17 Qershor 2019

Huawei synon rritjen e prodhimit të orizit në tokë të kripur

Pekin, 9 janar - Gjigandi i telekomunikacionit "Huawei" ka bashkëpunuar me "babain e orizit hibrid" të Kinës Yuan Longping në një projekt që synon rritjen e orizit në tokë të kripur duke përdorur monitorimin e teknologjisë së lartë.

Aktualisht në Kinë 100 milionë hektarë tokë është e papërshtatshme për kultivimin e drithërave, sepse është jashtëzakonisht e kripur.

Shkencëtari Yuan Longping, i cili njihet gjerësisht si personi i parë që ka krijuar varietetet e orizit hibrid, ka punuar për krijimin e një varieteti të ri që mund të rritet në këtë lloj toke me cilësi të dobët.

Ekipi i Yuan Longping-ut është duke punuar për të kultivuar oriz në rreth 667 mijë hektarë tokë të kripur. "Huawei" po e mbështet këtë përpjekje me ekosistemin e vet të Internetit të Gjërave.

Në një bashkëpunim që ka filluar në gusht, toka bujqësore është e pajisur me kamera dhe sensorë në sipërfaqe dhe nën të.

Informacioni i mbledhur për kushtet e tokës do të transmetohet në një qendër të të dhënave, ku do të vlerësohet nga pajisjet e inteligjencës artificiale së bashku me ekspertë. Informacionet që do të merren nga të dhënat, do të përdoren për të përmirësuar menaxhimin e tokave.

Kryetari i "Huawei"-t Hu Houkun tha se teknologjia e kompanisë mund të ndihmojë në krijimin e produkteve të reja të orizit dhe mund të përdoret gjithashtu për të përmirësuar tokën bujqësore ekzistuese në të gjithë Kinën.

Eksperimentet e mëparshme që kanë përdorur teknologjinë e lartë të monitorimit të fushës të "Huawei"-t kanë ulur përdorimin e ujit me 30 % dhe të plehrave me 40 %. 

Kalendari

Ngjarjet e datës 18 qershor 2019 - Mbahet mbledhja e jashtëzakonshme e Kuvendit të Komunës së Prizrenit me pikën e vetme të rendit të ditës në lidhje me kërkesën për pezullim të financimit të klubit të futbollit "KF Liria" dhe formimin e një komisioni prej 5-7 anëtarëve nga ana e Kuvendit. (Salla e mbledhjeve të Kuvendit në Shtëpinë e Bardhë, ora 10:00)

- Agjencia e OKB-së për refugjatët në Prishtinë - UNHCR do të mbajë një takim të dialogut të hapur për të ngritur vetëdijen për Marrëveshjen Globale për Refugjatët. (Sheshi 21, ora – 12:00)

- Ministri i Shëndetësisë, Uran Ismail raporton para Komisionit për Shëndetësi, Punë dhe Mirëqenie Sociale lidhur me procesin e revidimit të listës esenciale të barnave dhe përfshirja e barnave për sëmundjet e rralla si dhe informatën rreth furnizimit të SHSKUK-së me infuzione. (Ndërtesa e Kuvendit, salla C 203, ora 10:00)

- Drejtorja e USAID-it në Kosovë Lisa Magno viziton Ministrin e Shëndetësisë dhe takohet me Ministrin Uran Ismailin. (Ndërtesa e Ministrisë së shëndetësisë, ora 10:00)

- Instituti Demokratik i Kosovës organizon tryezën diskutuese me temë ‘’Hartimi i politikave për reduktimin dhe ndalimin e përdorimit të qeseve dhe shisheve plastike”. (Hotel Sirius, ora 10:00)

- Ministri i Drejtësisë, Abelard Tahiri, së bashku me Kryesuesin e Këshillit Gjyqësor të Kosovës, Skënder Çoçaj vizitojnë Dhomën e Posaçme të Gjykatës Supreme. (Dhoma e Posaçme e Gjykatës Supreme, ora 10:30)

- Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal shqyrton raportin me rekomandimet për mbikëqyrjen e zbatimit te Ligjit për Shërbime si dhe raportin Vjetor i Zyrës së Rregullatorit të Energjisë.  (Ndërtesa e Kuvendit, salla N 303, ora 11:00)

- Kryeministri Ramush Haradinaj bën homazhe dhe merr pjesë në tubimin përkujtimor te lapidari i dëshmorit Basri Canolli - Shpendi në fshatin Marec të Komunës së Prishtinës. (Fshati Marec, ora 11:00)

- Komisioni për Punë të Jashtme, Diasporë dhe Investime Strategjike mban dëgjim publik për Projektligjin për Diasporën. (Ndërtesa e Kuvendit,C-405, ora 11:00)

- 'Të flasim për Ekonominë' organizon tyrezë për të Drejtat Evropiane të Konsumatorëve për Kosovën. (Shtëpia e Evropës, Rruga e UÇK-së ora 11:00)

- Mbahet mbledhja e komisionit për Integrime Evropiane në të cilën do të shqyrtohet projektligji për mbrojtjen e ajrit nga ndotja, me amendamentet e Komisionit funksional nga aspekti i përputhshmërisë me legjislacionin e BE-së.  (Ndërtesa e Kuvendit, salla N204, ora 11:00)

- Drejtori i Inspekcionit i Komunes se Gjilanit, Nevzad Rushiti mban konferencë për media për 5 mujorin e punës dhe planifikimin për tre-mujorin e ardhshëm. (Zyra e kryetarit të Komunës së Gjilanit, ora 11:00)

- Grupi Parlamentar i Lidhjes Demokratike të Kosovës mban konferencën për media. (Ndërtesa e Kuvendit te Kosovës, kati III, para sallës C301, ora 12:30)

- Mbahet ushtrimi gjithëpërfshires, ku do të simulohet një aksident ajror dhe do të reagohet në perputhje me standardet e Agjencionit Evropian per Siguri ne Aviacion. (Terminali i Aeroportit  "Adem Jashari", ora 14:30)

- Mbahet mbledhja e rregullt e Qeverisë së Republikës së Kosovës. (Ndërtesa e Qeverisë, ora 15:00)

- Ambassadori Kosnett do të flasë me rastin e përmbylljes së programit Lidershipi Transformues - Bursat dhe Partneritetet. (Hoteli Emerald, ora 17:30)

- Qendra Kinematografike e Kosovës në bashkëpunim me Komunën e Prishtinës dhe Kino Armatën për nder të njëzet vjetorit të çlirimit të qytetit të Prishtinës organizon Javën e Filmit me shfaqjen e filmave "Një Muaj" nga Zgjim Terziqi dhe "Daullet e Rezistencës" nga Methieu Jouffre. (Kino Armata, ora 20:00)