15 Nëntor 2019

Let’s Do It Kosova mbjellë qindra fidane në oborre të shkollave në Viti

Prishtinë, 24 tetor - Në kuadër të projektit “Ngritja e kapaciteteve të nxënësve në fushën e edukimit mjedisor dhe rivitalizimi i hapësirave shkollore” i cili bashkëfinancohet nga Let's Do It Kosova dhe Komuna e Vitisë, dje filloi faza e dytë e projektit, ajo e rivitalizimit të hapësirave shkollore, me ç'rast do të mbillen qindra fidane në 20 oborre të shkollave të kësaj komune, në dhjetë prej të cilave u mbollën dje.

Drejtori ekzekutiv i Let’s Do It, Luan Hasanaj, u shpreh se ky është vetëm njëri prej aktiviteteve në bashkëpunim me Komunën e Vitisë, të cilat do të vazhdojnë në mënyrë që të ngritet vetëdija e qytetarëve dhe e nxënësve për kujdesin ndaj ambientit jetësor dhe hapësirave publike, në mënyrë që të rritet vetëdija e qytetarëve, e në këtë rast më së shumti e nxënësëve të cilët janë nëpër shkolla.

Gjithashtu, Hasanaj tha se fokus i Let’s Do It është bashkëpunimi me ato komuna të cilat tregojnë vullnet dhe angazhim për të përmirësuar situatën mjedisore, e Vitia është njëra ndër to.

“Ne si organizatë do të interesohemi dhe në fakt fokusi ynë është që të bashkëpunojmë me komuna të cilat tregojnë vullnet dhe shohim angazhim më të madh për ta përmirësuar situatën mjedisore, dhe këtë e kemi pa në Viti dhe Vitia është në fokusin tonë edhe për vitin që vjen, kështu që do të kemi shumë e shumë edhe drunjë, edhe aktivitet të tjera të cilat do të vijnë këtë vit, por edhe vitin e ardhshëm”

Kryetari i Komunës së Vitisë, Sokol Haliti, tha se ky vit i cili është shpallur vit ambiental dhe i mbrojtjes së pyjeve në Komunën e Vitisë, po përmbyllet suksesshëm me mbjellje dhe se Komuna e Vitisë po punon gjithëmbarshëm që vetëdija e vazhdimësisë ambientale të forcohet, e aktiviteti i sotëm është një tregues për këtë. Haliti falënderoi Ministrinë e Mjedisit, e në veçanti Let’ Do It për bashkëpunimin në sferën ambientale dhe u shpreh se bashkarisht kanë arritur që viti 2018 dhe viti 2019 të jenë të suksesshme për Komunën e Vitisë në këtë sferë.

“Ne po dëshirojmë të përmbyllim suksesshëm këtë vit ambiental, pastër dhe me mbjellje të drunjëve e bimëve dekorative, sepse ju e dini që e kemi pasur të shpallur vit ambiental dhe të mbrojtjes së pyjeve vitin 2019, por edhe vitin 2018. Ne e kemi imperativ ta bëjmë Vitinë të bukur, të gjelbër e të pastër.

Drejtoresha e Drejtorisë së Arsimit e kësaj komune, Fatbardha Emini, falënderoi Kryetarin e Komunës dhe Drejtorin Ekzekutiv të Let’s Do It për qasjen pozitive dhe tha se ky është vetëm njëri nga projektet i cili është duke u implementuar.

“Ciklin e parë e kemi pasur ngritjen e kapaciteteve sa i përket edukimit për mbrojtjen e ambientit, me trajnime tek nxënësit e mësimdhënësit. Tani jemi në komponentën e dytë, që ka të bëjë me pjesën e rregullimit të kopshteve të shkollave. Më lejoni që në emër të Drejtorisë së Arsimit dhe të gjithë drejtorëve të shkollave të falënderoj kryetarin dhe drejtorin e Let’s Do It Kosova, që e kanë një qasje shumë pozitive që sektorin e arsimit ta mbështesin. 

Dje u nënshkrua edhe pranimi i grantit të performancës i cili është ndarë për Komunën e Vitisë nga Ministria e Mjedisit dhe Planifikimit Hapësinor, si rezultat i suksesit të treguar nga kjo komunë gjatë fushatës tremujore të vitit të kaluar “Ta Pastrojmë Kosovën 15 Shtator – 15 Dhjetor”, të implemtuar nga Let’s Do It në bashkëpunim me Qeverinë e Kosovës.



 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)