15 Nëntor 2019

Hapet prodhuesi i parë i fidaneve të specializuar në Kosovë

Prishtinë, 21 qershor – Sot kompania Agrobora ka inauguruar serën e parë në Kosovë të specializuar për prodhim të fidanëve të perimeve. Kjo është një arritje e madhe për prodhimin e qëndrueshëm të fidanëve të perimeve në vend dhe për të zgjeruar më tej sistemin e bujqësisë së kontraktuar, që rrit sigurinë financiare të fermerëve.

Për të ndërtuar serën e re për prodhim të specializuar të fidanëve, Agrobora ka siguruar pajisje moderne, përfshirë sistemin e ujitjes, ngrohjen e serës, sistemin e ventilimit, ngrohësin e inkubatorit dhe sistemin e energjisë diellore.

Duke iu drejtuar fermerëve dhe të ftuarve të tjerë të pranishëm në ceremoninë e inaugurimit, pronari i kompanisë Agrobora, Flamur Syla that se “misioni ynë është që fermerëve t’u sigurojmë fidanë të shëndetshëm të perimeve si dhe të shndërrohemi në biznes model që përpiqet të zhvillojë agrobiznesin në vend”.

Sera e re për prodhim të specializuar të fidanëve është bashkëfinancim i Agroborës dhe Agjencisë Zvicerane për Zhvillim dhe Bashkëpunim (SDC), përmes projektit Promovimi i Punësimit në Sektorin Privat (PPSE). Gjatë ceremonisë, përfaqësuesja e SDC-së Katrin Ochsenbein theksoi se “Inovacioni që prezantojmë sot i kontribuon bujqësisë së kontraktuar, pasi siguron inpute të mira që nga fillimi. Ndikimi i teknologjisë së specializuar shihet në cilësinë superiore të farave. Pritet që përdorimi i fidanëve të specializuar të rrisë dukshëm rendimentin.”

Në kontekstin e Kosovës, teknologjia për prodhimin e fidanëve që sjell Agrobora është revolucion në shumë aspekte. Kjo teknologji sfidon metodën tradicionale të prodhimit të fidanëve që ka rrezik të lartë dështimi apo rezulton në fidanë të pashëndetshëm; fermerët mund t’i mbjellin fidanët e specializuar 2-3 javë më herët, pra të dalin në treg më herët me prodhimet e tyre dhe rrit rendimentin me së paku 30%.

Familja Syla e ka nisur biznesin bujqësor për prodhim të fidanëve që në vitin 1980 dhe kjo serë e re funksionin në përputhje me standardet evropiane. Qëllimi i PPSE-së është të rrisë punësimin e të rinjve në Kosovës përmes ndërmarrjeve të vogla dhe të mesme. PPSE implementohet nga Swisscontact dhe Instituti Riinvest.

 



 

Kalendari

Ngjarjet e datës 15 nëntor 2019 - Klinika e Neonatologjisë dhe Shoqata e Neonatologëve të Kosovës, organizojnë Konferencën e I-rë nderkombëtare. (Hotel Garden, ora 9:00)

- Policia e Kosovës në shënim të ditës botërore të përkujtimit të viktimave në trafikun rrugor, në bashkëpunim me Këshillin e Sigurisë në Trafikun Rrugor dhe me Shoqatën e Sigurimeve , do të mbaj tryezë për shënimin e kësaj dite. (Salla Orion në Prishtinë në afërsi të Kino ABC, ora 9:30)

- Ministria e Arsimit, Shkencës dhe Teknologjisë organizon tryezën dhe punëtorinë me temën “Status quo e Zhvillimit të Kërkimit dhe Inovacionit në Kosovë: Ide rreth së ardhmes së K&I në Kosovë”, mbështetur nga Projekti HERAS i cili përkrahet nga Qeveria e Austrisë. (Hotel Sirius, ora 9:30)

- Komisioni i Pavarur për Miniera dhe Minerale mban punëtorinë lidhur me “Udhëzuesin për miradministrimin e aktiviteteve minerare dhe mjedisore. (Hotel Amazona, ora 10:00)

- Programi i Kombeve të Bashkuara për Zhvillim në Kosovë, përmes projektit Interdev 2, organizon një panair me shoqatat e grave prodhuese për të shënuar Ditën Ndërkombëtare të Sipërmarrësisë së Grave. (Qendra Kulturore në Viti, ora 11:00)

- Ministria e Mbrojtjes organizon ceremoninë e certifikimit të rekrutëve të rinj të FSK-së, gjenerata e dytë 2019. (Kazerma 'Adem Jashari' në Komandën e Forcave Tokësore në Prishtinë, ora 11:00)

- Komuniteti artistik organizon takim përkujtimor për regjisoren Arzana Kraja. (Teatri Kombëtar, ora 12:00)

- Organizata ETEA dhe Kuvendi i të Rinjve të Prishtinës organizon ceremoninë e hapjes të minibibliotekës së lagjes Ulpiana. (Te fontana në lagjen Ulpiana, ora 12:00).

- Ministri i MMPH-së, Fatmir Matoshi, do të nënshkruajë gjashtë Udhëzime Administrative që avancojne fushën e kadastrës dhe regjistrimit të pronës. (Zyret e Agjencisë Kadastrale të Kosoves, ndërtesa e Arkivit të Kosovës, ora 14:00)

- Kryetari i Gjykatës Themelore në Gjilan, Ramiz Azizi, do të mbajë një konferencë për media në të cilën do të prezantohet raporti nga muaji korrik deri në muajin tetor për Gjykatën Themelore të Gjilanit, së bashku me Degët e saja. (Gjykata Themelore Gjilan, ora 14:30)

- Mbahet marsh përkujtimor në këmbë nga Lagja Arbëria, rrugës Fehmi Agani deri te Teatri Kombëtar ku do të bëhet ndezja e qirinjve në përkujtim të viktimave që kanë humbur jetën në aksidente në trafikun rrugor. (Kolegji i Shkencave të Aplikuara Teknike “Tempulli”, ora 18:00)

- Mbahet stërvitja e Kombëtares së Kosovës. (Stadiumi ‘Fadil Vokrri’, ora 18:00)

- Galeria e Ministrisë së Kulturës organizn hapjen e ekspozitës individuale të autores Lumjetë Havolli, e titulluar "Is This Me...Or i Do it For You Only!?". (Galeria e Ministrisë së Kulturës, ora 19:00)

- Qendra për Informim dhe Përmirësim Social feston hapjen e Linjës telefonike për parandalim të vetëvrasjes "Linja e Jetës" në Kosovë! (Menza Ramiz Sadiku, ora 21:00)