31 Janar 2023

Ministri Peci viziton panairin në Ditën Ndërkombëtare të Gruas Rurale

Prishtinë, 14 tetor - Ministri i Bujqësisë, Pylltarisë dhe Zhvillimit Rural, Faton Peci mori pjesë në shënimin e Ditës Ndërkombëtare të Gruas Rurale e cila u mbajt në Sheshin “Adem Jashari” në Prishtinë, në bashkëpunim me Organizatën “Eco-Kos Women” dhe partnerë ndërkombëtarë të sektorit të bujqësisë.

Në kuadër të shënimit të kësaj dite, përmes një panairi të prodhimeve vendore, gratë ndërmarrëse kishin ekspozuar larmishmërinë e prodhimeve vendore në sektorin e bujqësisë dhe agro-përpunimit.

Ministri Peci duke parë nga afër produktet dhe ekspozimet tjera të prezantuara në këtë panair u shpreh se “Aktivitete të tilla si ky Panair sot janë më se të nevojshme pasi kanë për qëllim promovimin e pozitës së gruas në sektorin agro-ushqimor e pavarësinë e saj financiare, andaj gjithmonë do ta gjejnë mbështetjen time si Ministër i Bujqësisë, Pylltarisë dhe Zhvillimit Rural.

Përmes dokumenteve tona strategjike, kemi paraparë gruan si të barabartë në të gjitha proceset që ndërlidhen me mbështetjen institucionale me qëllim që pozita e saj në shoqëri të forcohet e mbi të gjitha, angazhimi i saj të sjellë pavarësi financiare, si mjet i rëndësishëm i udhëheqjes së familjes dhe agro-biznesit”, tha Peci.

Ai gjithashtu shtoi se nga vizitat që i realizon si brenda ashtu edhe jashtë vendit me ekipin e këshilltarëve nga Kabineti i tij  gjithmonë përkujdesen që produktet me të cilat e prezantojnë Kosovën, të jenë prodhime vendore nga agro-bizneset e grave dhe vajzave; qofshin ato produkte brenda sektorit të bujqësisë apo biznese artizanale.
 

Kalendari

Ngjarjet e datës 31 janar 2023

- Presidentja e Republikës së Kosovës, Vjosa Osmani Sadriu, kryeministri Albin Kurti dhe zëvendëskryeministrja Donika Gërvalla bëjnë homazhe te shtatorja e heroit Zahir Pajaziti, në 26 vjetorin e rënies së heronjve Zahir Pajaziti, Hakif Zejnullahu dhe Edmond Hoxha. (Sheshi “Zahir Pajaziti”, ora 9:00)

- Instituti Demokratik i Kosovës mban konferencën për media, ku do të publikohen rezultatet e Indeksit të Perceptimit te Korrupsionit për vitin 2022. (Zyrat e KDI-së, ora 9:00)

- Komisioni për Legjislacion shqyrton Projektligjin për Byronë Shtetërore për verifikimin dhe konfiskimin e pasurisë së pajustifikueshme. (Kuvendi i Kosovës, salla N302, ora 10:00)

- Komisioni për Çështje të Sigurisë dhe Mbrojtje shqyrton Projektligjin për mbrojtjen e informacionit të klasifikuar. (Kuvendi i Kosovës, salla N204, ora 10:00)

- Komisioni për Arsim, Shkencë, Teknologji, Inovacion, KulturÑ‘, Rini dhe Sport shqyrton Projektligjin pÑ‘r Agjencinë e Kosovës për Akreditim. (Kuvendi i Kosovës, salla N225, ora 10:00)

- Qendra Kosovare për Studime të Sigurisë (QKSS) publikon “Raportin për Vlerësimin Bazë të Dhunës në Baza Gjinore në Kosovë: Perceptimet e Komunitetit dhe Palëve të Interesit”. (Hotel “Sirius”, ora 10:00)

- Gazetarët afganë që kanë mbërritur sonte në Kosovë, Amina Omid, Ahmad Shaker, Nimatullah Gholami dhe Raifullah Nikzad mbajnë konferencë për media. (Zyret e Asociacionit të Gazetarëve të Kosovës, ora 10:30)

- Komisioni për Ekonomi, Industri, Ndërmarrësi dhe Tregti shqyrton planet e Përformances për vitin 2023, të agjencioneve/rregullatorëve të pavarur, që i raportojnë Komisionit (AKP, ARKEP, ZRRE). (Kuvendi i Kosovës, salla N10, ora 11:00)

- Komisioni për Mbikëqyrjen e Financave Publike shqyrton raportin e auditimit për performancën financiare dhe operative të ndërmarrjes “Trepça”. Të ftuar janë kryesuesi i Bordit, Bahri Hyseni, dhe kryeshefi Ekzekutiv, Enis Abdurrahmani. (Kuvendi i Kosovës, salla N303, ora 11:00)

- Përkrahës të Vetëvendosjes protestojnë kundër “imponimit” të Bashkësisë së Komunave Serbe. (Sheshi “Zahir Pajaziti”, ora 12:00)

- Komisioni për Administratë Publike, Pushtet Lokal, Media dhe Zhvillim Rajonal, shqyrton draft-planin e punës së Komisionit, për sesionin pranveror 2023. (Kuvendi i Kosovës, salla N303, ora 13:00)

- Komisioni për Mjedis, Ushqim, Bujqësi, Planifikim dhe Zhvillim shqyrton Projektligjin për Pyje. (Kuvendi i Kosovës, salla N302, ora 13:00)

- Fondacioni Jahjaga në bashkëpunim me Zyres Zvicerane për Bashkëpunim në Kosovë ka kënaqësinë të ju ftoj në ceremoninë e diplomimit të programit “Zhvillimi i njohurive mbi qeverisjen lokale". (Kino Armata, ora 14:00)

- Eris Jashari, ish-zyrtar policor në Policinë e Kosovës, i dorëhequr me 4 korrik 2017, tani koordinator në organizatën joqeveritare ktheju tokës tënde KTT, do të futet në grevë urie deri në realizimin e sigurimit shëndetësor dhe jetësor për policinë kërkesë kjo drejtuar Deputetëve të Kuvendit të Kosovës. (Sheshi “Adem Jashari”, te hyrja e pasme e Kuvendit kah rruga UÇK, ora 14:00