09 Gusht 2022

Hapet Festivali i Verës si mundësi e re ekonomike

Rahovec, 16 qershor - Organizata Jo Qeveritare AKTIV organizon festivalin e verës në fshatin Hoçë të Madhe të komunës së Rahovecit.

"Ne do të bashkojmë prodhuesit e verërave nga rajoni i Rahovecit dhe bizneset nga veriu i Kosovës, për t'u ofruar atyre mundësi për rrugë të reja eventuale të bashkëpunimit ekonomik", thekson OJQ Aktiv.

Përfaqësues të kafeneve, restoranteve, tavernave dhe dyqaneve ushqimore nga komunat në veri të Kosovës, planifikojnë të marrin pjesë në këtë ngjarje dhe të vizitojnë prodhuesit e verërave nga Hoça e Madhe, të cilët do të ekspozojne produktet e tyre gjatë festivalit.

Ndërsa vera e prodhuar atje është gjithnjë e më e kërkuar, Hoça e Madhe mbetet e pazhvilluar, me shanse të kufizuara për të hyrë në tregjet e jashtme.

Kjo ngjarje është projektuar për të trajtuar atë çështje dhe për të mbajtur një festival që mund të sjell dobi dhe në të vërtetë argëtimin për komunitetin.

Festivali do të mbahet jashtë në një zonë publike në Hoçë të Madhe.

Kalendari

Ngjarjet e datës 9 gusht 2022

- Lëvizja FOL organizon konferencë për media me ç’ rast do të publikoj gjetjet nga monitorimi i realizimit të Planit Vjetor të Punës së Qeverisë për periudhën janar- qershor 2022. (Zyret e Lëvizjes FOL, ora 11:00)

- Zëvendëskryeministrja për Çështje të Pakicave dhe të Drejtat e Njeriut, Emilija Redžepi, mban takimin me temën “Arsimi i komuniteteve joshumicë në Republikën e Kosovës”, me pjesëmarrjen e të gjithë përfaqësuesve relevant të institucioneve. (Ndërtesa e Qeverisë, ora 12:00)

- Hapet ekspozita “Ekonomia e Gruas në tregun e punës” e cil paraqet veprat e artistëve të Bosnjës dhe Hercegovinës të cilët në mënyra të ndryshme trajtojnë format e padukshme/të neglizhuara/të panjohura të punës. (Mini Studio në Rr. Nazim Gafurri 25, ora 20:00)