28 Mars 2024

Projekti “KosAgri”, përkrahu zhvillimin e bujqësisë sipas standardeve evropiane

Prishtinë, 30 janar - Ministria e Bujqësisë, Pylltarisë dhe Zhvillimit Rural, politikat bujqësore është duke i zhvilluar sipas standardeve evropiane. Falë mbështetjes dhe investimeve të bëra në kuadër të projektit italian “KosAgri”, tashmë në vendin tonë mund të implementohen standarde evropiane në sektorin e bujqësisë.

Kështu është shprehur ministri i MBPZHR-së, Nenad Rikalo, gjatë konferencës me rastin e përmbylljes së projektit “KosAgri”, i cili është mbështetur nga Agjencia Italiane për Bashkëpunim dhe Zhvillim dhe Instituti Agronomik Mesdhetar në Bari të Italisë dhe është implementuar nga MBPZHR-ja.

Ministri Rikalo, ka falënderuar Qeverinë e Italisë për mbështetjen që kanë dhënë deri më tash në sektorin e bujqësisë, duke e vlerësuar se kjo mbështetje ka sjellë rezultate mjaft konkrete dhe të rëndësishme.

“Projekti KosAgri ka pasur qëllim  përforcimin e Ministrisë së Bujqësisë në

implementimin e  standardeve evropiane në sektorin e bujqësisë. Po ashtu, përmes këtij projekti kemi marrë edhe mbështetje në hartimin e ligjeve për bujqësinë organike dhe ligjit për mbrojtjen e bimëve. Në këtë mënyrë jemi aftësuar për zhvillimin e bujqësisë sipas standardeve evropiane”, ka thënë ministri Rikalo.

Ndërkaq, ambasadori i Italisë në Kosovë, Piero Cristoforo Sardi, e ka vlerësuar projektin tejet të suksesshëm, pasi që sipas tij janë arritur rezultate të mira në sektorin e bujqësisë, në kuadër të implementimit të standardeve evropiane.

“‘KosAgri’ është një akronim i një projekti i cili ka për qëllim që të ndihmojë MBPZHR-në në implementimin e një numri të madh të iniciativave dhje aktiviteteve, të cilat kanë për qëllim lehtësimin dhe rregullimin e ligjeve për integrim në BE”, ka thënë ambasadori Sardi.

Në anën tjetër, Drejtori i Institutit Agronomik Mesdhetar në Bari të Italisë, Maurizio Raeli, ka thënë se ky projekt ka krijuar kushte më të mira për zhvillimin e bujqësisë, në veçanti asaj organike.

Ndryshe, në kuadër të projektit dyvjeçar “KosAgri”, janë investuar 2.2 milionë euro, ku përmes këtyre investimeve janë ngritur kapacitetet institucionale të MBPZHR-së, janë instaluar laboratorë për analiza bujqësore, janë ngritur 500 metra katrorë serra eksperimentale, si dhe janë ngritur 2 hektarë tokë punuese, si dhe janë realizuar vizita jashtë vendit, përmes të cilave është aftësuar stafi profesional i MBPZHR-së.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)