10 Prill 2021

Policia zhvillon aksion ne Agjencinë për Zhvillimin e Bujqësisë

Prishtinë, 24 shkurt - Policia e Republikës së Kosovës është duke zhvilluar një aksion në Agjencinë për Zhvillimin e Bujqësisë, në kuadër të Ministrisë së Bujqësisë, Pylltarisë dhe Zhvillimit Rural (MBPZHR).

Lajmin e konfirmoi edhe Policia e Kosovës e cila është duke e realizuar një operacion policor në disa lokacione, në rajone të ndryshme.

“Mund të konfirmojmë se, Policia e Kosovës është duke e realizuar një operacion policor në disa lokacione, në rajone të ndryshme. Informacione shtesë mund të jepen pas përfundimit të operacionit policor”, ka thënë Baki Kelani, zëdhënës i Policisë së Kosovës.

Siç shihet në pamje, policët e maskuar me maska të zeza dhe kallashnikovë kanë rrethuar dikasterin dhe po kryejnë bastisje.

Sipas mediave në Prishtinë, autoritetet e rendit kanë arrestuar drejtorin e Agjencisë për Zhvillimin e Bujqësisë dhe disa punonjës të tjerë.

Sipas informacioneve arrestimi i tyre lidhet me dyshimet për marrje ryshfeti në vazhdimësi për ndarje granteve dhe të subvencioneve.

Kalendari

Ngjarjet e datës 10 Prill 2021

- Ervehe Gashi, Prokurore e Krimeve të Rënda në Prokurorinë Themelore në Prizren mban konferencë për media, në të cilën do ta shpalosi të vërtetën, mbi gjithë manipulimrt e transmetuar ne emisionin “KallxoPërnime”.   (Hotel Sirius, ora 11:00)  

- Grupi për Studime Juridike dhe Politike (GLPS) mban konferencë për medie me temë: “Disa nga veprimet më urgjente për Qeverinë Kurti II”. (Hotel Sirius, ora 11:00)

- Deputeti i Kuvendit të Republikës së Kosovës nga AAK-ja, Shemsedin Dreshaj, mban konferencë për medie, me temën: “Menaxhimi i pandemisë dhe vaksinat”. (Selia Qendrore e AAK-së, ora 12:00)