11 Nëntor 2019

Komuna e Istogut shpërndan 118 makina mjelëse

Prishtinë, 31 dhjetor - Mbështetja e fermerëve nga komuna e Istogut me subvencione ka vazhduar kësaj radhe me  shpërndarjen e makinave mjelëse, e cila përkrahje në këtë formë është duke u bërë që katër vite me radhë.

Me këtë rast shpërndarjen e këtyre makinave e ka bërë kryetari i komunës Haki Rugova, ku me këtë rast tha kjo përkrahje është vazhdimësi e përkrahjes së fermerëve, të cilën përkrahje do vazhdojnë ta bëjnë edhe vitin e ardhshëm, sivjet kanë qenë 180 kërkesa dhe nuk kemi pasur buxhet të ju ndalojmë të gjithëve që kanë aplikuar por ato kërkesa që kanë mbetur do plotësohen vitin e ardhshëm. Kryetari Rugova premtoj rritje të mbështetjes edhe më shumë në bujqësi.
 
Ndërkaq drejtori i Drejtorisë për Bujqësi tha se janë duke e realizuar këtë aktivitet që e kanë paraparë për këtë vit buxhetor  për subvencionimin e fermerëve  me makina mjelëse , komuna e Istogut ka ndihmuar fermerët edhe më parë edhe kësaj herë ne forma të ndryshme e sot është një nga ato me makina mjelëse.

Komuna e Istogut për të katërtin vit me radhë është duke përkrahur fermerët e saj me makina mjelëse, sivjet në kuadër të këtij projekti janë ndarë 118 makina, ku 118 familje kanë përfituar nga ky projekt.
 

Kalendari

Ngjarjet e datës 12 nëntor 2019 - Mbahet takimi vjetor i ministrave të Bujqësisë së vendeve të Evropës Juglindore me c'rast  Ministria e Bujqësisë, Pylltarisë dhe Zhvillimit Rural e Republikës së Kosovës, do të marrë edhe presidencën për udhëheqjen e Grupit Drejtues të Punës për Zhvillimin Rural Rajonal në Evropën Juglindore për një vit. (Hotel Emerald, ora 9:00)

- Universiteti i Shkencave të Aplikuara në Ferizaj në bashkëpunim me Universitetin e Shkencave të Aplikuara në Salzburg, organizon Konferencën Ndërkombëtare “Bashkëpunimi Universitet – Industri në Inovacion”. (Lokalet e Universitetit  të Shkencave të Aplikuara në Ferizaj. ora 9:00)

- Mahet takimi i 174-të i Këshillit Prokurorial të Kosovës. (Ojekti i Prokurorisë së Shtetit, ora 10:00)

- Zyra Kombëtare e Auditimit bën prezantimin e raportit të auditimit të performancës “Sistemi i kontrollit dhe monitorimit të cilësisë së derivateve të naftës”. (Salla e konferencave “Orion”, ora 10:00)

- Oda e Afarizmit të Kosovës organizon konferencë për media lidhur me pProblemet e bizneseve me bankat komerciale. (Zyret e OAK-së, ora 11:00)

- Lansohet projekti 'Subvencionet për Efiçiencë të Energjisë në Kosovë' të mbështetur nga MCC dhe MFK i cili synon të ofrojë stimuj financiarë dhe teknik për sektorin residencial që mundësojnë investime në masat e efiçencës së energjisë, si dhe të mbështesë gratë ndërmarrëse në energji dhe sektorë të tjerë. (Hoteli Swiss Diamond, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green i cili po  qëndron në Kosovë do të marrë pjesë në lançimin e pilot projektit Nxitjet e Efiçencës Energjetike i cili implementohet nga Fondacioni Milenium Kosova dhe financohet nga Korporata e Sfidave të Mijëvjeçarit në bazë të Marrëveshjes “Threshold” të MCC-së në Kosovë. (Hoteli Swiss Diamond, ora 11:00)

- Organizata për Rritjen e Cilësisë në Arsim publikon raportin “Borgjezia” e Akademisë, ku do të paraqitet hulumtimi mbi të ardhurat e stafit akademik menaxherial në universitetet publike të Kosovës. (Para objektit të Qeverisë së Kosovës, në sheshin Skënderbeu, ora 11:00)

- Administratori i Agjencisë së ShBA-ve për Zhvillim Ndërkombëtar Mark Green do të kalojë kohë edhe me të rinjtë me rastin e lançimit të platformës së internetit “Të Rinjtë Prijnë” për t’u krijuar mundësi bartësve të rinj të ndryshimeve të lidhen me rrjete të të rinjve me interesime të ngjashme, mentorë, resurse dhe ngjarje të ndryshme. (Qendra e Rinisë, salla atele, përballë Sallës së Kuqe, ora 15:00) 

- Zhvillohet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- OSBE organizon shfaqjen premierë të dokumentarit “Above the Fold” i cili ofron një tregim narrativ të vështirësive me të cilat përballen gazetarët në sjelljen e informacionit në publik. (Kino ABC, ora 19:00)