26 Nëntor 2020

Në Peje u mbollën më shumë se 100 fidane të llojit Pinus Sylvestris

Pejë, 27 shtator - Në kuadër të Javës së Diplomacisë së ndryshimeve Klimatike, Environmentally Responsible Action (ERA) organizoi një veprim kolektiv me të rinjë me qëllim të gjelbërimit të qytetit të Pejes ku u mbollën më shumë se 100 fidane të llojit Pinus Sylvestris (Hortina).

Ngjarja u zhvillua sot më 27 shtator,2019 në Parkun e Madh Karagaq, Pejë. Aktiviteti filloi në Mullirin e Haxhi Zekes, ku Drejtori i Organizates ERA z.Fatos Lajqi përshëndeti pjesmarrësit dhe partnerët e projektit BIRN Kosova, duke theksuar se ky është vetëm një aksion i vogël drejtë një kauze të madhe.

Ky aktivitet është mbështetur nga Bashkimi Evropian në kuadër të projektit Europeanization of Kosovo's Environmental Agenda.

Bashkëpunëtor në implementimin e këtij aktiviteti ishin edhe Universiteti Haxhi Zeka, “Ambienti”Pejë, Ministria e Bujqësisë, Pylltarisë dhe Zhvillimit Rural dhe Instituti I Pyjeve, Pejë. 

Kalendari

Ngjarjet e datës 26 Nëntor 2020

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston drejtorin e Departamentit të mjedisit dhe ujërave, Muhamet Malësiu dhe drejtorin e Autoritetit të Rajonit të Pellgjeve Lumore Gani Berisha, nga Ministria e Ekonomisë dhe Ambientit. (Ndërtesa e Kuvendit, salla N204, ora 12:00)

- Kryeministri i Republikës së Kosovës Avdullah Hoti dhe Ministrja e Kulturës, Rinisë dhe Sportit Vlora Dumoshi marrin pjesë në përurimin e kompletit te veprave të prof. Anton Çettës. (Biblioteka Kombëtare e Kosovës, ora 12:00)

- Komisioni Hetimor Parlamentar mbi procesin e licencimit, operimit, mbikëqyrjes dhe aplikimit për lejet e hidrocentraleve në Republikën e Kosovës interviston Kryetarin i Komunës së Deçanit, Bashkim Ramosaj. (Ndërtesa e Kuvendit, salla N204, ora 14:00) 

 

- Ministrja e Kulturës, Rinisë dhe Sportit Vlora Dumoshimerr pjesë në koncertin e Ansamblit “Shota”, kushtuar 70 vjetorit të formimit të Ansamblit të parë profesional të këngëve dhe valleve në Kosovë. (Teatri Kombëtar i Kosovës, ora 16:00)