24 Shkurt 2019

Kërkesa globale bujqësore do të jetë e dobët në 10 vitet e ardhshme

Romë, 4 korrik - Organizata për Zhvillimin dhe Bashkëpunimin Ekonomik (OECD) dhe Organizata e Ushqimit dhe e Bujqësisë e OKB-së (FAO) publikuan dje në Paris raportin vjetor. Në këtë raport u parashikua zhvillimi bujqësor botëror në 10 vitet e ardhshme.

Raporti me titullin "Perspektiva e Zhvillimit Bujqësor 2018-2027" u hartua së bashku nga OECD-ja dhe FAO.

Sipas këtij raporti, shumica e produkteve bujqësore botërore do të rriten në mënyrë të qëndrueshme.

Në vitin 2017, vëllimi i shumicës së drithërave, të mishit, të produkteve të qumështit dhe të detit arriti në nivel rekord, nëdrsa rezervat e drithërave shënuan nivelin më të lartë historik.

Sa i përket çmimeve botërore të bujqësisë për dekadën e ardhshme, raporti thekson se çmimi i produkteve kryesore bujqësore do të mbetet i ulët, pasi rritja e kërkesës globale bujqësore dhe ushqimore do të jetë e dobët dhe produktiviteti i sektorit bujqësor do të vazhdojë të rritet.

Ekzistojnë tri arsye për ngadalësimin e kërkesës bujqësore dhe ushqimore: rritja e ngadaltë e kërkesës në ekonomitë në zhvillim, arritja e cakut e konsumit të ushqimit për person dhe rënia e metejshme e rritjes së popullsisë globale.

Kalendari

Ngjarjet e datës 24 shkurt 2019 - Mbahet kampionati ekipor në pingpong Liga e Parë e Meshkujve. (Pallati i Rinisë dhe Sporteve në Prishtinë, ora 10:00)

- Komuna e Deçanit në bashkëpunim më OVL të UÇK-së, organizojnë mbledhje komemorative, me rastin e ndarjes nga jeta të ish-luftëtarit Halim Tolaj. (Salla e Asamblesë Komunale në Deçan, ora 11:00)

- Lëvizja Vetëvendosje! mban konferencë për media për çështjen e Lumbardhit në të cilën flasin nënkryetarja Fatmire Kollçaku dhe anëtari i Kryesisë në Pejë Taulant Kelmendi. (Takimi me gazetarë bëhet tek hotel "Dukagjini", ora 12:00)

 - Mbahet ceremonia e varrimit të ish-luftëtarit Halim Tolaj. (Kompleksi i Varrezave të Dëshmorëve të Kombit në fshatin Prejlep, ora 13:00)