400 fermer që kultivojnë mjedrën, dredhëzën, manaferrën, ku gjithë këto produkte të cilat i kultivojnë e kanë një adresë ku të dorëzojnë”, tregon ai.

Duke folur për veprimtarinë e kësaj kompanie, Aliu thotë se fruti kryesor, i cili grumbullohet në këtë fabrikë është mjedra dhe se një pjesë e madhe e këtyre frutave eksportohet jashtë vendit.

Mbi 800 tonë të këtij fruti, Visar Aliu, i dërgoi vitin e kaluar në Gjermani.

“Viti 2019 për kultivuesit e këtyre frutave ka qenë vit shumë i mirë pasi që është rritur dyfish çmimi në krahasim me vitin e kaluar e po ashtu edhe interesimi ka qenë mjaft i madh. Krahas kësaj edhe për neve si kompani grumbulluese ka qenë një vit mjaft i frytshëm sepse ka pasur kërkesa të mëdha për këto prodhime bujqësore e sidomos për mjedër”, thotë ndër tjerash Aliu, duke treguar se gjatë vitit të kaluar kanë arritur të eksportojnë mbi 800 tonë mjedër dhe  200 tonë dredhëza.

Përveç në Ferizaj, “Besiana G” ka edhe 2 pika tjera grumbulluese. Novobërda e Shtërpca janë vendet tjera ku fermerët e këtyre zonave mund të dorëzojnë produktet e tyre. Përfaqësuesi i kësaj kompanie tregon se pas grumbullimit, frutat malore kalojnë në disa faza të selektimit, ngrirjes dhe pastaj dalin në treg.

“Menjëherë pas pranimit të produkteve kompania jonë i ka frigoriferët ku bëhet ngrirja në -40 gradë dhe ku ruhet kualiteti dhe cilësia e produktit. Këto fruta, të cilat i grumbullojmë ne e kërkojnë ngrirjen sa më të shpejtë në mënyrë që qëndrueshmëria dhe kualiteti të jetë sa më i mirë”.

Por, zhvillimin e këtyre qendrave grumbulluese në mënyrë të vazhdueshme e ka përkrahur Ministria e Bujqësisë, Pylltarisë dhe Zhvillimit Rural.

Aliu tregon se në gjitha fazat e saj, kompania e tij ka marrë përkrahjen e MBPZHR-së.

“ Në vitin 2014 me përkrahjen e Ministrisë së Bujqësisë kemi rritur kapacitetet ekzistuese  e bashkë me këtë është rritur edhe numri i fermerëve kultivues të këtyre frutave, e të cilët Ministria e Bujqësisë po i përkrahë tashmë me nga 8 centë për kilogram të sasisë së dorëzuar”, ka treguar fermeri Visar Aliu.

Në fabrikën e tij tanimë më nuk është asnjë frut malor, pasi që ai ka arritur t’i shesë të gjitha produktet e grumbulluara nga fermerët

Ai tregon se i kane eksportuar të gjitha produktet  e grumbulluara në vitin 2019.

Cilësinë e produkteve të qendrës grumbulluese “Besiana G” e kanë verifikuar edhe auditorët e vendeve të jashtme. Kjo kompani është e certifikuar me standarde më të larta evropiane.

Përfaqësuesi i “Besiana G”, Visar Aliu tregon se  kjo kompani është e certifikuar me standarde HASP-in ISM 22000,  ISM 9001.

Ndërkaq, tashmë ai thotë se janë në proces të certifikimit të ISF-së, që është standardi kryesor që kërkojnë kompanitë evropiane.

Ndërkaq, në vitin 2020 ai thekson se do të jenë pjesë edhe e standardit BIFS, i cili është standard që kërkohet në tregun anglez. Kjo kompani ka të punësuar mbi 60 punëtorë sezonal.
 

Kalendari

Ngjarjet e datës 17 shkurt 2020 - Në 12 vjetorin e Shpalljes së Pavarësisë së Republikës së Kosovës Garda ceremoniale bën ngritjen e flamurit nga në prani të dy udhëheqësve shtetërorë, Albin Kurti dhe Vjosa Osmani. (Oborri i qeverisë, ora 8:00)

- Kryetari i Komunës së Rahovecit, Smajl Latifi organizon pritjen e mysafirëve për ndër të pavrësisë. (Zyra e Kryetarit Latifit, ora 8:00)

- Anëtarët e Kryesisë së Partisë Demokratike të Kosovës dhe deputetët e PDK-së, bëjnë homazhe në Prekaz, për nder të 12 vjetorit të Pavarësisë së Kosovës. (Kompleksi Memorial i Jasharajve, ora 8:30)

- Udhëheqës të Komunës së Skenderajt bëjnë homazhe të shtatorja e Adem Jasharit. (Skenderaj, ora 9:00)

- Komuna e Rahovecit bën homazhe në të gjitha vendrëniet dhe pllakat e dëshmorëve të Rahovecit. (Rahovec, ora 09:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani vendosin kurora te kompleksi memorial Adem Jashari.
(Prekaz, ora 9:10)

- Komuna e Skenderajt dhe Komuna e Drenasit organizojnë homazhe të Kompleksi Memorial 'Adem Jashari'. (Prekaz, ora 9:30)

- Komuna e Skenderajt dhe Komuna e Drenasit organizojnë homazhe të Memorial i dëshmorëve në Marinë. (Marinë, ora 9:30)

- Kuvendi Komunal i Skenderajt mban seancë solemne në 12 vjetorin e Pavrësisë. (Objekti i Komunës së Skenderajt, ora 10:00)

- Me rastin e 12 vjetorit të shpalljes së pavarësisë së Kosovës, Kryesia e LDK-së dhe veprimtarë bëjnë homazhe te varri i Presidentit Historit Dr. Ibrahim Rugova. (Velani, ora 10:00)

- Dy udhëheqësit shtetërorë, kryeministri Albin Kurti dhe kryeparlamentarja Vjosa osmani  vendosin kurora pranë varrit të Presidentit Ibrahim Rugova dhe te varri i Veprimtarit Adem Demaçi. (Velani, ora 10:30)

- Kuvendi i Republikës së Kosovës mban seancë solemne nën kujdesin e Znj.Vjosa Osmani Kryetare e Kuvendit të Republikës së Kosovës ku të pranishëm do të jenë kryeministri Albin Kurti, përfaqësues të Familjes Jashari, familjes Rugova, deputetë të këtij legjislacioni dhe të ftuar ndërkombëtarë e vendorë. (Kuvendi i Republikës së Kosovës, ora 11:00)

- Agjencia Shtetërore e Arkivave të Kosovës dhe Drejtoria e Përgjithshmë e Arkivave të Shqipërisë organizojnë hapjen e ekspozitës “Kosova në arkivin e shtetit shqiptar”. (Lapidariumi i Muzeut Kombëtar të Kosovës, ora 11:00)

- Në 12-vjetorin e shpalljes së Deklaratës së Pavarësisë së Kosovës, kryetari i Komunës së Gjilanit, Lutfi Haziri me bashkëpunëtorët bëjnë homazhe tek varrezat e qytetit. (Gjilan, ora 11:00)

- Komuna e Istogut mban seancë solemne me rastin e 12-të vjetorit të Pavarësisë së Republikës së Kosovës. (Salla e Kuvendit Komunal të Istogut, ora 11:00)

- Kryetarja e Kuvendit të Republikës së Kosovës Vjosa Osmani dhe Kryeministri i Republikës së Kosovës, Albin Kurti vizitojnë Forcën e Sigurisë se Kosovës ku edhe do iu drejtohen me fjalë përshëndetëse trupave të FSK-së. (Kazerma “Adem Jashari”, ora 12:00)

- Kuvendi Komunal i Rahovecit mban seancë solemne për nder të “17 Shkurtit”. (Salla e Kuvendit Komunal, ora 12:00)

- Muzeu Kombëtar i Kosovës organizon hapjen e ekspozitës me tematikë arkeologjike “Trashëgimia Arkeologjike Adriatiko-Meditariane në Kosovë” të autorit Tomor Kastrati. (Objekti i Muzeut, ora 12:00)

- Komuna e Istogut organizon homazhe dhe vendosje kurora lulesh tek Lapidari i Dëshmorëve në qendër të Istogut . (Istog, ora 12:00)

- Për nder të 12-vjetorit të Pavarësisë së Republikës së Kosovës, Ministria e Kulturës, Rinisë dhe Sportit do të organizojë ceremoninë e ndarjes së çmimeve për letërsi për vepër jetësore dhe çmimet tjera vjetore për vitin 2019. (Kabineti i ministres Vlora Dumoshi, ora 13:00)

- Kryetarja e Kuvendit, Vjosa Osmani merr pjesw nw prezantimin e Obeliskut Newborn me pamje të re. (Newborni tw Pallati i Rinisw, ora 13:00)

- Komuna e Skenderajt organizon manifestimin qendror pë Pavarësinë. (Sheshi Adem Jashari në Skenderaj, ora 13:00)

- Komuna e Rahovecit organizon program qendror festiv. (Qendra e Kulturës ‘’Mensur Zyberaj’’, Rahovec, ora 13:00)
 
- Komuna e Istogut organizon programi festiv me këngë e valle për pavarësi. (Para Qendrës Kulturore në Istog, ora 13:00)

- Komuna e Skenderajt organizon turnir në futboll të vogël të quajtur 'Kupa e Pavarësisë'. (Shkolla profesionale në Skenderaj, ora 15:00)

- Komuna e Rahovecit organizon finalen e garave në futboll në mes katër shkollave në komunën e Rahovecit. (Palestra Sportive ‘’Mizahir Isma’’, Rahovec, ora 16:00)

- Presidenti i Republikës së Kosovës, Hashim Thaçi, për nder të 12 vjetorit të pavarësisë së Kosovës, u drejtohet ushtarëve të FSK-së. (Kazerma “Adem Jashari”, ora 16:00)

- Baleti Kombëtar i Kosovës organizon shfaqjen “Ngjyrat e vallëzimit”. (Teatri Kombëtar i Kosovës, ora 17:00)

- Komuna e Gjilanit mban akademi për nder të ditës së mëvetësisë së Kosovës, ku edhe do të ndahen çmimet, Nderi i Qytetit dhe Heroinat e Qytetit. (Salla e teatrit të qytetit të Gjilanit, ora 17:00)

- Organizohet pritje shtetërore me rastin e 12 vjetorit të Shpalljes së Pavarësisë se Kosovës. (Bogdanipolis, Katedralja Shën Nënë Tereza, ora 18:00)

- Kosovafilmi organizon Javen e filmit shqiptar në Prishtinë. (Kino ABC, ora 19:00)

- Teatri Kombëtar i Kosovës organizon shfaqjen “Bryma e vdekjes”. (Teatri Kombëtar, ora 20:00)