05 Gusht 2020

Në Gjilan nis sesioni i dytë i trajnimit të fermerëve

Gjilan, 18 mars - Në Gjilan është ka filluar sesioni i dytë i trajtimit të fermerëve në kuadër të projektit ndërkufitar Gjilan-Kumanovë.

Eroll Jonuzi, menaxher i projektit “Tregu i qëndrueshëm i produkteve të freskëta të farmerëve në zonën ndërkufitare”, ka njoftuar se trajnimi i farmerëve të dy komunave do të zgjas tri ditë me radhë.  

“Ky program Gjilan-Kumanovë ka për qëllim që t’i bashkojë interesat e dy palëve në realizimin dhe ndërtimin e një tregu të vogël të përbashkët, duke u organizuar, trajnuar dhe ndërtuar kapacitete të përbashkëta, por edhe duke i shkëmbyer mallrat”, ka thënë Jonuzi.

Përndryshe, kreu i Gjilanit, Lutfi Haziri, ka paralajmëruar javë më parë mbi 1 milionë investime për modernizimin e Tregut të Gjelbërt.

 

Kalendari

Ngjarjet e datës 5 Gusht 2020

- Oda Ekonomike e Kosovës, Ministria e Drejtësisë dhe USAID-Programi për Drejtësi Komerciale do të mbajë forum virtual me temë 'Ekonomia gjatë pandemisë COVID-19. Si do të ndihmojë Gjykata Komerciale?'. (Objekti i Odës Ekonomike të Kosovës, ora 10:00)

- Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit voton raportin vjetor të Akademisë së Drejtësisë, Agjencisë Kundër Korrupsionit dhe Komisionit Qendror të Zgjedhjeve si dhe diskuton lidhur me Raportin e Punës së Këshillit Gjyqësor dhe të Këshillit Prokurial të Kosovës. (Salla e seancave plenare, ora 10:00)

- Grupi i Aktorëve të Prishtinës mban konferencën për media e cila organizohet me rastin e adresimit të kërkesës se aktoreve në Drejtorinë e Kulturës në Komunën  e Prishtinës, për krijimin e trupës artistike të Teatrit të qytetit në Prishtinë. (Para Komunes te Prishtines, ora 10:00)

- Komisioni Hetimor Parlamentar lidhur me procesin e privatizimit në Kosovë miraton planin e punës së Komisionit. (Ndërtesa e Kuvendit, salla N10, ora 10:00)

- Ministri i Infrastrukturës, Arban Abrashi, do t’i vizitojë punimet në hekurudhën e Kosovës, linjën 10, në stacionin hekurudhor në Miradi. (Miradi, ora 10:30 - Nisja për media nga parkingu i Ministrisë së Infrastrukturës, ora 10:00) - anulohet për shkak të kushteve atmosferike