01 Qershor 2020

Mbjellen fidane në Ditën Ndërkombëtare të Biodiverzitetit

Obliliq, 22 maj - Me qëllim të promovimit të zhvillimit të qëndrueshëm dhe mjedisit të pastër, Zyra e Koordinatores Zhvillimore të OKB-së, së bashku me Komunën e Obliliqit dhe Let’s do it Kosova organizojnë aktivitet të mbjelljes së fidanëve në Ditën Ndërkombëtare të Biodiverzitetit.

Të pranishëm në këtë ngjarje do të jenë Kryetari i Komunës, Koordinatorja Zhvillimore e OKB-së,  Ministri i Mjedisit dhe Planifikimit Hapsinorë, ambasadorë, deputetë nga Kuvendi i Kosovës, udhëheqësi i Let’s do it Kosova,  përfaqësues të agjencive të OKB-së, përfaqësues të komunitetit lokal, shoqërisë civile, etj.

Ngjarja shënon fillimin e punëve në parkun e planifikuar dhe financuar kryesisht nga Komuna e Obiliqit.

Paralelisht në punëtorinë e Balkan Sunflowers në komunitet, fëmijët dhe të rinjtë  do të zhvillojnë emërtimin dhe logon e parkut.

Kalendari

Ngjarjet e datës 1 Qershor 2020

- Për nder të Ditës Ndërkombëtare të Fëmijëve 1 qershorit, kompania ndërtimore “Qami Construction” do të dhurojë gjak në Qendrën e Transfuzionit të gjakut dhe bën shpërndarjen e dhuratave për fëmijët të cilat janë të shtrirë në Klinikën e Pediatrisë. (Qendra e Transfuzionit të gjakut në QKUK, ora 9:00)

- Në Ditën Ndërkombëtare të Fëmijëve, KOMF organizon konferencën për media për publikimin e Raportit të Monitorimit “Komuna Ime, e Drejta Ime Sociale”. (Hotel Sirius, ora 10:00)

- Në kuadër të Javës së Gjelbër, Komuna e Prishtinës do të organizojë mbjelljen e drunjëve. (Kampusi Universitar të Universitetit të Prishitnë, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike, shqyrton Raportin vjetor të Agjencisë Kosovare të Privatizimit – AKP për vitin 2019. (Ndërtesa e Kuvendit, salla N10, ora 11:00)
 
- Instituti për Zhvillimin e Politikave Sociale (IZHPS), me financimin nga FES, publikon hulumtimin “Qasja në mësimin online dhe kushtet e jetesës për familjet përfituese të Skemës së Asstencës Sociale gjatë Covid-19. (Hotel Sirius, ora 11:45)

- Qendra për Këshillim, Shërbime Sociale dhe Hulumtime prezanton hulumtimit “A po ndryshon koncepti i atësisë në Kosovë?”. (https://docs.google.com/forms/d/e/1FAIpQLSdlUfSJPvTqynWzbxg2lXiq2Csq7vFeKnBg_kVgfvyHCkfpkQ/viewform,  ora  16:00)