28 Janar 2020

Komuna e Rahovecit shpërndanë mjete bujqësore për fermer

Rahovec, 11 dhjetor - Sot, komuna e Rahovecit përkatësisht Drejtoria për Bujqësi, Pylltari dhe Zhvillim Rural ka bërë shpërndarjen e mekanizmit bujqësor për fermer përfitues.

Në ceremoninë e shpërndarjes i pranishëm ishte, Fatmir Iska nënkryetar i komunës së Rahovecit dhe Berat Duraku, drejtor i DPZHR-së.

Nënkryetari i komunës, Fatmir Iska tha se sot "jemi këtu që të bëjmë shpërndarjen e 74 kultivator, 6 shperndarese plehu, 6 spërkatëse 500 L dhe 5 plugje dy krahësh dhe se ne si institucione do t’ju ndihmojmë në vazhdimësi me mekanizma bujqësorë të gjithë fermerëve të komunës."

Ndërsa, drejtori Berat Duraku, u shpreh se duke u bazuar në kërkesat që ne,  në vazhdimësi i marrim nga tereni nga fermerët gjatë takimeve që i kemi pasur kemi  ardhur në përfundim se ka nevojë që komuna të shpërndaj mekanizma bujqësor.

"Siç edhe e dini kjo nuk është hera e parë që po shpërndahen mekanizëm bujqësore , pasi që kjo është faza e katërt për këtë vit dhe sigurisht që nuk do të jetë edhe e fundit, pasi që ne kemi planifikuar që në vazhdimësi ti mbështesim fermerët", ka theksuar Duraku.

Kurse fermerët përfitues, e kanë falënderuar komunën për kujdesin e treguar duke thënë se vërtetë janë të kënaqur me ndihmën që po marrin nga komuna përmes drejtorisë për Bujqësi, Pylltari dhe Zhvillim Rural.

 

Kalendari

Ngjarjet e datës 27 janar 2020  - Oda Ekonomike e Kosovës dhe Shoqata e Zejtarëve dhe Afaristëve ESNAF nga Prizreni organizojn takim për mundësitë e bashkëpunimit në përkrahje të sektorit privat. (Objekti i Odës Ekonomike të Kosovës, ora 10:00)

- Këshilli Gjyqësor i Kosovës mban mbledhjen e 229-të. (Ndërtesa e KGJK-së, salla e takimeve, rruga “Luan Haradinaj”, ora 10.00)

- Kryeshefi I Telekomit të Kosovës, Bedri Istrefi pret në takim ministrtin e Inovacionit, Muszafer Shala, ku pas takimit do të ketë konferencë për media. (Ndërtesa kryesore të Telekomit të Kosovës, në katin e pestë, ora 10:00)

- Kuvendi Komunal i Prizrenit do të mbajë mbledhjen e jashtëzakonshme të thirrur nga kryetari i Komunës së Prizrenit, Mytaher Haskuka. (Salla e Kuvendit në Shtëpinë e Bardhë, ora 10:00)

- Kryeministri në detyrë, Ramush Haradinaj bashkë me kabinetin qeveritar, bëjnë homazhe te obelisku i Hebrenjve, në shënimin e Ditës Ndërkombëtare të Përkujtimit të Holokaustit. (Oborri i Qeverisë së Kosovës, ora 11:00)

- Plaformë e Grupit për Studime Juridike dhe Politike organizon konferencën për media me temë “Sfidat në sundimin e ligjit në Kosovë: Performanca e sistemit gjyqësor dhe prokurorial dhe vlerësimi qytetarë ndaj këtyre institucioneve”. (Qendra e Konferencave Orion, ora 11:00)

-  Universiteti i Gjakovës "Fehmi Agani" organizon manifestimin e kushtuar Ditës Ndërkombëtare të Përkujtimit të Holokaustit. (Hapësirat e Fakultetit të Edukimit -Filologjisë, Gjakovë, ora 11:00)

-  Misioni i OSBE-së dhe Bashkësia Hebraike e Kosovës do të shënojnë Ditën Ndërkombëtare të Kujtimit të Holokaustit. (Dokukino në Kompleksin Europa në Prizren, ora 12:30)

- Presidenti i Republikës së Kosovës, Hashim Thaçi, merr pjesë në shënimin e Ditës Përkujtimore të Holokaustit. (DokuKino, Kompleksi Europa në Prizren, ora 12:30)

- Rinia Demokratike e Kosovës shënon 20 vjetorin e themelimit. (Menza "Ramiz Sadiku", Prishtinë, ora 18:30)

- Ministria e Kulturës, Rinisë dhe Sportit, në bashkëpunim me Qendrën Kinematografike të Kosovës dhe AS Film, për nder të Ditës Përkujtimore të Holokaustit, do të organizojnë shfaqjen e filmit dokumentar “Përqafimi i fatit”, me regji të Jakov Sedlar. (Teatri Kombëtar i Kosovës, ora 19:00)