19 Mars 2019

Përurohet fillimi i punimeve në rregullimin e shtratit të lumit Klina në Skenderaj

Skenderaj, 16 tetor - Ministri i Mjedisit dhe Planifikimit Hapësinor, Fatmir Matoshi, në ditën e parë të emërimit të tij si ministër, së bashku me këshilltarët politik e sekretarin Arben Çitaku kanë bërë homazhe tek Kompleksi Memorial "Adem Jashari" në Prekaz. 

Gjatë vizitës në Komunën e Skenderajt, ministri Matoshi së bashku ne kryetarin e Komunës së Skenderajt, Bekim Jasharin, kanë vu themelin e  punimeve të projektit “Rregullimi i shtratit të lumit Klina”, i financuar nga MMPH.

Gjatë kësaj ceremonie, Matoshi tha se në ditën e parë të detyrës së ministrit po e viziton komunën e Skenderajt duke kujtuar se ky vend është i të gjithë shqiptarëve.

Ministri Matoshi tha se projekti për rregullimin e shtratit të lumit Klina do të ketë ndikim pozitiv për qytetarët dhe komunën e Skenderajt.

" Për mua është nder i veçantë që ditën e parë të punës sime, tanimë si ministër, ta fillojë në Komunën e Skenderaj. Lumi Klina  që ne, këtë vit e mbështesim financiarisht në vlerë prej 200 mijë euro, do të ketë ndikim në disa aspekte, do t’i parandalojë vërshimet, do të ruaj biodiversitetin dhe do t’ia kthej një pamje shumë të mirë lagjes ‘Spahiu’ në Skenderaj”, tha Matoshi.

I pari i MMPH-së, Matoshi tha se dikasteri që ai drejton është duke mbështetur edhe projekte të tjera në Komunën e Skenderajt.

“ Rregullimi i shtratit të  lumit Klina, nuk është projekti i vetëm në Skenderaj. MMPH-ja është duke mbështetur edhe katër projekte të tjera në këtë komunë në shumë të përafërt prej 1 milion euro”, tha ministri Matoshi.

Ndërsa kryetari i Komunës së Skenderajt, Bekim Jashari falënderoi ministrin Matoshi për mbështetjen e dhënë në investime të projekteve në këtë komunë.

“Ky është një projekt i rëndësishëm që Ministria e Mjedisit dhe Planifikimit Hapësinor ka mbështetur, komunën tonë dhe qytetarët tanë”, tha Jashari.

Ministria e Mjedisit dhe Planifikimit Hapësinor është duke mbështetur Komunën e Skenderajt në projektet: “ Kyçjet individuale në ujësjellës për 12 fshatra – Skenderaj”,

“Rregullimi i kanalizimit fekal në Skenderaj”, “Rrjeti i kanalizimit në Prekaz-Mikushnicë, Skenderaj” dhe “Ndërtimi i kanalizimit në fshatin Runik – Skenderaj”.

Kalendari

Ngjarjet e datës 19 mars 2019 - Ministria e Integrimit Evropian feston 10 vjetorin e bashkëpunimit Kosovë – JICA”. (Hotel Swiss Diamond, ora 9:00)

- Instituti Demokratik i Kosovës organizon tryezën e diskutimit gjatë së cilës do të publikohen gjetjet e raportit nga monitorimi i Kontratave për furnizim me material shpenzues për Hemodializë për vitin 2018, në një diskutim me përfaqësues të institucioneve dhe shoqërisë civile. (Orion Conference Center, ora 10:00)

- Mbahet mbledhja e Komisionit Ad-hoc për përpilimin e Kodit për rregullimin dhe menaxhimin e fushës së pensioneve dhe beneficioneve nga sigurimi social. (Ndërtesa e Kuvendit, salla N204, ora 10:00)

- Rrjeti i Grave të Kosovës organizon mbledhjen e radhës së Koalicionit për Barazi “Fuqizimi i pjesëmarrjes së grave në politikë”. (Hotel Sirius, ora 11:00)

- Ministria e Administrimit të Pushtetit Lokal në Kosovë dhe Ministria e Vetëqeverisjes Lokale në Maqedoninë Veriore në koordinim me Zyrën e Bashkimit Evropian në Kosovë dhe me përkrahjen teknike të ofruar nga Sekretariati i Përbashkët Teknik organizojnë Forumin Konsultativ. (Hotel International Prishtina, ora 11:00)

- Grupi Parlamentar i Lidhjes Demokratike të Kosovës mban konferencë për media. (Ndërtesa e Kuvendit, kati III, para sallës C301, ora 11:00)

- Lëvizja Vetëvendosje mban aktivitet. (Takimi me mediat bëhet pranë QKMF-së, te Qafa, ora 12:00)

- Promovohet romani “Rrota e Ujit” i autores Resmije Kryeziu. (Kolegji AAB, objekti V, te këndi i Librarisë, ora 12:00)

- Oda e Afarizmit të Kosovës organizon konferencë për media lidhur me Udhëzimet Administrative të cilat janë në mospërputhje me Ligjin për Minierat dhe Mineralet që po pengojnë zhvillimin e bizneseve të këtij sektori. (Zyret e OAK-së, ora 13:00)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 14:00)

- Ambasadori Kosnett do të vizitojë Zyrën Kombëtare të Auditimit të Kosovës ku do të merr pjesë në nisjen zyrtare të Njësisë për Luftimin e Mashtrimeve, e cila do të veprojë në kuadër të ZKAK. (Lokalet e Zyrës Kombëtare të Auditimit, rr. Ahmet Krasniqi, Arbëri, ora 15:10)

- Lidhja Demokratike e Kosovës dega në Podujevë organizon manifestim me rastin e 29 vjetorit të themelimit. (Restaurant Ora, ora 17:00)