23 Tetor 2019

Pyjet e Kosovës po vazhdojnë të rrezikohen

Prizren, 30 korrik - OJQ EC Ma Ndryshe në bashkëpunim me Klubin e Ambientit “Luciano Motroni” ka organizuar tryezën e diskutimit “Gjendja e pyjeve dhe problemi i shpyllëzimit”.

Kjo tryezë është organizuar me qëllim që të prezantojë gjendjen ekzistuese të pyjeve dhe të trajtojë problematikën e dëmtimit të pyjeve përmes formave të ndryshme.

Në këtë diskutim është prezantuar gjendja aktuale e pyjeve, efekti zingjiror që shkakton shpyllëzimi, trajtimi që ofrohet nga ligji për këtë çështje dhe situata në Parkun Kombëtar të Sharrit. Panelistë të këtij debati ishin Izet Osmanaj nga Drejtoria e Bujqësisë, Alban Hyseni – Ekolog dhe ligjërues në Universitetin e Prishtinës, dhe Bekim Bytyqi nga D.A.P.K Sharri.

Përfaqësuesi i Drejtorisë së Bujqësisë, Osmanaj njoftoi të pranishmit mbi sfidat që ky institucion has në monitorimin e vazhdueshëm të pyjeve të rajonit të Prizrenit, aksionet e pyllëzimit, fletëparaqitjeve që bëhën ndaj prerësve ilegal si dhe bashkëpunimin që këta të fundit kanë më institucionet e rendit dhe drejtësisë.

Në anën tjetër profesori nga Universiteti i Prishtinës Hysenaj foli mbi pasojat e shpyllëzimit, prishjen e balancit ekologjik, shkatërrimit të habitateve, prishjes së zingjirit ushqimor, ndryshim të ciklit ujor e kështu me radhë.

Nga ky u fundit u potencua që tematika e mbrojtjes së ambientit duhet të futet si lëndë obligative në kurrikulën shkollore pasi që mënyra më e mirë e luftimit të këtyre fenomeneve të dëmshme ndaj natyrës është vetëdijesimi kolektiv.

Përfaqësuesi i DAPK Sharri dha informata mbi gjendjen aktuale në këtë park nacional, duke informuar të pranishmit mbi veçoritë dhe vlerat e biodiversitetit në këtë zonë.

Poashtu në kuadër të këtij prezantimi u elaborua edhe pjesa e legjislacionit që rregullon menaxhimin e PK Sharrit. U potencua që pyjet tona po rrezikohen vazhdimisht nga prerjet ilegale dhe zjarrëvëniet e qëllimshme, të cilat janë duke shkaktuar dëme afatgjata.

Nga të pranishmit pat pyetje dhe ndërhyrje vazhdimisht, e si përfundim erdhi që mungesa e zbatimit të ligjit, mungesa e kampanjave të mjaftueshme vetëdijesuese dhe kapaciteti i vogël i institucioneve monitoruese të pyjeve janë disa nga arsyet që këto habitate po vazhdojnë të dëmtohen.

Ky aktivitet është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).
 

Kalendari

Ngjarjet e datës 23 tetor 2019 - Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti, do të vizitojë Shkollën Fillore të Mesme të Ulët "Eqrem Qabej" në Mitrovicë, ku do të takoj drejtoreshën e kësaj shkolle, Remzije Alidemaj, për të parë procesin e zhvillimit të Garës Nacionale në Sport dhe Kreativitet Kulturor e Mendim Kritik. (Objekti i shkollës, ora 9:50)

- Mbahet mbledhja e rregullt e Komitetit për Politikë dhe Financa të Komunës së Mitrovicës. (Salla e mediave të Komunës së Mitrovicës, ora 10:00)

- Mbahet dita e parë e panairit ndërkombëtar të Agrobiznesit dhe Ushqimit AGROKOS. (Salla 1 Tetori, ora 10:00)

- Klubi i Prodhuesve të Kosovës dhe SOS Fshatrat e Fëmijëve Kosova organizon ceremoninë inauguruese të Punëtorisë “Made in Kosova”. (SOS Fshatrat e Fëmijëve në Prishtinë, Rr. 1 Tetori p.n, Velani, ora 11:00)

- Organizatat joqeveritare Community Building Mitrovica, Mundësia, 7 Arte, Civil Development Organisation, Iniciativa Qytetare Skenderaj organizojnë konferencën e përbashkët të në të cilën do të prezantohet Raporti i monitorimit të aktivitetit të prokurimit: Qendra e riciklimit industrial për mbeturinat paraprakisht të klasifikar ose të përziera.  (Community Building Mitrovica, pas ëmbëltorës “Ballkan, ora 11:00)

- Lansohet platforma digjitale në rajon me koncept të "ekonomisë së përbashkët" e cila ju mundëson individëve të përfitojnë nga mjetet e tyre motorike duke i lëshuar ato me qira, si dhe personave të interesuar të marrin makina motorike me qira me cmime më të arsyeshme se nga format trandicionale të makinave me qira. (Objekti i Inovation Center of Kosova, ora 11:00)

- Bëhët promovimi i librit "Me Mall dhe Lot nga Stambolli" të autorit Hamdi Thaqi dhe Nazife Prebreza- Thaqi, që flitet për shpërnguljen e familjes Prebreza nga Toplica. (Biblioteka Kombëtare, ora 12:00)

- Agjencia Kosovare e Privatizimit mban ceremoninë e hapjes së ofertave të shitjeve përmes Likuidimit nr.51. (Hoteli Grand, ora 12:30)

- Takohen dy grupet punuese të Lëvizjes Vetëvendosje dhe Lidhjes Demokratike të Kosovës. (Selia e LDK-së, “Qafa”, ora 15:00)

- Gjykata Kushtetuese e Republikës së Kosovës me në ceremoni solemne shënon vitin e 10-të Jubilar Gjyqësor. (Hotel Emerald, ora 17:00)