26 Shtator 2022

Kryeministri Kurti vizitoi ndërmarrjen që bën përpunimin e frutave të malit

Podujevë, 8 nëntor - Në kuadër të “Ditëve të Biznesit Kosovar” dhe dialogut me biznesin privat, të organizuar nga Ministria e Industrisë, Ndërmarrësisë dhe Tregtisë, Kryeministri i Republikës së Kosovës, Albin Kurti, së bashku me ministren e Industrisë, Ndërmarrësisë dhe Tregtisë, Rozeta Hajdari, vizituan ndërmarrjen vendore që bën përpunimin e frutave të malit.

“Mu duk shumë interesant rrëfimi që keni, ku Albani është i diplomuar në Shkenca Politike ndërkaq Medina në Mjekësi, e mesatarja është bujqësi edhe agropërpunim,” tha kryeministri në vizitën te ndërmarrja “Joni Sh”, me pronarë çiftin Alban edhe Medina Shabani.

Duke folur për ndihmën për prodhuesit nga Qeveria, kryeministri veçoi vendimin që përveç asaj që tashmë dihet subvencionimin e gjysmës së kamatës, njëkohësisht do të subvencionohet edhe 20 për qind e kryegjësë në kredi, pra principalin e kredisë. Ndërsa secili prodhues do të mund të marrë edhe 130.000 euro shtesë për të zgjeruar tregjet dhe për ta rritur cilësinë.

“Në anën tjetër, buxhetin për vitin 2022, e kemi miratuar në mbledhje të Qeverisë, do ta sjellim në Parlament për diskutim dhe aprovim së shpejti, me ç’rast buxheti për bujqësi do të jetë mbi 70 milionë euro, pa përfshirë grantet dhe ndihmat që do t’i marrim prej jashtë, prej donatorëve të ndryshëm”, tha kryeministri Kurti.

Ai theksoi se e kemi gjetur Ministrinë e Bujqësisë me 40 milionë euro obligime financiare dhe po e nxjerrim pa borxhe në vitin 2022.

“Do t’i kemi së paku edhe 10 milionë euro për rezerva shtetërore, të cilët duhet të mbushen me prodhim vendor dhe do të freskohen kohë pas kohe”, shtoi ai.

Kryeministri bëri të ditur se së shpejti Qeveria e Kosovës do të bëjë marrëveshje me Bashkimin Evropian për 10 milionë euro grante të fondeve IPA 2020, të cilët do t’i dedikohen rehabilitimit të sistemit të ujitjes.

Ndërsa në anën tjetër, i njoftoi për pjesëmarrjen në një garë ndërkombëtare për 20 milionë euro te Fondi për bujqësi globale dhe siguri të ushqimit, që iu dedikohet dy fushave kryesore: fermerëve të hortikulturës dhe organizimin e tyre në shoqata.  

Në fund të vizitës, kryeministri Kurti dhe ministrja Hajdari, vlerësuan organizimin e punës dhe cilësinë e prodhimit të kësaj fabrike që bën përpunimin e dredhëzës, mjedrës dhe boronicës, e që për këtë vit ka kaluar qarkullimin prej 1 milion euro, duke eksportuar prodhimet e veta edhe në Gjermani.

Kalendari

Ngjarjet e datës 26 shtator 2022 - Nën përkujdesjen e Kryetarit të Komunës së Malishevës, Ekrem Kastrati do të mbahet mbledhje përkujtimore në 24 vjetorin e “Masakrës së Gollubovcit”. (Salla e mbledhjeve të KK të Malishevës, ora 10:00)

- Komiteti Olimpik i Kosovës në kuadër të Javës Evropiane të Sportit 2022, organizon konferencën “Forumi për Sportin”. (Hotel Emerald, ora 10:00)

- Agjencia për Informim dhe Privatësi, me rastin e Ditës Ndërkombëtare për Lirinë e Informimit, mban konferencë me Kryetarë të Komunave. (Hotel Emerald, ora 10:15)

- Këshilli i Prindërve i shkollës “Faik Konica” në Prishtinë do ta organizoj një protestë për të shprehur pakënaqësinë e prindërve dhe nxënësve ndaj mos fillimit të procesit mësimor. (Oborri i shkollës, ora 12:00)

- Në 24 vjetorin e “Masakrës së Gollubovcit” behë homazhe te varrezat e martirëve në Plloqicë. (Fshati Plloqicë, ora 12:00)

- Në Qendrën Mediale në Çagllavicë zhvillohet debati me temën “Jo do të thotë jo - dhuna seksuale dhe ngacmimi i grave”. (Qendra Mediale në Çagllavicë, ora 12:00)

- Mahet mbledhja e Kryesisë së Kuvendit të Repulikës së Kosovës. (Ndërtesa e Kuvendit, salla C 301, ora 11:00)

- Në prag të ndeshjes Kosova - Qipro mbahet konferenca për media e Kombëtares së Kosovës. (Stadiumi “Fadil Vokrri”, ora 17:00)

- Zhvillohet stërvitja zyrtare e Kombëtares së Kosovës. (Stadiumi “Fadil Vokrri”, ora 17:30)

- Mbahet konferenca për media e Qipros. (Stadiumi “Fadil Vokrri”, ora 18:30)

- Zhvillohet sStërvitja zyrtare e Qipros. (Stadiumi “Fadil Vokrri”, ora 19:00)