24 Shkurt 2019

Mbahet simpoziumi shkencor për ardhmërinë e verës Vranç

Rahovec, 19 qershor - Sot në objektin e Departamentit të Vreshtarisë dhe Verëtarisë në Rahovec do të mbahet Simpoziumi Shkencor “Vlera dhe ardhmëri të hardhisë dhe verës Vranç”.

Ky simpozium organizohet nga Ministria e Bujqësisë, Pylltarisë dhe Zhvillimit Rural, konkretisht Departamentit të Vreshtarisë dhe Verëtarisë në bashkëpunim me Akademinë e Shkencave të Shqipërisë, konkretisht Seksionit të Shkencave Natyrore dhe Teknike, si dhe institucioneve tjera të kësaj natyre.

Në këtë simpozium do të marr pjesë gjithashtu edhe Ministri i MBPZHR-së, Nenad Rikalo.

Simpoziumi shkencor me problematikë vlerësimin më të madh të Vrançit është i pari i këtij lloji me natyrë monotematike, pararendës i veprimtarive të tilla shkencore edhe për kultivarët e hardhisë dhe llojeve të verërave shqiptare, në përputhje me strategjitë e zhvillimit të qëndrueshëm dhe politikat e kërkimit shkencor për bujqësinë dhe në zhvillimin e vreshtarisë e verëtarisë në Kosovë e Shqipëri.

 

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)