25 Qershor 2019

Hapet tregu mobil dhe koperativa bujqësore në Kmetoc të Gjilanit

Gjilan, 27 shtator - Është hapur sot tregu mobil dhe kooperativa bujqësore në fshatin Kmetoc, ku qytetarët shqiptarë dhe serbë do të mund t’i shesin prodhimet e tyre bujqësore, sikurs eedhe që do t’i përdorin pajisjet moderne bujqësore.

Në ceremoninë e hapjes, ka marrë pjesë kryetari Lutfi Haziri, ambasadori i Mbretërisë së Bashkuar në Kosovë, Ruari O’Connell dhe zëvendëskryeministri i Kosovës, Dalibor Jevtic.

“Sot Kmotoci e ka përfituar tregun mobil dhe Shoqatën Kooperativa falë mbështetjes së IOM, Komisioni Europian, ministrit Jevtic dhe Komunës së Gjilanit. Realizimi i këtij projekti është i vonshëm, por i domosdoshëm për Kmetocin sepse këta njerëz kanë kontribuar në multietnicitet, duke e ruajtur fqinjësinë e mirë, bashkëpunimin dhe duke përballuar vështirësitë e jetës bashkë. Ne do të vazhdojmë që ta funksionalizojmë tregun mobil te kisha e Shën Nikollës dhe do ta ndërtojmë tregun e ri të gjelbërt ku do të integrohen të gjithë bujqit në mënyrë që të shfrytëzohen të gjitha hapësirat bashkërisht”, ka thënë kryetari i Gjilanit, Lutfi Haziri.

Amabasadori i Mbretërisë së Bashkuar, Ruari O’Conell, ka thënë se pjesëmarrja e shqiptarëve dhe serbëve në këtë ngjarje është mesazh i mirë për të huajt.

“Më vjen mire nëse mundemi ne si britanik në Kosovë që t’ju ndihmojmë që të punoni diçka realisht dhe me të vërtetë. Më vjen mirë që sot keni dalë të gjithë dhe ky është mesazh i mirë për neve të huajt të shohim çka është jeta normale, çka është jeta në Kosovë. Ju uroj suksese!”, ka deklaruar O’Connell.

Kurse, zëvendëkryeministri i Kosovës, Dalibor Jevtic, është shprehur që jetë i lumtur që është realizuar ky projekt i rëndësishëm.

“Jam i lumtur që sot jemi në hapjen e tregut. Falënderoj ambasadën britanike, KE, UN dhe kryetarin Haziri për këtë bashkëpunim. Duhet të shikojmë se cka është prioritet i punës sonë e kjo është që të punojmë së bashku. Dhe me forca të përbashkëta të krijojmë kushte që qytetarët tanë të mund të jetojnë dhe ky treg këtu i mundëson qytetarëve të Kmetocit që prodhimet e veta t’i plasojnë dhe shesin, ngase kemi edhe shumë punë dhe proleme që duhet t’i zgjidhim”, tha ai.

Këto dy projekte kapin koston e afro 60 mijë eurove.

 

Kalendari

Ngjarjet e datës 25 qershor 2019 - Ministri i Punëve të Jashtme i Republikës së Kosovës, Behgjet Pacolli do ta presë në takim ministren e Punëve të Jashtme të Norvegjisë, Ine Eriksen Søreide. (Hapësirat e MPJ-së, ora 8:30)

- The Siracusa International Institute for Criminal Justice and Human Rigths, një Organizatë Joqeveritare italiane organizon Dialogun Strategjik Kombëtar mbi temën e luftës kundër trafikut të paligjshëm. (Hotel Swiss Diamond, ora 9:00)

- Mbahet mbledhja e Komisionit për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi në të cilën do të diskutohet lidhur me kërkesat e Këshillit Kombëtar Shqiptar nga vizita e përbashkët e realizuar në Luginë të Preshevës (Ndërtesa e Kuvendi, salla C 203, ora 10:00)

- Instituti i Kosovës për Drejtësi me përkrahje të Departamentit të Shtetit Amerikan - Byrosë së Narkotikëve Ndërkombëtar dhe Çështjeve të Zbatimit të Ligjit dhe NED-it do të mbajë konferencë për media, në të cilën do publikohet raporti analitik: “Dështimet në rastet e shënjestruara”. (Hotel Sirius, ora 10:00)

- Ministri i Arsimit, Shkencës dhe Teknologjisë, Shyqiri Bytyqi, do të vizitojë Shkollën Fillore dhe të Mesme të Ulët “Pjetër Bogdani” në Prishtinë, ku do të bëhet dorëzimi i pajisjeve për klubet e mediave, që është donacion i GIZ-it.  (Shkolla “Pjetër Bogdani”, ora 10:00)

- Koalicioni i OJQ-ve për Mbrojtjen e Fëmijëve në Kosovë organizojnë konferencën për media lidhur me Projektligjin për Mbrojtjen e Fëmijëve. (Sheshi “Ibrahim Rugova” përpara objektit të Kuvendit të Republikës së Kosovës, ora 10:00)

- Kryeministri Ramush Haradinaj pret në takim Ministren e Punëve të Jashtme të Norvegjisë, Ine Eriksen. (Ndërtesa e Qeverisë, ora 10:05)

- Kompania Rajonale e Ujësjellësit Prishtina organizon ceremoninë me rastin e shënimit të ditës më të madhe për qytetarët e Fushë Kosovës, lëshimin në funksion të linjës magjistrale për furnizim 24 h me ujë të pijshëm. (Rr. Hajrullah ZymiFushë Kosovë, ora 10:30)

- Drejtoria e Emergjencës dhe Sigurisë në Komunën e Prizrenit organizon aktivitete solemne me rastin e Ditës së Zjarrfikësve të Prizrenit duke filluar me defileun e automjeteve dhe mjeteve zjarrfikëse në unazën e qytetit. (Nisja nga objekti i Shërbimit Zjarrfikës në Prizren, ora 11:00)

- Ministria e Punëve të Brendshme së bashku me UNDP do të organizojnë konferencën për media për vazhdimin e kampanjës për legalizimin e armëve. (Objekti qendrorë i MPB-së, salla P-02, ora 11:00)

- Kryetari Shpend Ahmeti takohet me Kryetarin e qytetit të Des Moines, Iowa të SHBA,  Thomas  Cownie. (Ndërtesa e vjetër e Komunës, ora 11:00)

- Drejtoria e Administratës në Komunën e Prizrenit në bashkëpunim me OJQ Nevo Koncepti organizon tryezë diskutimi me temën Trajtimi i Fëmijëve në Raste të Dhunës dhe Abuzimit. (Hotel Centrum, ora 11:00)

- Ministri i arsimit, Shyqiri Bytyqi raporton para Komisioni për Arsim, Shkencë, Teknologji, Kulturë, Rini, Sporte, Inovacion dhe Ndërmarrësi lidhur me tekstet e reja shkollore. (Ndërtesa e Kuvendit, salla N 303, ora 12:00)

- Drejtoria e Emergjencës dhe Sigurisë në Komunën e Prizrenit bën demonstrimin i ushtrimeve të kërkim-shpëtimit dhe shuarjes së zjarrit në objektin e shkollës fillore “Heronjtë e Lumës” në fshatin Vërmicë. (Vërmicë, ora 12:00)

- Balkan Green Foundation, Instituti GAP, Grupi për Studime Juridike dhe Politike dhe Instituti për Politika Zhvillimore organizojnë tryezën e rrumbullakët "Kapacitetet e energjisë së ripërtëritshme dhe kost-efektiviteti i tyre,". (Hotel Sirius, ora 13:00)

- Ministri i Ministrisë së Infrastrukturës dhe Transportit, Pal Lekaj raporton para Komisioni për Zhvillim Ekonomik, Infrastrukturë, Tregti, Industri dhe Zhvillim Rajonal lidhur me monopolin në fushën e homologimit të veturave. (Ndërtesa e Kuvendit, salla N 303, ora 13:00)

- Mbahet mbledhja e rregullt e Qeverisë së Kosovës. (Ndërtesa e Qeverisë, ora 14:00)

- Banka Evropiane për Rindërtim dhe Zhvillim organizon ceremoninë e nënshkrimit të kredisë prej 18 milionë eurosh që BERZH-i i ka dhënë parkut energjetik me erë të Kitkës. (Hotel Sirius, ora 15:00)

- Kryeministri Ramush Haradinaj merr pjesë në Ekspozitën e Artizanaleve të ndryshme, nga organizata e grave “Orkide”, në Prizren. (Qendra Kulturore “Yunus Emre”, Prizren, ora 18:00)

- Kryeministri Ramush Haradinaj merr pjesë në shënimin e Javës Egjiptiane në Gjakovë. (Pallati i Kulturës “Asim Vokshi”, Gjakovë, ora 19:00)

- Shkolla Amerikane e Kosovës organizon Inagurimi i kampusit të ri të Shkollës Amerikane të Kosovës. (Shkolla Amerikane e Kosovës, Shkabaj, Prishtinë, ora 20:00)