28 Janar 2021

Lansohet fushata për mbjelljen e 1.8 milionë drunjve, “T’i Japim Vendit Ngjyra”

Prishtinë, 24 nëntor - Ta Pastrojmë Kosovën dhe Komiteti Olimpik i Kosovës sot do të lansojnë fushatën më të madhe në vend për mbjelljen e 1.8 milionë drunjve, “T’i Japim Vendit Ngjyra”.

Ceremonia e lansimit të fushatës do të zhvillohet në “Këndin Olimpik” i cili ndodhet në Kampusin Universitar “Hasan Prishtina”.

Të pranishëm në këtë ceremoni do të jenë përfaqësues nga Ministria e Ekonomisë dhe Ambientit, Ministria e Bujqësisë, Pylltarisë dhe Zhvillimit Rural, Ministria e Kulturës, Rinisë dhe Sportit, Ministria e Infrastrukturës, Ministria e Mbrojtjes, rektori i Universitetit të Prishtinës, kryetari i Asociacionit të Komunave të Kosovës, përfaqësues nga Zyra e Kombeve të Bashkuara në Kosovë, sportistë e aktivistë mjedisor.

Pas fjalimeve, do të realizohet edhe një aksion për mbjelljen e 18 drunjve në hapësirat e “Këndit Olimpik” nga të pranishmit.

Për shkak të situatës me pandeminë, numri i pjesëmarrësve është i kufizuar si dhe janë marrë parasysh të gjitha udhëzimet nga IKSHPK dhe Ministria e Shëndetësisë për mbrojtje ndaj COVID-19.
 

Kalendari

Ngjarjet e datës 28 Dhjetor 2020

- Drejtori i Përgjithshëm i ATK-së Ekrem Hysenaj do të mbaj konferencë për media, në të cilën do të prezantoj aktivitetet e zhvilluara, si dhe rezultatet e arritura të ATK-së gjatë vitit 2020. (Zyra qendrore e ATK-së, ora 10:00)

- KDI organizon konferencën për media ku do të shpaloset “Indeksi për Perceptimin e Korrupsionit” për vitin 2020 përgatitur nga Transparency International. (Zyret e KDI-së, ora 10:00)  

- Mbahet mbledhja e parë e rregullt për vitin 2021 të Kuvendit Komunal të Prizrenit. (Shtëpia e Bardhë, ora 10:00)

- Promovohet libri “Krime serbe në Kosovë”, i autorit Çerçiz Loloçi. (Qendra Mediale të Kolegjit AAB, ora 11:00)

- Ministri në detyrë i Shëndetësisë, Armend Zemaj, merr pjesë në prezantimin e pullës postare, dedikuar personelit shëndetësor që kanë humbur jetën gjatë ballafaqimit me COVID-19. (Ministria e Shëndetësisë, ora 11:00)

- Universiteti "Fehmi Agani" në Gjakovë organizon ngjarjen kushtuar Ditës Ndërkombëtare të Përkujtimit të Holokaustit, e cila këtë vit i është kushtuar albanologut austriak - hebre Norbert Jokl. (Ambientet e Fakultetit të Edukimit-Filologjisë në Gjakovë, ora 12:00)

- Ministri në detyrë i Shëndetësisë, Armend Zemaj, merr pjesë në përurimi i fillimit të punimeve për ndërtimin e Qendrës së Mjekësisë familjare në Strellc të Deçanit. (Strellc – Deçan, ora 12:30)

- Partia Socialdemokrate do të mbaj aktivitet afër Ministrisë së Shëndetësisë. (Afër Ministrisë së Shëndetësisë, ora 13:00)

- Kandidati për deputet i AAK-së, Shemsedin Dreshaj, mban konferencën për medie. (Zyra e AAK-së, ora 13:00)

- Kryeministri në detyrë i Republikës së Kosovës, Avdullah Hoti, viziton stadiumin e Klubit të Futbollit “Vëllaznimi”, në Gjakovë. (Stadiumi i Klubit të Futbollit “Vëllaznimi”, ora 15:00)

- Kryetari i Nismës Socialdemokrate Fatmir Limaj merrë pjesë në takimin në mbështetje të nominuarëve për deputet në Skenderaj. (Lokali 'Te Mixha' në fshatin - Polac, Skënderaj, ora 16:30)