16 Nëntor 2019

Mitrovicë, pritet të realizohet projekti madhor në sektorin e Bujqësisë

Mitrovicë 24 maj - Nënkryetari i komunës së Mitrovicës, Faruk Mujka, së bashku me drejtorin për Bujqësi dhe Zhvillim Rural, Ekrem Sadiku, sot pritën në takim përfaqësuesit e kompanisë ndërkombëtare “International Investvent & Business Development Consulting – IDC-KOS”, Selim Erden, Mehmet Ulger si dhe Mustafa Cuneyt.


Në këtë takim i pranishëm ishte edhe Rrustem Abiti nga Oda Ekonomike e Kosovës, i cili njoftoi nënkryetarin Mujka lidhur me projektin i cili do të realizohet në Komunën e Mitrovicës, në sektorin e Bujqësisë.


Përfaqësuesit e kompanisë IDC- KOS, gjatë këtij takimi bënë të ditur që në Mitrovicë do të realizohet projekti më madhor në sektorin e Bujqësisë, ku do të ngritët “Parku i Teknologjisë së Agrikulturës “, i cili është i vetmi i këtij lloji në vend dhe rajon.

 

Ky projekt do të realizohet në koordinim me disa akterë, që janë njohës të mirë të kësaj fushe, si Oda Ekonomike e Kosovës, Fakulteti i Bujqësisë nga Universiteti i Prishtinës, kompania “IDC-KOS”  si dhe  Komuna e Mitrovicës.
Pjesë e këtij projekti do të jenë kryesisht gratë dhe fermerë të tjerë të cilët merren me bujqësi në komunën e Mitrovicës, ndërsa që projekti do të përfshijë disa faza, si prodhimin, tharjen, ngrirjen si dhe paketimin ku të gjitha këto prodhime do të eksportohen për në tregun e Bashkimit Evropian.

 

Ndërsa nënkryetari Mujka i cili me vëmendje dëgjoj prezantimin e këtij projekti, e ka vlerësuar si shumë të rëndësishëm realizimin e tij në qytetin e Mitrovicës. 

 

Ai shprehu gatishmërinë e tij dhe të komunës për të vazhduar implementimin e këtij projekti në sektorin e bujqësisë, duke i vlerësuar të arriturat si një  mundësi e mirë për punësim dhe zhvillim ekonomik.

 

Kalendari

Ngjarjet e datës 16 nëntor 2019

- Me rastin e shënimit të Ditës së Avokatisë nënshkruhet memorandumi i bashkëpunimit në mes të Asociacionit të Gazetarëve të Kosovës dhe Odës së Avokatëve të Kosovës. (Hotel Swiss Diamond, ora 10:00)

- Filarmonia e Kosovës mban konferencë për medie në lidhje me koncertin e radhës artistik. (Salla e Kuqe të Pallatit të Rinisë, 14:30)
 
- Me rastin e ndeshjes Kosovë - Angli, trajneri i përfaqësueses së Kosovës Bernard Challandes mban konferencë për media. (Hotel Emerald, ora 16:15) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’ në Prishtinë, ora 17:00) 

- Kombëtarja e Anglisë do të mbërrijë në Kosovë. (Aeroporti “Adem Jashari” në Prishtinë, ora 18:30)

- Mbahet konferenca e Klubit futbollistik te Anglisë. (Hotel Emerald, ora 19:30)