14 Gusht 2020

Klubi i Prodhuesve të Kosovës përkrah vendimin e ministrit Mustafa

Prishtinë, 20 mars - Klubi i Prodhuesve të Kosovës e përkrah vendimin e ministrit të Bujqësisë, Pylltarisë dhe zhvillimit rural, Besian Mustafa për të intensifikuar realizimin e pagesat për fermerët përfitues të granteve dhe subvencioneve nga viti 2019, kështu duke realizuar pagesat për 1.702 fermerë në vlerë prej 2.455.886,95 euro.

Duke pasur parasysh edhe situatën emergjente në të cilën po kalojmë, ky vendim është i mirëseardhur pasi që është shumë me rëndësi që pagesat të bëhen dhe të rritet likuiditeti në ekonominë e vendit tonë, por edhe të mundësohet puna normale e fermerëve tanë.

Klubi i Prodhuesve të Kosovës i inkurajon edhe ministritë tjera shtetërore që të kryejnë të gjithat pagesat kontraktuale ndaj të gjithë operatorëve ekonomik, pasi që vetëm sa do të mundësohej qarkullimi dhe likuiditeti ekonomik dhe tejkalimi i kësaj situate me sa më pak vështirësi.

Kalendari

Ngjarjet e datës 14 Gusht 2020

 - Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit shqyrton raportin me amendamente në Projektligjin nr.07/L-006 për parandalimin dhe luftimin e pandemisë COVID-19 në territorin e Republikës së Kosovës. (Ndërtesa e Kuvendit, salla N303, ora 9:00)

- Ministri i Shëndetësisë, Armend Zemaj, raporton në Komisionin për Shëndetësi dhe Mirëqenie Sociale lidhur me menaxhimin e situatës me Covid-19. (Ndërtesa e Kuvendit, salla N10, ora 9:00)  
    
- Kuvendi i Kosovës mban seancën e radhës ku në rend dite është shqyrtimi i dytë i Projektligjit për parandalimin dhe luftimin e Pandemisë COVID-19 në territorin e Republikës së Kosovës: shqyrtimi i parë i Projektligjit për Rimëkëmbjen Ekonomike etj. (Salla e seancave plenare, ora 10:00)   

- Organizata ETEA dhe Biblioteka “Hivzi Sulejmani” bëjnë publikimin e raportit hulumtues “Efekti i të lexuarit në mirëqenien psikologjike dhe inteligjencën emocionale të fëmijëve të Kosovës”. (Biblioteka “Hivzi Sulejmani”, ora 10:00)    

- Ministri i Punëve të Brendshme, Agim Veliu, viziton komunën e Pejës ku do të pritet nga kryetari i kësaj komune, Gazmend Muhaxheri. (Ndërtesa e Komunës, Pejë, ora 10:00)    

- Kryetari i komunës së Mitrovicës, Agim Bahtiri, së bashku me zhongluesin e mirënjohur nga Vitia, Agim Agushin, do të mbajnë konferencë për media. (Objekti i Komunës, Mitrovicë, ora 11:00)

- Kryetari i Komunës së Gjilanit, Lutfi Haziri, ‘ka diçka me thanë’. (Zyra e kryetarit te Gjilanit, ora 12:00)

 

- Organizata e Veteranëve të Luftës së UÇK-së do t'i bëjë dorëzimin e kërkesës për ndryshimin e ligjit për dhomat e specializuara të Gjykatës Speciale me seli në Hagë. (Kuvendi i Kosovës, ora 15:00)